ყველაფერი „ფასტინგზე“: როგორ დაგეხმარებათ 16 საათიანი შიმშილი, რომ წონაში რეკორდულ დროში დაიკლოთ

როგორც იქნა გაჩნდა საშუალება იმისა, რომ მიირთვათ ყველაფერი, რაც გსურთ და პარალელურად წონაში დაიკლოთ - შიმშილი ინტერვალებით.
ჭარბი წონის მოშორებაში ამ მეთოდის ეფექტურობა უკვე უამრავმა დიეტოლოგმა დაადასტურა და ბოლო წლებია კვების ეს რეჟიმი ძალიან პოპულარული გახდა. ექსპერტები დიდი ხნის მანძილზე ამტკიცებდნენ, რომ დღის განმავლობაში ხუთჯერადი კვება აჩქარებს მეტაბოლიზმს და წონაში სწრაფად კლებას ეხმარება. მაგრამ საკითხავია, ნამდვილად სჭირდება, თუ არა ჩვენს ორგანიზმს კვების მსგავსი რეჟიმი? ამასთან დაკავშირებით დასავლელმა სპეციალისტებმა დაასკვნეს, რომ საგანგაშო არ იქნება, თუ პირველ კვებას გამოტოვებთ ან „შიმშილობას“ მოაწყობთ
სადილამდე ან ვახშმამდე. შესაძლოა ეს მეთოდი სწორი კვების ყველა პრინციპს ეწინააღმდეგება, რაც აქამდე ვიცოდით, მაგრამ ინტერვალებით შიმშილი რეალურად ეხმარება გახდომაში და აჯანსაღებს ორგანიზმს.

გთავაზობთ მსგავს პრაქტიკას - Intermittent fasting:

რაში მდგომარეობს „ფასტინგის“ აზრი

ინტერვალური შიმშილი - ეს კვების რეჟიმია გასახდომად, როცა პერიოდულად უარი უნდა თქვათ საკვებზე. გაცილებით პოპულარული მეთოდია 16/8-ზე - სრული უარი კვებაზე 16 საათის განმავლობაში და 8 საათი, როცა ჭამა დასაშვებია. კვების მსგავსი მეთოდი წვავს ცხიმებს. „ფასტინგის“ ძირითადი დადებითი თვისება ისაა, რომ ჭამაზე სრულიად უარის თქმა საჭირო არ არის, საკმარისია გამოტოვოთ საუზმე, სადილი ან ვახშამი. ემოციურად ეს უფრო მარტივია, ვიდრე სრული შიმშილი, მაგ: განტვირთვის დღეები წვენებზე. თანაც არავითარი აკრძალვა არ არის პროდუქტზე, რაც იმას ნიშნავს, რომ შეგიძლიათ თავს ცოტაოდენი სისუსტის უფლება მისცეთ: დესერტები, შემწვარი კერძები, პური და ა.შ.



ინტერვალური შიმშილის პრინციპი

კვებაზე 16 საათიანი უარი ინსულინის სეკრეციის ოპტიმიზაციას ახდენს. ეს ორგანიზმს ნაკლებად მგრძნობიარეს ხდის, ამცირებს შიმშილის გრძნობას. შიმშილის დროს თქვენი ორგანიზმი იწყებს ცხიმების წვას. ამასთან ცარიელ კუჭს „დასვენება“ შეუძლია , ეს იმუნიტეტს ამაღლებს და აუმჯობესებს ჰორმონალურ ფონს. ზოგიერთი დიეტოლოგი დარწმუნებულია, რომ კვების მსგავსი პრინციპი ორგანიზმში ანთებით პროცესებს ამცირებს, სისხლში შაქრის შემცველობას არეგულირებს, აუმჯობესებს ტვინის მუშაობას. ამ დროს სხეული უფრო რელიეფური და მკვრივი ხდება.

როდის შეიძლება კვება

პირველ რიგში უნდა გაარკვიოთ, დღის რომელ მონაკვეთში გაგიადვილდებათ შიმშილი - დილით თუ საღამოს. თუ საუზმეზე უარს მარტივად ამბობთ, მაშინ ამჯერად სუფთა სინდისით გამოტოვებთ დილის შვრიას. მაგ: თუ საღამოს 8 სთ-ზე ივახშმეთ, ე.ი. მეორე დღის დილის 12 სთ-ზე დაშვებულია მსუყედ ისადილოთ ან თუ შიმშილი მაინც არ გაწუხებთ, დალიოთ ლატე კრუასანთან ერთად. ხოლო 16 საათისთვის ჭამაზე უარის თქმა მოგიწევთ. საღამოს 8 სთ-ზე შეგიძლიათ თავს მსუყედ კვების უფლება მისცეთ - მიირთვით პასტა ან ხორცი გარნირით.



მათთვის, ვისაც საუზმის გამოტოვება არ შეუძლია, საღამოს ვახშამი აკრძალულია. დილით შეგიძლიათ თავს არაფერზე უთხრათ უარი. მაგრამ, თუ დილის 8 სთ-ზე საუზმობთ, 16 სთ-ის შემდეგ სიამოვნებაზე უარის თქმა მოგიწევთ. თუმცა ამას სხვა კუთხით შეხედეთ: ამ დრომდე უარს არაფერზე ამბობთ.

ვისთვის არ შეიძლება ინტერვალური შიმშილი

„ფასტინგს“ ისევე, როგორც სხვა ნებისმიერ დიეტას უკუჩვენება აქვს, ამიტომ ვიდრე საკუთარ სხეულზე ექსპერიმენტების ჩატარებას გადაწყვეტთ, უმჯობესია კონსულტაცია ექიმთან გაიაროთ. ინტერვალებით შიმშილი აკრძალულია მათთვის, ვისაც აწუხებს გასტრიტი, აქვს ნაღვლის ბუშტის ან თირკმლების პრობლემა, ასევე დაუშვებელია ორსულთათვის და მეძუძური დედებისთვის.

ანა ვერძაძე
like
1

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.