რატომ არ სუქდებიან ფრანგი ქალები

ფრანგული სამზარეულო განთქმულია მისი კალორიული საკვების მრავალფეროვნებით, თუმცა ამ ქვეყნის მოქალაქეები ყოველთვის გამოირჩეოდნენ მოხდენილობით.
ფრანგი ქალების საიდუმლო ამრიკული კომპანიის ფილიალის „ვდოვა კლიკოს“ გენერალურმა დირექტორმა, მირეი გილიანომ საკუთარ წიგნში „რატომ არ სუქდებიან ფრანგი ქალები“ გაამხილა.

„ფრანგები „ჭამენ თავით“ და მაგიდიდან კუჭის სიმძიმის შეგრძნებითა და სინანულით არ დგებიან“.



მირეის თქმით, ფრანგი ქალების კვების მთავარი პრინციპი იმაში მდგომარეობს, რომ მათ საკუთარი მადის მართვა და არჩევანის გაკეთება შეუძლიათ, თუ როდის და რაზე უნდა უთხრან თავს უარი. გილიანო ირწმუნება, რომ „ჯანსაღ წონას“ მხოლოდ ასე შეიძლება
მიაღწიოთ.

როგორ გადახვიდეთ კვების ფრანგულ სისტემაზე?

პირველი ეტაპი: კვების დღიური
პირველ რიგში უნდა დაადგინოთ, რომელი პროდუქტები გვნებთ, რომლებსაც ყველაზე დიდი რაოდენობით იღებთ. ამისათვის სამი კვირის მანძილზე ჩაიწერეთ ყველაფერი, რაცმიირთვით - ულუფები, ადგილი და საკვების მიღების დრო. კალორიების დათვლა საჭირო არ არის, ფრანგი ქალები მათზე საერთოდ არ ფიქრობენ.

მეორე ეტაპი: „მავნებლების“ გამოაშკარავება და იზოლაცია
კვების დღიურის შესწავლით გაიგებთ, რომელი პროდუქტების მიღება უნდა შეამციროთ - სწორედ შეამციროთ და არა სრულიად გამორიცხოთ. განსაკუთრებული ყურადღება მიაქციეთ შოკოლადს, ცომეულსა და შემწვარ კერძებს. ეცადეთ თანდათანობით შეამცროთ მათი მირთმევა ან იპოვეთ ალტერნატივა.

დასვენების დღეებში გამონაკლისი დაუშვით. სჯობს მოდუნდეთ შაბათს, კვირას კი კვლავ მიჰყვეთ პროგრამას.
იმისათვის, რომ ორგანიზმი კვების ახალი სისტემისთვის შეამზადოთ, გილიანო გთავაზობთ დაიწყოთ ეს არდადეგებზე ხახვის „ჯადოსნური“ წვნიანით. წვნიანის მირთმევა შეგიძლიათ საუზმედ, სადილად და ვახშმად მთელი დღეების მანძილზე კვირას ვახშმამდე: ამ დროს კი შეგიძლიათ თავს უფლება მისცეთ 100-200 გრ ხორცის ან თევზის ბოსტნეულთან ერთად მირთმევის, ასევე ცოტადოედენი ხილის.

ხახვის „ჯადოსნური“ წვნიანი



შემადგენლობა:
900 გრ პრასი

მომზადების წესი:
1. გაასუფთავეთ პრასი და გარეცხეთ როგორც საჭიროა. მოაცალეთ მწვანე ღეროები და მხოლოდ თეთრი ძირები დატოვეთ ღია-მწვანე ნაწილით.
2. მოათავსეთ ხახვი დიდ ქვაბში და დაასხით წყალი. მიიყვანეთ ადუღებამდე და ხარშეთ ისე, რომ ქვაბს თავზე არ დააფაროთ, 20-30 წთ-ით. სითხე სხვა ჭურჭელში გადაღვარეთ. ხახვი მოათავსეთ ჯამში.
3. ბულიონი უნდა დალიოთ ოთახის ტემპერატურის და შემთბარი ყოველ 2-3 სთ-ში. ნახევარი თეფში მოხარშული ხახვი კი რამდენიმე წვეთი ლიმონითა და ზეითუნის ზეთით უნდა მიირთვათ საუზმედ, სადილად ან ვახშმად ან მაშინ, როცა მოგიშივდებათ.

მესამე ეტაპი: სტაბილიზაცია
მთავარი, რაც აქ უნდა გახსოვდეთ - ბალანსია.
„სიმკაცრე - წარუმატებლობის დედაა. თქვენი ცნობიერი ნებისმიერი პროგრამის წინააღმდეგ დადგება, რომელიც სასჯელის მსგავსად მიიღება. თქვენთვის ძვირფას ჭიქა ღვინოზე ან საუზმედ კრუასანზე უარის თქმით თავს დიდხანს ვერ მოატყუებთ - ადრე, თუ გვიან ორგანიზმი შურს იძიებს“ - ამბობს მირეი.

მეოთხე ეტაპი: მთელი დარჩენილი ცხოვრება
„ თქვენი კვებისა და ცხოვრების წესი ახლა თქვენს გემოვნებასა და ნივთიერებათა ცვლას შეეფერება, ისე გიხდებათ, როგორც Chanel-ის კლასიკური კოსტიუმი და სამუდამოდ რჩება თქვენთან, მხოლოდ წლებთან ერთად სულ ოდნავ იცვლება“ - ამტკიცებს მირეი გილიანო.
„ისწავლოთ სწორად კვება იგივეა, რაც შეისწავლოთ ენა: იდეალური შედეგის მიღება შესაძლებელია მხოლოდ საშუალებაში ჩაფლობით“.



ფრანგი ქალების კვების მთავარი პრინციპები:

შეიძინოთ პროდუქტი ბაზარში და არა სუპერმარკეტში. მთავარია ხარისხი.

საყიდლებზე კვირაში რამდენჯერმე გადით, დაემორჩილეთ კვების რეჟიმს და არა შიმშილის გრძნობას.

გახადეთ კვება მარავლფეროვანი სეზონის მიხედვით. მიირთვით ახალი ხილი და ბოსტნეული.

მოამზადეთ სახლში და მოერიდეთ სწრაფ კვებას.

მიირთვით მცირე ულუფებით.

თუ საუზმობას ვერ მოასწრებთ, ატარეთ ის თან, ვახშამი კი ტრაპეზად აქციეთ.

არ იჩქაროთ ჭამის დროს, მიუჯექით მაგიდას. ნელა დაღეჭეთ საკვები.

ჭამის დროს ყურადღებას ნუ გადაიტანთ ტელევიზორზე, წიგნსა და ტელეფონზე.

იფიქრეთ მხოლოდ კერძზე და მიიღეთ სიამოვნება.

დღეში ორჯერ დესერტად მიირთვით სახლში მომზადებული იოგურტი ან ნატურალური შემადგენლობის იოგურტი.

დალიეთ ბევრი წყალი.

ღვინოზე უარს ნუ იტყვით, თუმცა დღეში 2 ჭიქაზე მეტი არ მიიღოთ.

სახლში ნუ გააჩერებთ მავნე საკვებს.

ანა ვერძაძე

ასევე დაგაინტერესებთ:

ყველაზე ლამაზი ფრანგი ქალები (ფოტოგალერეა)

ავიმაღლოთ თვითშეფასება ფრანგი ქალების სამი მეთოდი
like
1

კომენტარები

135 2018-03-27 10:43
პრასით დაიწყო და მდუღარეში ჩაყრის მერე ხახვად გადაიქცა
ნინო 2018-03-27 10:28
დილით მარტო ყავას და იოგურს ჯერდებიან. საჭმლის მიმართ გაუმაძღარი დამოკიდებულება არ აქვთ.
tata 2018-03-27 10:18
ხახვის წვნიანი თუ პრასის წვნიანიიიიი :)
mmm 2018-03-27 08:53
რუსული გამოთქმაა ასეთი: "ჩემ ბოლშე ჯუიოშ, ტემ ბოლშე ჯივიოშ"-ო.
და კიდევ: მაგიდიდან ისე უნდა ადგე რომ ცოტა შიმშილის გრძნობა ისევ აგყვეს.
ესეც შენი ფორმულა.
reali 2018-03-26 18:40
სავადმკოფოდან მკვდარი გამოასვენეს და ერთი კითხულობს რამოუვიდაო რავიცი სვამდა ჭამდა სიგარეტს ეწეოდა არაფერს იკლებდა და მოკვდაო. 10 წუთი არა გასული და მეორე გამოასვენეს და ისევ იკიტხა ამას რა მოუვიდაო ეს რავიცი არც სვამდა არც სიგარეტს ეწეოდა საჭმელსაც არჩევდა თავს უვლიდაო მაგრამ მოკვდაო ესეც... დასკვნა 10 წუთის გამო ღირს ცხოვრებაში რამეზე თქვათ უარიი.. ეს უკვე თქვენი გადასაწყვეტია .. სანამ ცხოვრობ იცხოვრე ბედნიერად და დატკვით ცხოვრებით რადგან მეორეჯერ ეს შანსი არ გეთნებათ

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.