იაპონური დიეტა: "13 დღე" 

როგორ მოვიშოროთ ზედმეტი კილოგრამები? ეს ის კითხვაა, რომელიც როგორც კი დათბება, მაშინვე ამოტივტივდება ხოლმე ჩვენ გონებაში.
იაპონელი ექსპერტები დიეტის თავისებურ ინტერპრეტაციას გვთავაზობენ, რაც წონის რამდენიმე წლით შენარჩუნებაში დაგვეხმარება. ეს დიეტა, მხოლოდ წონასთან კი არაა კავშირში, არამედ ხელს უწყობს ორგანიზმში მეტაბოლური პროცესების უკეთ წარმართვას. აქვე აღვნიშნოთ ისიც, რომ დიეტის გამეორება მხოლოდ წელიწადში ორჯერაა ნებადართული.

აუცილებელი ფაქტორია ის, რომ მენიუდან ცომეული და ტკბილეული ამოვიღოთ. უპირველეს ყოვლისა ეს დიეტა ნახშირწყლების მიღებას გამორიცხავს.
უნდა გავითვალისწინოთ ისიც, რომ თუ ამგვარ (დაბალკალორიულ) დიეტას ავირჩევთ გასახდომად, ვიტამინების
ნაკლებობის პრობლემის წინაშე დავდგებით. ამიტომ, საჭიროა პრევენციული ზომების მიღება და ორგანიზმისთვის ვიტამინების კომპლექსის მიწოდება.



მენიუ:

დიეტის პირველ დღეს საუზმეზე შავი ყავის გარდა სხვა არაფერს არ მივიღებთ.

სადილზე კომბოსტოს სალათით და 1 ჭიქა პომიდვრის წვენით შემოვიფარგლებით.

ვახშმად მოხარშული ან შემწვარი თევზი შეგვიძლია მივირთვათ.

მეორე დღე შედარებით განსხვავებული იქნება, რადგან საუზმეზე ყავასთან ერთად პურის ნაჭერს მივირთმევთ. სადილის დროს თევზს და კომბოსტოს სალათს შევექცევით.

ვახშმად - 100 გრამი მოხარშული ძროხის ხორცი და იოგურტი.

მესამე დღე

საუზმე: ყავა და პურის ნაჭერი

სადილი- 1 ცალი ყაბაყი - ვწვავთ მცენარეულ ზეთზე.

ვახშამი: 200 გ მოხარშული საქონლის ხორცი და კომბოსტოს სალათა მცენარეული ზეთით. შეგვიძლია ორი ცალი კვერცხიც მოვხარშოთ, თუ შიმშილის გრძნობამ შემოგვიტია.



მეოთხე დღე

საუზმე: ყავა
სადილი: 1ც მოხარშული კვერცხი, 3 მსხვილი მოხარშული სტაფილო, 15 გრ ყველი ვახშამი : ხილი

მეხუთე დღე

საუზმე: გახეხილი უმი სტაფილო და ლიმონის წვენი
სადილი: მოხარშული ან შემწვარი თევზი, 1 ჭიქა პომიდვრის წვენი
ვახშამი: ხილი

მეექვსე დღე

საუზმე: ყავა
სადილი: ცოტაოდენი მოხარშული ქათამი (კანი გავაცალოთ). სტაფილოს ან კომბოსტოს სალათა.
ვახშამი: 2 ც მოხარშული კვერცხი, უმი სტაფილოს სალათა მცენარეულ ზეთთან ერთად.

მეშვიდე დღე

საუზმე: მწვანე ჩაი ( შაქრის გარეშე )
სადილი: 200 გ მოხარშული საქონლის ხორცი. ხილი
ვახშამი: ნებისმიერი სადილი, გარდა მოხარშული ხორცისა და კომბოსტოს სალათისა

მერვე დღე

საუზმე: ყავა
სადილი: მოხარშული ქათმის ნახევარი, ახალი სტაფილოს ან კომბოსტოს სალათა.
ვახშამი: 2 ც მოხარშული კვერცხი, გახეხილი სტაფილოს სალათა და მცენარეული ზეთი

მეცხრე დღე

საუზმე: გახეხილი უმი სტაფილო და ლიმონის წვენი
სადილი: მოხარშული ან შემწვარი თევზი, 1 ჭიქა პომიდვრის წვენი
ვახშამი: ხილი

მეათე დღე

საუზმე: ყავა
სადილი: 1ც მოხარშული კვერცხი, 3 მსხვილი მოხარშული სტაფილო, 15 გრ ყველი ვახშამი: ხილი

მეთერთმეტე დღე

საუზმე: ყავა და პურის ნაჭერი
სადილი- 1 ცალი ყაბაყი - ვწვავთ მცენარეულ ზეთზე.
ვახშამი: 200 გ მოხარშული საქონლის ხორცი და კომბოსტოს სალათა მცენარეული ზეთით. შეგვიძლია ორი ცალი კვერცხიც მოვხარშოთ, თუ შიმშილის გრძნობამ შემოგვიტია.



მეთორმეტე დღე

საუზმე: ყავასთან ერთად პურის ნაჭერს მივირთმევთ.
სადილი: თევზი და კომბოსტოს სალათი.
ვახშმად - 100 გრამი მოხარშული ძროხის ხორცი და იოგურტი.

მეცამეტე დღე

რაციონი ზუსტად ისეთია, როგორც დიეტის დაწყების პირველ დღეს.
საუზმე : შავი ყავა
სადილი: კომბოსტოს სალათი და 1 ჭიქა პომიდვრის წვენი.
ვახშმად კი მოხარშული ან შემწვარი თევზი.

მათთვის, ვისთვისაც ყავა სასურველი არ არის, იაპონელი დიეტოლოგები გამონაკლისის სახით გრეიპფრუტის წვენს გვთავაზობენ. ოღონდ, ეს უნდა იყოს ახლად დაწურული და უშაქრო.
ხოლო ვისაც თევზი არ უყვარს, შეუძლია საქონლის ან ქათმის ხორცით ჩაანაცვლოს, თუმცა, ხორცი აუცილებლად უცხიმო უნდა იყოს.

აღსანიშნავია ის, რომ იაპონურ დიეტას ეფექტი დასრულებიდან დაახლოებით 2 კვირაში აქვს.
like
3

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.