ვემზადებით ქორწილისთვის: ავსტრალიელი დიეტოლოგის რეკომენდაცია

ალბათ თვლით, რომ საპატარძლო დიეტა ჩვეულებრივი დიეტებისგან არ განსხვავდება, მაგრამ ავსტრალიელი დიეტოლოგი, მელანი მაკგრაისი ასე არ ფიქრობს:
საქორწილო სამზადისისთვის გარკვეული გარემოებების გამო ქალის ორგანიზმს განსაკუთრებული რაციონი სჭირდება - ჰორმონალური ცვლილებები სტრესის ფონზე, უძილობა და არასათანადო კვების ჩვევები. გთავაზობთ ავსტრალიის დიეტოლოგთა ასოციაციის წარმომადგენლის სპეციალურ რეკონედაციებს პატარძლებისთვის:



1. ლამაზი კანისთვის
ტორტების დეგუსტაცია და უძილო ღამეები ყველაზე ცუდად აისახება კანზე. ავსტრალიელი დიეტოლოგი, მელანი მაკგრაისი ამტკიცებს, რომ კანის ბზინვარება შიგნიდან მოდის და პირველ რიგში ხილისა და ბოსტნეულის მიღებაზეა დამოკიდებული. სპეციალისტი ასევე ირწმუნება, რომ ქორწილამდე
2-3 თვით ადრე უმჯობესია კვების რაციონი სრულად შეცვალოთ: „ყოველდღე მიიღეთ ზეითუნის ზეთი. ეს მარტივი ხრიკი თქვენს კანს ბზინვარებას შესძენს“.
ყოველდღიურად 2 ს.კ ზეითუნის ზეთი აუმჯობესებს გულის მუშაობას.ეს დადებითად აისახება სისხლის მიმოქცევაზე, რაც თავისმხრივ კანს სილამაზესა და სიჯანსაღეს სძენს.



მელანის რეკომენდაციით, ქორწილამდე 2 კვირით ადრე სჯობს რაციონიდან ამოიღოთ ყავა, ალკოჰოლი და შაქრის შემცველი პროდუქტები. ეს გაგანთავისუფლებთ ტოქსინებისგან და სახის კანის ფერს გაახალისებს.

2. ჯანსაღი ძილისთვის
„ძილის ხარისხის გასაუმჯობესებლად, თქვენს ვახშამში შეიტანეთ ისეთი პროდუქტები, როგორებიცაა ყავისფერი ბრინჯი და ჯიჯლაყა. მარცვლეული კულტურა მდიდარია მაგნიუმით, რომელიც ღრმა და მშვიდ ძილს მოგიტანთ“.


ძილის წინ ასევე რეკომენდებულია გვირილიას ჩაი - ამშვიდებს ნერვულ სისტემას.

3. ენერგიულობისთვის
„კვირაში რამდენჯერმე მიირთვით თინუსი. ის მდიდარია ომეგა-3 ცხიმებით და შესანიშნავი დიეტური საშუალებაა“.



4. ბრტყელი მუცლისთვის
ყველა პატარძალს სულ, რომ საქორწილო კაბა იდეალურად ერგებოდეს. იმისათვის, რომ თქვენი სხეული იდეალურ ფორმაში იყოს, მელანი მაკგრაისი შემდეგ რეკომენდაციას იძლევა: „ კარტოფილი და ხორბლის ფქვილი შეცვალეთ კინოას მარცვლებითა და ბრინჯის ფქვილით. შეშუპება რომ თავიდან აიცილოთ, საუზმეს დაუმატეთ 1 ც ბანანი. გირჩევთ ასევე, გამორიცხოთ საზამთრო, კიტრი, იოგურტი, ყურძენი და ავოკადო - ისინი შებერილობას იწვევენ“.

ანა ვერძაძე
like
0

კომენტარები

xatuna 2018-04-12 11:46
ჯიჯლაყა რა არის
?

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.