სპორტ-დარბაზში თავდაუზოგავად ვარჯიშობთ, სწორად იკვებებით და საჭირო შედეგს მაინც ვერ იღებთ? იქნებ, თქვენ მხოლოდ ძილი გესაჭიროებათ?
რამდენად სასაცილოდაც არ უნდა მოგეჩვენოთ, ზედმეტი წონის მოსაშორებლად, საკმარისია საწოლზე სიამოვნებით წამოწვეთ.

ბრისტოლის უნივერსიტეტმა ჩაატარა კვლევა - კვლევაში მონაწილე ერთ-ერთი პირის მტკიცებით, როგორც კი ძილის ხანგრძლივობა შეამცირა, მისი წონა 4%-ით გაიზარდა.



ძილის ხანგრძლივობისა და წონაში მატების კავშირზე კვლევა კეიტ ვესტერნის უნივერსიტეტმაც ჩაატარა, რომელშიც მონაწილეობას იღებდა 70 000-ზე მეტი ქალი. გოგონები, რომელთაც დღეში 5 სთ-ზე ნაკლები ეძინათ, 15 წლის მანძილზე მათი საშუალო წონა 15 კგ-ით გაიზარდა.



რა თქმა უნდა, ძალიან მნიშვნელოვანია როგორ გძინავთ - რამდენიმე წესი, რომლებიც აუცილებლად უნდა გაითვალისწინოთ, ვიდრე დასაძინებლად გაეშურებით:

მეტი პროტეინი
ის, რომ პროტეინის კოქტეილს შეუძლია კუნთების აღდგენა და ვარჯიშის შემდეგ სხეულს რეაბილიტაციაში ეხმარება, ალბათ, აქამდე გსმენიათ. დიეტოლოგმა და ფლორიდის შტატის უნივერსიტეტის მკვლევარმა კი გაარკვია, რომ ცოტაოდენი ეს სასმელი ღამით გახდომაში დაგეხმარებათ. საქმე იმაშია, რომ კოქტეილი აჩქარებს მეტაბოლიზმს.


გაგრილდით
უნდა დაიძინოთ გრილ ოთახში - საკმარისია 18 გრადუსი. საქმე იმაშია, რომ გასათბობად ადამიანის ორგანიზმი მეტ ენერგიასა და შესაბამისად ცხიმებს წვავს. ამიტომ, რაც უფრო ცივ ოთახში დაიძინებთ, მით მეტ ცხიმებს მოიშორებთ. თუმცა ფანატიზმის გარეშე, რადგან ასე მარტივად გაცივდებით.

მოიშორეთ სმარტფონი
როცა დასაძინებლად დაწვებით, ტელეფონი მოშორებით დადეთ ან ეკრანით ქვევით ჩააბრუნეთ. რადგან ყოველი განათების დროს, მაშინაც კი, როცა თქვენ გძინავთ, ტვინი რეაგირებს და ეს ძილს გიფრთხობთ.

გაითვალისწინეთ ნორმა
წონაში რომ არ მოიმატოთ და თავი ენერგიულად იგრძნოთ, აუცილებელია დღეში 8 საათი გეძინოთ. როგორც კი ამ მარტივ ჭეშმარიტებას უგულებელყოფთ, მაშინვე მოგინდებათ ტკბილი, მარილიანი, ყოველგვარი სასუსნავები და სასმელები. ამიტომ, თუ იმაზე ნერვიულობთ, რომ დღეს ვარჯიში ვერ შეასრულეთ და ამის გაკეთებას შუაღამისას ცდილობთ, უმჯობესია დასაძინებლად გაეშუროთ.

თუ დაძინებაში მოცემული რჩევებიც ვერ გეხმარებათ, გადახედეთ - იქნებ, ისეთი პროდუქტი გიყვართ, რომელიც დაძინებაში გიშლით ხელს. სხვათა შორის, ეს ყავა არ არის.

ანა ვერძაძე