რით არ არის სასარგებლო დილით ლიმონიანი წყლის დალევა

„ჩემი დღე დილის 6 საათზე ჭიქა თბილი ლიმონიანი წყლით იწყება. სასმელი ორგანიზმში მჟავა-ტუტოვანი წონასწორობის შენარჩუნებას უწყობს ხელს და აუმჯობესებს მომნელებელი სისტემის ფუნქციას“ - ჰყვება ჟიზელ ბუნდჰენი.

მოდელი ერთადერთი ცნობილი სახე არ არის, ვინც დილით უზმოზე ლიმონიან წყალს სვამს. წყალი გამოდევნის ტოქსინებს, ასტაბილურებს მჟავე-ტუტოვან ბალანსს, აუმჯობესებს კანის მდგომარეობას და ეხმარება წონის კლებაში.

დიეტოლოგი ალისა რამსი განმარტავს: „პრინციპში, ნებისმიერი წყალი, თბილი იქნება, თუ ცივი, ორგანიზმში აბალანსებს სითხეს და ასტიმულირებს მომნელებელ სისტემას. მაგრამ, რადგან ციტრუსი C ვიტამინით, ფოლიუმის მჟავითა და კალიუმით მდიდარია, ის
უნდა მიირთვათ მთელი დღის მანძილზე და არა მხოლოდ დილით“.

ლიმონიანი წყლის დადებითი მხარეები


დიეტოლოგი კიმბერლი სნაიდერი ლიმონიან წყალს ჯადოსნურ საშუალებას უწოდებს. „სასმელი ორგანიზმიდან ტოქსინებს გამოდევნის, ეხმარება მომნელებელ სისტემას და ღვიძლს, რომ სწრაფად გაუმკლავდეს უარყოფით გავლენს“. კიმბერლი გვირჩევს, ლიმონიანი წყალი მივიღოთ მთელი დღის მანძილზე, ლიმონი ასევე გამოვიყენოთ სალათებსა და სმუზებში. ლათინო ამერიკაში ლიმონს ნებისმიერი კერძის მოსამზადებლად იყენებენ.
ლიმონის სიყვარული ბევრი ფაქტორით აიხსნება. მაგ: C ვიტამინის დიდი შემცველობა შეაფერხებს კანის ნაადრევ დაბერებას. ლიმონი მდიდარია კალიუმითა და მაგნიუმით, რის წყალობითაც სტიმულირდება ნაღვლის გამოყოფა და ღვიძლის მუშაობა. ციტრუსი ასევე შეიცავს ორგანიზმისთვის სასარგებლო ციტრატს.

ლიმონიანი წყლის უარყოფითი მხარეები


ლიმონიანი წყალი თითქოს იდეალური სასმელია, მაგრამ ერთი მინუსი მაინც აქვს. რადგანაც ლიმონის ციტრუსეულის წარმომადგენელია და საკმაოდ მჟავეა, ის შესაძლოა უარყოფითად აისახოს კბილებზე. კბილის ზედაპირზე სიმჟავის გავლენას რომ შემცირდეს და დაიცვათ ის, ექიმი იან ჰაიტო გვირჩევს: „თბილი ლიმონიანი ან ნებისმიერი სიმჟავის შემცველი წყლის დალევის შემდეგ, პირის ღრუ 30 წამით სუფთა წყლით გამოივლეთ. კბილები მხოლოდ გარკვეული დროის შემდეგ უნდა გაიხეხოთ - უფრო ზუსტად კი 2 საათზე ადრე არა“.

ანა ვერძაძე
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.