„საკუთარი თავით არასოდეს ვარ კმაყოფილი, ყოველ ჯერზე მინდა რაღაც განსაკუთრებული შევქმნა“ - ანრი შარაშენიძის საინტერესო შემოქმედებითი სამყარო

"ბომონდი" გთავაზობთ ახალ რუბრიკას "ჩემი უჩვეულო სამყარო", რომლის ფარგლებშიც შევეცდებით გაგაცნოთ საინტერესო და ნიჭერი ახალგაზრდები, შემოქმედებითი კუთხით.

ანრი შარაშენიძე 23 წლის ნიჭიერი ფოტოგრაფია, რომელიც Digital DSLR კამერით მუშაობს.

მის ფოტოებს განსაკუთრებული ხელწერა ეტყობა, რომელიც გამოარჩევს სხვა ფოტოგრაფის ნამუშევრებისგან. როგორც თავად ამბობს, ამის მიზეზი განსხვავებული რეჟისურა, სტილი და ფერებია.


- ბავშვობიდან გიტაცებდა ფოტოგრაფია?


- დაახლოებით 13 წლიდან ვიღებ ფოტოებს და ყოველთვის მქონდა სურვილი, ვყოფილიყავი წარმატებული ფოტოგრაფი, შემექმნა განსხვავებული და განსაკუთრებული ნამუშევრები.


- როდის მიხვდი, რომ ფოტოგრაფია შენი სფეროა?


- ბავშვობიდან ფირზე

ვიღებდი, სულ 3 ფირის კამერა გამოვცვალე და შემდეგ გადავედი Digital DSGR კამერაზე, რის შემდეგაც გადავწყვიტე ამ სფეროში საკუთარი თავის დამკვიდრება.

- თუ შეგიძლია მოგვიყვე შენს მიღწევებზე ამ სფეროში?


- მიღწევად არ ვთვლი გამოფენებსა და კონკურსებში მიღებულ ნომინაციებს ან ჯილდოებს, ერთადერთი მიზანი, რომელიც მაქვს, არის ვიყო წარმატებული ფოტოგრაფი .



- გყავს საყვარელი ფოტოგრაფი?


- Annie Leibovitz ლეგენდარული ფოტოგრაფია.

- რა არის შენთვის ფოტოგრაფია, უბრალოდ პროფესია თუ შემოსავლის წყარო?


- იშვიათად ხდება, როდესაც ადამიანს შემოსავლის წყარო იმ საქმიდან აქვს, რომლის კეთებაც ძალიან უყვარს. ამიტომ ჩემთვის ფოტოგრაფია უბრალოდ შემოსავლის წყარო არ არის.

- გაქვს თუ არა ფოტო, რომელიც განსაკუთრებულად მოგწონს?


- რა თქმა უნდა მაქვს, თუმცა, საკუთარი თავით არასოდეს ვარ კმაყოფილი, ყოველ ჯერზე მინდა რაღაც განსაკუთრებული შევქმნა.


- უფრო რისი გადაღება გიყვარს და რატომ?


- ძირითადად რამდენიმე ჟანრში ვმუშაობ, Fashion ფოტოგრაფია, ფოტომანიპულაცია,სიურეალიზმი, Stock ფოტოგრაფია, Street style.

- შენი შთაგონების წყარო რა არის? იდეა, თემა, საიდან მოდის...


- ჩემი შთაგონების წყაროა ნივთები, რომლებსაც ყოველდღიურად ვიყნებთ და ვხედავთ.



- პერსონაჟებს როგორ პოულობ გადაღებისთვის? მათ ვიზუალზეც თავად ზრუნავ?


- საინტერესო გარეგნობის ადამიანს როცა ვხედავ, უკვე გონებაში წარმომიდგენია როგორ უნდა ეცვას,როგორი სტილი მოუხდება და როგორ ფოტოს გადავუღებ.

- ცდილობ თუ არა მოდელები ვინმე კონკრეტულ პერსონაჟს დაამსგავსო (მაგალითად, რომელიმე ფილმის გმირს), თუ რეალობაშიც ისევე გამოიყურებიან, როგორც შენს ფოტოებში?

 


- მსგავსი შემთხვევა მხოლოდ ერთხელ მქონდა, გადავიღე ფილმი ‘’ლეონი’’ ს ერთ-ერთი მთავარი გმირის მატილდას პერსონაჟი.

 



- შენი აზრით, რა დონეზეა განვითარებული ფოტოგრაფია საქართველოში?


- ფოტოგრაფიის ათობით ჟანრი არსებობს, ჩვენთან ალბათ ჯამში სამ ან ოთხ ჟანრში იღებენ, მაგრამ განვითარების ფაზაში ვართ.



- თუ შეგიძლია გაგვიმხილო შენი სამომავლო გეგმები...


- ვთანამშრომლობ დიზაინერებთან და ჩემი მომავალი გეგმებიც მათ უკავშირდება. ჯერ-ჯერობით არ მინდა კონკრეტულ გეგმებზე საჯაროდ საუბარი, თუმცა ვიტყვი იმასაც რომ, ვფიქრობ, გავხსნა დასავლურ სტანდარტებს მორგებული ფოტო სამოდელო სააგენტო.

P.S. თუ ქმნით რაიმე საინტერესოსა და განსხვავებულს, თუ გინდათ, თქვენი ნიჭის შესახებ საზოგადოებამ გაიგოს, მოგვწერეთ "ბომონდის" Facebook გვერდზე.

ნინია მედულაშვილი

 

 

like
8

კომენტარები

elza 2018-05-20 09:53
ძალიან ნიჭიერი ფოტოგრაფია, წარმატებები ანრი ❤️

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.