ფარმაცევტი გოგონას მხატვრული შესაძლებლობები და მაკიაჟის ძალა

24 წლის მარიშა ქავთარაძე თვითნასწავლი გრიმიორ-ვიზაჟისტია. იმის მიუხედავად, რომ მის პროფერიას, ფარმაცევტობას არავითარი კავშირი არ აქვს მხატვრობასთან, მისი მთავარი ჰობი ყოველთვის ხატვა იყო. ამ ეტაპზე ის მხატვრობის ახალი სახეობის, ტატუირების შესწავლითაა დაკავებული და ძალიან საინტერესო ნამუშევრები აქვს.

- გვიამბეთ თქვენზე...

- ვარ 24წლის, თვითნასწავლი გრიმიორი, ვიზაჟისტი, მხატვარი და მომავალი ტატუ არტისტი ვარ. პროფესიით ფარმაცევტი. ბევრი ჰობი მქონდა ბავშობაში, მაგრამ ხატვა ჩემი ნომერ პირველი ჰობია. ამ ეტაპზე ტატურირების შესწავლით ვარ დაკავებული. არასდრის მიფიქრია ამაზე სანამ ჩემმა ნიჭიერმა მეგობარმა, ლაშა ჩხაიძემ ,
რომელიც ბევრი წელია წარმატებულია ამ სფეროში, არ შემომთავაზა მის ახალ სტუდიაში "art gate”-ში მუშაობის დაწყება. მცდელობას არ დავაკლებ და იმედი მაქვს, ეს საქმეც კარგად გამომივა.


- ხატვა ბავშვობიდან გიყვარდათ?

- - ბავშობიდან მიყვარდა ხატვა, განსაკუთრებით გოგონების. ვხატავდი ლამაზი ნაკვთებითა და მაკიაჟით . სწორედ აქედან გამომყვა makeup- ისადმი დიდი სიყვარული.


- როდის მოგივიდათ იდეა, სხეული მოგეხატათ?

- - სხეულის მოხატვის იდეა პირველად რამდენიმე წლის წინ გამიჩნდა. Youtube-ზე აღმოვაჩინე გოგონა, რომლის ნამუშევრებით აღვფრთოვანდი. სწორედ მისმა შემოქმედებამ მიბიძგა ამ საქმისკენ. გადავწყვიტე გამეკეთებინა მსგავსი გრიმი და საკუთარი თავით კმაყოფილი დავრჩი . თავიდან მხოლოდ საკუთარ სახეზე ვხატავდი. ამ საქმისგან ძალიან დიდ სიამოვნებას ვღებულობ.

- ეს საქმე მხოლოდ ჰობია თუ პროფესია, რომელსაც შემოსავალი მოაქვს?

- - რა თქმა უნდა, შემოსავლის წყაროა. ვაკეთებ იმას, რაც მომწონს, მსიამოვნებს და ამ ყველაფერთან ერთად თუ ანაზღაურებაც სათანადოა, საკუთარი თავით კმაყოფილი ვრჩები. ხშირია წემთხვევა, როდესაც ამ საქმეს ანაზღაურების გარეშე ვაკეთებ , ეს ჩემთვის გარკვეულწილად პრაქტიკაა, რაც ჩემი პროფესიის დახვეწაში მეხმარება. ასეთ დროს ანაზღაურებაზე არც ვფიქრობ, მთავარია შედეგით კმაყოფილი დავრჩე მეც და ის ადამიანიც.


- რა გხიბლავთ ყველაზე მეტად ამ საქმეში?

- მხიბლავს ის , რომ რასაც ვაკეთებ ძალიან მომწონს.

- რა მასალებს იყენებთ?

- მასალას ძირითადად ვიწერ. ვიყენებ Mehrons და Graftob -იანის საღებავებს body artist is, ხოლო გრიმისთვის ძირითადად Ben Ney -ის. ვიყენებ მაღალი ხარისხის პროდუქციას, რადგან უხარისხო საღებავმა შეიძლება გამოიწვიოს კანის გაღიზიანება.

- რა არის ინსპირაციის წყარო? თავად იგონებთ, როგორ მოხატოთ მოდელი, თუ რაიმე მოცემულობიდან გამომდინარე? მაგალითად, დამკვეთის სურვილით...

- პირველი ისპირაციის წყარო ჩემთვის იყო მექსიკური sugar skull- ის ფოტო, რომელსაც ინტერნეტში წავაწყდი შემთხვევით. მომეწონა ფერთა სიუხვე, სახეზე ლაზი ფერადი ქვები, ყვავილების გვირგვინი. ამიტომაც, ჩემს ნუშევრებში ხშირად ნახავთ მსგავსი სტილის makeup-ს. პირველ რიგში ვითვალისწინებ დამკვეთის სურვილს. უმეტეს შემთხვევაში ისინი ენდობიან ჩემს გემოვნებას და აქიდან გამომდინარე მე ვურჩევ ხოლმე, როგორი გრიმი მოუხდებათ.


- მალე ჰელოუნის დღესასწაულია. გაგიკეთებიათ ჰელოუინისთვის გრიმი? ან აპირებთ?

- ჩემთვის სულ ჰელოუინია და მეგობრებიც ხშირად აღნიშნავენ ამას. ამ დღეს ისეთი დაკავებული ვარ ხოლმე, რომ საკუთარი სახის მოსახატად ნაკლები დრო მრჩება. იმედი მაქვს, წელს ასე აღარ იქნება.

- თავად ყოველდღიურად იკეთებთ მაკიაჟს?

- ყოველდღიურობაში მსუბუქი მაკიაჟით შემოვიფარგლები, მის გარეშე კი თავს არაკომფორტულად ვგრძნობ.



- ითვალისწინებთ თუ არა მოდის ტენდენციებს მაკიაჟში, თუ პერსონალურად არჩევთ, ვის როგორი მოუხდება?

- პერსონალურად ვარჩევ, ვის სახეს როგორი მაკიაჟი მოუხდება. რა თქმა უნდა, მოდის ტენდენციების გათვალისწინებით. ჩემი ხედვა მეხმარება ფერების სწორად შერჩევასა და გაკეთებაში. მგონი ჯერ შედეგით უკმაყოფილო არავინ დარჩენილა.

- როგორ ნახატებს ხატავთ? რომელია თქვენი საყვარელი ჟანრი?

- ძირითადად ვხატავ პორტრეტებს ჰიპერრეალისტურად. ამ ჟანრზე შეყვარებული ვარ! საკმაოდ რთულია ჰიპერრეალიზმის ხატვა. დიდ დროს მოითხოვს. გასათვალისწინებელია თითოეული დეტალი ნახატში. ასევე, ვხატავ ტატუ ესკიზებს. მოუცლელობის გამო არ მაქვს დასრულებული ორი ცნობილი ადამიანის - Dr.Houses სა და Ragnar Lodbrok -ის პორტრეტი. იმედი მაქვს, ახლო მომავალში დასრულებულ ვერსიას იხილავთ.




- თქვენი აზრით, რა როლს ასრულებს მაკიაჟი ქალის ცხოვრებაში?

- მე მაკიაჟს "პლასტიკურ ქირურგიასთან" ვაიგივებ, რადგან კარგ მაკიაჟს შეუძლია მთლიანად შეცვლოს გარეგნობა. მიყვარს სახის კონტურინგი. მისი საშუალებით შეიძლება სულ სხვანაირი გახდე, მაგალითად, დაითხელო ცხვირი, გამოკვეთო მკვეთრად ღაწვები. ასევე აქტუალურია stroblingi ჰაილაითერების საშუალებით სახის ნაკვთების გამოყოფა. ალბათ ბევრი ქალი, რომელიც , კარგ makeups ატარებს, მეტად თავდაჯერებულია, ვიდრე მის გარეშე. და ბოლოს, ვიტყვი რომ მაკიაჟი ჩემთვის ხელოვნებაა!


ნინია მედულაშვილი

იხილეთ: სხეულის ესთეტიკა: ქართველი ფოტოგრაფი, რომელიც "ვოგის" საიტზე მოხვდა

„საკუთარი თავით არასოდეს ვარ კმაყოფილი, ყოველ ჯერზე მინდა რაღაც განსაკუთრებული შევქმნა“ - ანრი შარაშენიძის საინტერესო შემოქმედებითი სამყარო

"წერტილების ერთიანობა ხაზებს ქმნის, ხაზები სივრეებს..." - გერმანიაში მოღვაწე წარმატებული ქართველი მხატვრის, ემზარ ბაზერაშვილის ცოცხალი ვიზუალიზაცია


like
0

კომენტარები

გუგა 2017-10-27 15:43
უძლიერესი გოგო ხარ შენ მარიშა.

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.