23 წლის ქართველი გოგონა, რომლის შეკერილი ჩანთები ამერიკასა და საფრანგეთში იყიდება

ამას წინათ ახლობელთან ნიუ-იორკიდან თბილისში საუბრისას შევიტყვე, რომ ერთი ქართველი გოგონას დახვეწილ გემოვნებასა და ხელსაქმის სიყვარულს ნაყოფი გამოუღია და ამის შედეგია, რომ დღეს ამერიკაში Fredo Handmade-ის ჩანთები დიდი პოპულარობით სარგებლობს. ამ გოგონას უკვე კარგად იცნობენ ქართველი მოდის მიმდევრები - ეს 23 წლის სოფო უზნაძეა.

"ბავშვობიდან ვხატავ, თუმცა, მერე ჟურნალისტიკამ გამიტაცა. დავდიოდი საბავშვო სატელევიზიო სტუდიაში, ვამზადებდი სიუჟეტებს. ხელსაქმემ გვიან, დაახლოებით შარშან დამაინტერესა. მეგობარმა მასწავლა ლაზერით ხის ფორმატების გამოჭრა. ჰოდა, ისე მომეწონა, რომ აქსესუარების გაკეთება დავიწყე. თავიდან მარტივ სამკაულებს ვქმნიდი, შემდეგ სახლში
ტყავის ნაჭრები აღმოვაჩინე და ჩანთის შეკერვა ვცადე. ჯერ ერთი, მერე მეორე, მესამე... გონებაში სულ ახალ-ახალი ფორმები, ფერთა შეხამება მესახებოდა.

მალევე მივხვდი, რომ ჩემი ჰობი თუ გატაცება ბიზნესად იქცეოდა. როგორც ბევრი, მეც ჩემი ნაკეთობებით სოციალურ ქსელში ვიწონებდი თავს. თანდათან ჩნდებოდა ახალი იდეები, მიგნებები. ნელ-ნელა ჩემი ჩანთები პოპულარობას იხვეჭდა. მალე ერთი და იმავე კითხვით დამიწყეს მომართვა. სად შეიძლება შეძენაო? და მეკითხებოდნენ არა მხოლოდ საქართველოდან... რომ არა ეს კითხვა, ალბათ, დღეს Fredo Handmade არც იარსებებდა. დღეს ჩვენი ჩანთები იყიდება რუსეთში, უკრაინაში, ამერიკის შეერთებულ შტატებში, საფრანგეთში.

- რატომ "ფრედო"?
- ჩემი საყვარელი მსახიობის, ალ პაჩინოს გამო, რომლის სრული სახელია ალფრედო.

- როდის დაიწყეთ პროდუქციის მასობრივად რეალიზაცია?
- საქმის დაწყებიდან რამდენიმე თვეში. მაღაზიის გახსნის საჭიროება არ დამდგარა. მსოფლიოს მრავალი ქვეყნიდან გვიკავშირდებიან სოციალური ქსელის მეშვეობით. მეამაყება, როდესაც გავიგებ, რომ ჩემი ჩანთებით თავს იწონებენ განაგრძეთ კითხვა და ნახეთ ფოტოები
like
0

კომენტარები

თბილისელი 2017-11-13 11:14
ფოტოები გავხსენი მეთქი ვნახავ ათ-თხუთმეტ ჩანთას მეთქი და სამი კინკილა ჩანთის ფოტოები დევს და ჰქვია წარმატებული ბიზნესი?

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.