სიშიშვლე - გამოხატვის თავისუფლება

ადამიანის მოთხოვნილება, გააზრებულად თუ გაუაზრებლად, თავისუფლების მოპოვებისა და საკუთარი ეგოს დაკმაყოფილების მიზანს ემსახურება.Chuck Taylor All Star


რა მნიშვნელობა აქვს ასაკს ან სქესს, სტატუსსა თუ ეროვნებას, -  გამოხატვის თავისუფლება ყველა ადამიანისთვის ერთია, ხასიათი - განსხვავებული.სიშიშვლის ხელოვნებაზე, პირველ რიგში, ჰელმუტ ნიუტონი მახსენდება. მისი უნიკალური ხედვა და შიშველი ნატურა ყოველთვის განსაკუთრებულ ემოციებს აღძრავს ჩემში. ნიუტონი გახდა ეტალონი და ფოტოგრაფიის ავთენტურობის მთავარი საზომი ჩემთვის, დამწყები ფოტოგრაფების შთამაგონებელი, რომლებიც ქალის ამოუცნობი ბუნებისა და შიშველი სხეულის ინტელექტუალურად

წარმოჩენას თავისებურად ცდილობენ.

 დათა ალექსეევი





"პირველ რიგში დედამიწელი ვარ, ადამიანი, რომელსაც არ აქვს ტრაფარეტული საზღვრები გონებაში. ვთვლი, რომ არაფერი არ არის შეუძლებელი, მთავარი მონდომებაა. უბრალოდ, ზოგჯერ ვზარმაცობთ, ეს ხომ მსოფლიო სენია, რომელიც ბარიერებს გვიქმნის ნებისმიერ სიტუაციაში. რას ნიშნავს "ქართველი ხარ და როგორ იკადრე"? მგონი თავისუფლებას ეროვნება არ გააჩნია, ეს ის შეგრძნებაა, რომელიც ყველა ადამიანს აქვს, ზოგი გამოხატავს, ზოგი არა". - სანდრა პაიჭაძე

- სანდრა, შენი ფოტოგრაფიული სტილი ძირითადად სიშიშვლის ესთეტიკაა, როგორ აღიქვამ ამას?

- ჩემთვის სიშიშვლის ესთეტიკა საკუთარი თავის გამოხატვის ერთ-ერთი საუკეთესო საშუალებაა. ფოტოებზე ემოციები ჩანს, რომელიც აუცილებლად უნდა აღიბეჭდოს, გამოჩნდეს ის, რაც ჩრდილშია. მოკლედ რომ ვთქვათ, ყველას გამოხატვის საკუთარი მეთოდი აქვს, შესაბამისად, სადაც კომფორტულად ვგრძნობ თავს და მეტ-ნაკლებად გამომდის, იმას ვაკეთებ, საზოგადოების საწინააღმდეგო აზრის მიუხედავად. ალბათ, ეს უფრო დიდ სტიმულს მაძლევს.

- შიშველ ფოტოგრაფიაში სხეულის ესთეტიკა უფრო მთავარია თუ ხასიათი?

- შიშველ ფოტოგრაფიაში ერთ-ერთი მთავარი ალბათ სხეულის ესთეტიკაა, ეს ყველაფერი თავისებურ ხასიათს სძენს ფოტონამუშევარს. ნახევრად შიშველი ფოტოს გამოქვეყნება ერთგვარი რისკია, სრულყოფილი ხასიათი კი იმ ვიდეოებში ჩანს, რომლებსაც ფოტოსესიის პარალელურად ვიღებ. ბოლო დროს მივხვდი, რომ ფოტოზე საინტერესო ჩემთვის ვიდეოარტია. როდესაც ვმოძრაობ და ნაკლებად ვპოზირებ, შეუზღუდავი ვარ, ეს კი თავისუფლების შეგრძნებას მანიჭებს.



-ძალიან რეიტინგული ხარ. შენი თამამი ხასიათი ვიზუალთან ერთად მარკეტინგული გათვლაც არის?

- არა, ჩემი მარკეტინგული გათვლა მხოლოდ გონებრივი შესაძლებლობებია, რომელზეც ყოველდღიურად ვმუშაობ. ვცდილობ, წუთი არ დავკარგო, მინდა განვვითარდე _ გავხდე "გუშინდელზე" უკეთესი. ამისთვის უამრავი მეთოდი არსებობს, თუნდაც უცხო ენის შესწავლა, ახალი ჰობი, საზოგადოება, ინტერესები...
ინტერნეტსაიტებშიც ძირითადად შემეცნებით სტატიებს ვკითხულობ, ინსტაგრამზეც საინტერესო გვერდები მაქვს გამოწერილი, რადგან მიმაჩნია, მაქსიმალურად უნდა გამოიყენო ნებისმიერი რესურსი, რომ შეიცნო ახალი და შენთვის საინტერესო. სხვათა შორის, ამ ბოლო დროს, სპირიტულმა სამყარომაც გამიტაცა.


- ინსტაგრამზე თითქოს ყველაზე პოპულარული შიშველი სხეული და საუზმეა...

-  ალბათ ძალიან ესთეტიკურია შიშველი სხეული ნებისმიერი სქესის ადამიანისთვის. ვფიქრობ, ჯანსაღი ცხოვრების წესის პოპულარიზაციაც მეტია, სულ უფრო ხშირად ვსაუბრობთ ლამაზ სხეულსა და სწორ კვებაზე ვსაუბრობთ. სოციალურ მედიაში მსგავსი თემების აქტუალურობა უფრო უტრირებას ჰგავს. ვთვლი, ამ ყველაფერს დადებითი მხარეებიც გააჩნია.



- როგორია შენი ცხოვრების სტილი?

- იმის მიუხედავად, რომ თბილისში საინტერესო თითქმის არაფერი ხდება, ვცდილობ, თითოეული დღე და კვირა თავგადასავლებით მოცული და პროდუქტიული იყოს. ვიღვიძებ დილის 8-ის ნახევაზე, ვაწესრიგებ ბავშვს. მე და დემეტრე ქუჩაშიც ფანტასტიკურად ვერთობით, მასთან ყოფნის ამ მომენტსაც ვიყენებ და ეს ერთგვარი სასიამოვნო რუტინაა. ძალიან დიდ პასუხისმგებლობას ვგრძნობ როგორც ჩემი, ასევე შვილის მიმართ. დილის ცხრის ნახევრიდან საღამოს ხუთამდე ყველაფერი უნდა მოვასწრო, რომ დრო მთლიანად დემეტრეს დავუთმო.

სანდრა როგორც დედა...

წყნარი გიჟია (იცინის). არ მინდა, ზედმეტი ყურადღებით ბავშვი შევაწუხო. ნებისმიერი მოზარდის ფსიქიკაზე ზომაზე მეტი ჩართულობა ნეგატიურ გავლენას ახდენს. მე კი ვცდილობ, რაც შემიძლია, გავუფრთხილდე და არ ვაგრძნობინო, რომ მთლიანად მასზე ვარ ფოკუსირებული. სანდრა, როგორც დედა დიდი მოტივაციაა დემეტრესთვის და მომავალშიც ასე გაგრძელდება.



ჩემი ცხოვრების ფერი...

ყველა ადამიანისთვის სხვადასხვაფერია ცხოვრება. ჩემი წარმოსახვით ერთ ფერს ვერ მივანიჭებ. ავიღოთ პალიტრა და თითოეული ფერი დავატანოთ მასზე, ეს ფერია ცხოვრება ჩემთვის.

მოტივაცია...

ჩემმა პირველმა სიყვარულმა, ვინც 4 წლის განმავლობაში ძალიან მიყვარდა, დაშორებისას მითხრა, რომ ისეთ ადამიანად მხედავდა, რომელიც ყველას შთააგონებდა და წიგნს დააწერინებდა. გულწრფელად გეტყვი, მისი ბევრი ფრაზა მახსოვს, თუმცა ეს განსაკუთრებულად. მოტივატორი შეიძლება წინადადებაც იყოს, რომელიც შენთვის ძვირფასმა ადამიანმა გითხრა ერთ დროს. რა მნიშვნელობა აქვს, წარსულია თუ აწმყო, მოტივაციას ზოგჯერ ერთი სიტყვაც გაძლევს.




- სპირიტული სამყარო ახსენე, რა როლი უკავია მას შენს ცხოვრებაში?

- ვფიქრობ, სანამ ეზოთერიკასა და ასტროლოგიაში გავერკვეოდი, სულ სხვა პიროვნება ვიყავი. ძალიან საინტერესოა სპირიტული სამყარო, ამ ფილოსოფიამ ჩემი რელიგიის რეალური სახე დამანახვა და შემაყვარა კიდეც.

- რთულია ფოტოგრაფის შერჩევა, როდესაც შიშველ სხეულს ეხება საქმე.

_ მე და შოთიმ ერთმანეთი 2015 წელს გავიცანით გადაღებაზე. პირველ ეტაპზე დიდად ვერ შევეწყვეთ ერთმანეთს, რადგან სტუდიური ფოტოები არ მიზიდავდა, მას კი ჩემი თმა. ზუსტად ორი წლის შემდეგ ისე მოხდა, რომ ჩვენი საერთო მეგობრის ფერად და ლამაზ სახლში აღმოვჩნდით ერთად და ფოტოსთან ერთად ვიდეოც გადავიღეთ. ამის შემდეგ შთაბეჭდილება რადიკალურად შეგვეცვალა ერთმანეთზე, ძალიან დავახლოვდით და დღემდე ვმეგობრობთ. კმაყოფილი დავრჩი ფოტოსესიით. ორივე უფრო დავიხვეწეთ. განსაკუთრებულად ბათუმის ბოტანიკურ ბაღში ექსპრომტად დაგეგმილი გადაღება მახსენდება. იდეალური ფოტოები გამოვიდა. მოცემულმა გარემომ დიდი ინსპირაცია მოგვცა, რათა ბოლომდე გამოგვეხატა საკუთარი თავი. წარმოიდგინეთ, სიმწვანე, ულამაზესი ბუნება, ველური ხასიათი და სიშიშვლე. ამ დღეს პირველად გადავიღეთ Nუდე Aრტ მე და შოთიმ. მასში ძალიან მომწონს პირდაპირობა, ბუნებრივია და არ თამაშობს. ყველაფერი ეს მკვეთრ აქცენტებს აკეთებს შოთის პროფესიონალიზმზე. ვფიქრობ, SHOTIE BLACKMORE ერთ-ერთი საუკეთესო ფოტოგრაფია ტილისში და მას ყოველთვის ვენდობი და ნებისმიერ გამოწვევაზე დავთანხმდები.




 
ფოტო: SHOTIE BLACKMORE 








like
0

კომენტარები

Randy
Hey! Do you know if they make any plugins
to protect against hackers? I'm kinda paranoid about losing everything
I've worked hard on. Any tips?

Take a look at my page cbd oil that works 2020: http://deveshcreations.com/?option=com_k2&view=itemlist&task=user&id=37076-cbd-oil
2020-06-28 22:24
Emilia
I like what you guys tend to be up too. This type of clever work and coverage!
Keep up the terrific cbd oil that
works 2020: http://tinyurl.com/y8x6hydj guys I've added you guys to our blogroll.
2020-06-27 13:52
Tamela
Cbd oil that works 2020
Every weekend i used to pay a visit this web site,
as i want enjoyment, since this this website conations genuinely fastidious
funny data too. best cbd oil for pain http://bit.ly/3drY6lE: http://bit.ly/3drY6lE cbd oil
that works 2020 http://bit.ly/3drY6lE
2020-06-24 23:20
Ezekiel
Cbd oil that works 2020
I was curious if you ever considered changing the structure of your blog?
Its very well written; I love what youve got to say. But maybe you could a little
more in the way of content so people could connect with it better.
Youve got an awful lot of text for only having one or 2 images.

Maybe you could space it out better? best cbd oil for pain http://bit.ly/3drY6lE: http://bit.ly/3drY6lE cbd oil that works 2020
http://bit.ly/3drY6lE
2020-06-24 04:36
Loyd
certainly like your web-site but you have
to check the spelling on quite a few of your posts. Several of them are rife with spelling problems and I to find it very bothersome to tell the truth nevertheless I will definitely come back
again.

Also visit my page - rsacwgxy g: https://tinyurl.com/rsacwgxy
2020-06-22 22:48

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.