„პრევიას“ თმის მოვლის ფილოსოფია: მუდმივად ზრდადი ხარისხი

უკვე 3 თვეა, რაც იტალიური, ბუნებრივ ინგრედიენტებზე ფოკუსირებული თმის მოვლის ბრენდი — „პრევია“ თბილისშია.Kim Domingo

 

 

მათ, ვისაც „ბომონდის“ წინა ნომერი არ წაუკითხავთ, შევახსენებთ, რას გულისხმობს თმის მოვლის „პრემიუმ-კლასის“ კულტურა, რომელსაც „პრევია“ სხვადასხვა ქვეყანაში ნერგავს:

მომხმარებლის სწავლება;

სტილისტების სწავლება;

მაქსიმალური ბუნებრივობა;

მუდმივი ზრუნვა თმის ხარისხზე;


ამ კომპონენტების შენარჩუნებისა და განვითარების მიზნით, „პრევია“ სხვადასხვა ქვეყნის წარმომადგენლობაში პერიოდულად სპეციალურ ტრენერებს აგზავნის, რომლებიც ადგილობრივი სტილისტების სწავლებაზე ფოკუსირდებიან.



„პრევიას“ თბილისის წარმომადგენლობამ ტრენერ ირინა პოლიკოვას უმასპინძლა, რომელმაც

ქართველ სპეციალისტებს „პრევიას“ თმის შესაღები საშუალებები და შეუღებავი თმის გაღიავების ახალი ტექნოლოგია გააცნო.

ირინა პოლიკოვა: „რადგან თმის ნებისმიერი საღებავით შეღებვა ღერებს გარკვეულწილად მაინც აზიანებს, „პრევია“ მუდმივად ეძებს ხარისხის შენარჩუნების და გაუმჯობესების ახალ, ინოვაციურ გადაწყვეტილებებს. თბილისის სალონში უკვე ბრენდის საღაბავებიცაა წარმოდგენილი, აქაურ სტილისტებს ახალი პროდუქცია გავაცანი და ღებვის სხვადასხვა ტექნოლოგიის შესახებ ვესაუბრე. გავეცანით ძალიან საინტერესო მიმართულებას — ბუნებრივი თმის პირდაპირ საღებავით გაღიავებას, ხელოვნური გასაუფერულებლის გარეშე“.



— რა გამორჩეული მახასიათებლები აქვთ „პრევიას“ საღებავებს?


— ზოგადად, „პრევიას“ თმის საღებავები იმითაა გამორჩეული, რომ ამიაკს მინიმალური რაოდენობით შეიცავს. თუმცა, ამავდროულად, მიღებული ფერი საოცრად მდგრადია, რაც უამიაკო ან ამიაკის ნაკლები შემცველობის მქონე საღებავებით რთულად მიიღწევა. რაც მთავარია, ისინი თმის ჭაღარა ღერებსაც სრულად ფარავს — ეს კი ტონიკებს არ შეუძლიათ. ტონიკებთან პარალელს იმიტომ ვავლებ, რომ მომხმარებელი ხშირად თმის დაზოგვის მიზნით, შეღებვის ნაცვლად მხოლოდ ტონირებას ითხოვს, რაც ჭაღარა ღერების გამოკვეთას, ერთგვარ „ამონათებებს“ იწვევს და საბოლოო ჯამში, მაინც შეუღებავი თმის ასოციაციას ქმნის. დაზღვეულია თავის კანიც: გაღიზიანებისგან სრულად დაცული არავინაა, სკალპის ზოგიერთი ტიპი ხომ ყველანაირი ხარისხის და შემადგენლობის საღებავის მიმართ მგრძნობიარეა, თუმცა თამამად შეიძლება ითქვას, „პრევიას“ საღებავს ასეთი შემთხვევები მინიმუმამდე ჰყავს დაყვანილი.



— რას წარმოადგენს ბუნებრივი თმის გაღიავების ტექნოლოგია?


— „პრევიას“ სპეციალური ხაზი „განსაკუთრებული ქერა“ შეუღებავ თმას მარტივად, პირდაპირ საღაბევით აღიავებს. თუმცა, როგორც აღვნიშნე, საღებავის ეს ფორმულა მხოლოდ ბუნებრივ პიგმენტზე მუშაობს. წარმოიდგინეთ, ბუნებრივ ფერს 5-იდან 7 დონემდე ვაღიავებთ ისე, რომ ხელოვნურ გასაუფერულებელს არ ვიყენებთ. ეს საღებავები კრემოვანი სტრუქტურისაა: მათში საღებავ პიგმენტებთან ერთად, თმის აღმდგენი ზეთებიც შედის.

შეღებილი თმის გაღიავების შემთხვევაში, „პრევიას“ პუდროვანი, ზეთის შემცველი გამაღიავებელი აქვს, რომელსაც სხვადასხვა ტექნიკით მოვიხმართ. მაგალითად, თუ მომხმარებელს თმის ოდნავი გაღიავება და ხარისხის დაზოგვა სურს, კოლორისტებს ვურჩევ, ეს გამაღიავებელი შამპუნში შეურიონ და გასაღიავებელ თმაზე დაბანისას დაიტანონ.



— თმის მოვლის რა საშუალებებს შესთავაზებენ „პრევიას“ სტილისტები ქართველ მომხმარებელს?


— საღებავებთან ერთად, ტრენინგის ფარგლებში აქაურ კოლორისტებს მოვლის საშუალებებზეც ვესაუბრე, რომლებიც არაჩვეულებრივად არეგულირებს ცხიმიანობას, აშორებს ქერტლს და წმენდს სკალპს. გახსოვდეთ: როგორც სახეს სჭირდება გარკვეული პერიოდულობით წმენდა, ასევეა თავის კანიც. თუ საქმე არ გვაქვს ჰორმონალურ დარღვევასთან, „პრევიას“ პროდუქცია როგორც თმის, ასევე სკალპის ეფექტური აღმდგენია.

თუმცა, „პრევიას“ პრიორიტეტი არა მხოლოდ ჩვენი სტილისტების, არამედ — მომხმარებლის სწავლებაცაა. სამწუხაროდ, ცოტამ იცის, როგორ ხდება თმის მოვლა სალონში ვიზიტებს შორის შუალედებში. ჩვენი მიზანი, რაღათქმაუნდა, პირველ რიგში, მომხმარებლისთვის „პრევიას“ პროდუქციის გაცნობაა, თუმცა ყოველთვის მზად ვართ, სხვა პროდუქციის გონივრულად გამოყენებაც ვასწავლოთ. მაგალითად: თმის მკვებავი შამპუნები თუ ნიღბები ფერს ჩამორეცხავს, სასურველია, შეღებვის შემდეგ ცოტა ხანი არა მკვებავი, არამედ მხოლოდ შეღებილი თმის პროდუქციით დავიბანოთ.

ასევე, აუცილებელია, მომხამრებელმა იცოდეს, რა ტიპის თმა აქვს: ხშირად არადამყოლი თმა ცხიმიანი ჰგონიათ, თუმცა ასეთი თმის ღერებს ძალიან ღია ფორები აქვს და განსაკუთრებულ კვებას საჭიროებს. სწორედ ამიტომ ბზინავს ნაკლებად ამ ტიპის თმა. ასეთ შემთხვევებში მომხმარებლებს ვურჩევთ, დაბანისას, კონდიციონერის ნაცვლად, პირდაპირ მკვებავი ნიღაბი მოიხმარონ. ბევრი მიიჩნევს, რომ ნიღბის ხშირი გამოყენება თმის ცვენას იწვევს, თუმცა შეგახსენებთ, რომ „პრევიას“ მკვებავი ნიღბები თავის კანზე საერთოდ არ დაიტანება და შესაბამისად, თმის ძირებთან შეხება არ აქვს.


— შეგიძლიათ, „პრევიას“ თქვენი ფავორიტი პროდუქტები გაგვანდოთ?


— აქცენტს ყოველთვის იმ პროდუქციაზე ვაკეთებ, რომლებიც ჩამობანას არ ექვემდებარება და რომელთა თმაზე დატანაც ფენით გაშრობამდე ხდება. ესენია, მაგალითად, „პრევიას“ ორფაზოვანი კონდიციონერი, ფილერი და ჩემი საყვარელი ხვეულების გამოსაკვეთი (დეფინერ) ყინვაგამძლე, თერმოდამცველი მოქმედებით, რომელიც გელის სტრუქტურის დამსახურებით დახვეული თმის ფორმის შენარჩუნებაზე ზრუნავს. ასევე ძალიან მიყვარს „პრევიას“ ზეთი, რომელიც თმას ბზინვარების ეფექტს ანიჭებს. საღაბავებიდან ძალიან მომწონს ახლანდელი ტენდენციის — მაქსიმაულრად ბუნებრივი ფერის შესაბამისი ბუნებრივი შოკოლადისფერი.

აქვე აღვნიშნავ, რომ „პრევიას“ სტილისტების პრეროგატივაა, არა მხოლოდ ბრენდის ცალკეული ხაზების დადებითი თვისებები შემოგთავაზოთ, არამედ — ინდივიდუალური მიქსი შევადგინოთ, თქვენი თმის და კანის ტიპიდან გამომდინარე. ხშირად ხდება, რომ თმის კომპლექსური მდგომარეობის გამო, მოვლისა და დაბანის საშუალებებს სხვადასხვა ხაზიდან ვირჩევთ. ასევე, სტილისტის მოვალეობა მხოლოდ თმის ფორმასა და ფერზე ზრუნვა არაა: სტილისტი ერთგვარად იმიჯმეიკერია, რომელიც ადამიანის სრულ ვიზუალს ქმნის, ვარცხნილობის შერჩევა სწორედ სახის ფორმისა და პროპორციების მიხედვით ხდება: გასათვალისწინებელია ადამიანის სიარულის მანერა, ცხოვრების სტილი, შეძლებს თუ არა კლიენტი სასურველ ვარცხნილობასთან ადაპტაციას საკუთარი რეჟიმიდან გამომდინარე და ა.შ.


— რა რჩევას მოგვცემდით კავკასიური პიგმენტის გაღიავების მსურველებს, თმა რომ მინიმალურად დავიზიანოთ?


— პირველ რიგში, არ შეიღებოთ სახლის პირობებში! აირჩიეთ გონიერი კოლორისტი, რადგან ასეთი ხუმრობაც არსებობს — ტვინი კოლორისტს მოეთხოვება და არა საღებავსო :) გახსოვდეთ, ნებისმიერი პროდუქციითაა შესაძლებელი სასურველი ფერის მიღება, თუ კოლორისტი საღებავების სწორ მიქსს შეადგენს. საჭიროა, ოსტატმა იცოდეს, რა პროპორციით შეურიოს ფერები, რამდენ ხანს გააჩეროს თმაზე გამაღიავებელი და ა.შ. თუ თმა ადრე უკვე გაღიავებული იყო, მასზე დატანილი არსებული საღებავის მოხსნა მაღალპროცენტიანი გამაღიავებლით სულაც არაა საჭირო, ეს შეცდომა კი ძალიან ბევრს მოსდის, რაც თმას კიდევ უფრო აზიანებს.

like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.