“ორი კარგი ადამიანი არ არის აუცილებელი, რომ კარგი წყვილი იყოს” - ირინა შეიკი პირველად ალაპარაკდა ბრედლი კუპერთან განშორებაზე

ირინა შეიკმა პირველად გააკეთა კომენტარი ბრედლი კუპერთან განშორებაზე ბრიტანულ Vogue-სთან ინტერვიუში. ჟურნალისტებთან საუბრისას სუპერმოდელმა პირველად დაარღვია საკუთარი წესი თავისი ცხოვრების შესახებ საუბარის თაობაზე და მოყვა თუ როგორ ეპყრობა საკუთარი შვილის მამასთან დაშორების ფაქტს.

“მე ვფიქრობ ნებისმიერ მნიშვნელოვან ურთიერთობებში ჩვენი საუკეთესო და ყველაზე ცუდი თვისებების დემონსტრირებას ვახდენთ. ორი კარგი ადამიანი აუცილებელი არ არის კარგი წყვილი იყოს. მე ვთვლი, რომ ჩვენ უბრალოდ ძალიან გაგვიმართლა ერთმანეთის გვერდით ყოფნა”- აღიარა ირინამ.



ამ ყოველივეზე თავდაჭერილი ირინას აღიარება არ დასრულებულა. შეიკმა აღიარა, რომ დედობას არც თუ
ისე მარტივად ართმევს თავს: “რთულია იპოვო ბალანსი მარტოხელა დედასა და მომუშავე ქალს შორის. მერწმუნეთ არის დღეები, როცა ვიღვიძებ და ვფიქრობ: “ ღმერთო, რა გავაკეთო. ყველაფერი ხელიდან მეცლება.”

ასეთ სირთულეებთან მას გამკლავება არაერთხელ მოუწია. მამა მაშინ გარდაეცვალა, როცა ირინას 14 წელი შეუსრულდა და როგორც თვითონ ამბობს პასუხისხმგებლობის აღება საკუთარ თავზე მოუწია.



“ყოველთვის ვფიქრობდი, რომ სხვა სხეულში დავიბადე. მე უნდა ვყოფილიყავი ბიჭი, არვიცი რატომ. შესაძლოა იმიტომ, რომ მამაჩემს ბიჭი უნდოდა
- აღიარა მოდელმა. - როცა ის გარდაიცვალა, მე გადავაწყვიტე: ახლა მე ვარ კაცი და ჩემი მოვალეობაა ოჯახის დაცვა და მაშინ ვთქვი, რომ არასდროს გავთხოვდებოდი. რა თქმა უნდა შემდეგ გავიზარდე და მომწონდა ქალად ყოფნა, თუმცა ძალიან კარგად მახსოვს ის ბავშვური შეგრძნება...”



ამჟამად ირინა თვლის, რომ მისი დამოუკიდებელი ხასითი პირადზე აისახება. “ყოველთვის ძლიერი ვიყავი და ვიცოდი რა მსურდა. თუკი ვინმე მიდიოდა ჩემი ცხოვრებიდან ეს მასთან სამუდამო განშორებას ნიშნავდა. ვფიქრობ ბევრს აშინებს ჩემი ხასიათის სიცივე და სიმტკიცე და ძალიან ცოტამ თუ იცის, რომ ამ მამაცი გოგოს უკან გულჩვილი და საყვარელი ადამიანი იმალება, რომელსაც დღემდე შეუძლია ინტერვიუს დროსაც იტიროს.”

ლიდია ამარიანი
like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.