მონიკა ბელუჩი ცხოვრებისა და ძვირფასი სამკაულების მიმართ სიყვარულზე

იტალიური კინემატოგრაფიის მთავარი სექს-სიმბოლოს, მონიკა ბელუჩის სასიყვარულო აღიარება ცხოვრების, მამაკაცების, შვილების, მშობლიური იტალიის, ძლიერი ქალებისა და ძვირფასეულობის მიმართ...

 


გთავაზობთ მსახიობის ინტერვიუს ჟურნალთან ELLE-სთან...

 


- გახსოვთ, რა იყო თქვენი პირველი სამკაული?


- 15 წლის ასაკში, ჩემმა პირველმა შეყვარებულმა უსასრულო სიყვარულის ნიშნად მაჩუქა ბეჭედი.


- ქვების ძალის გჯერათ?


- ქვები მიწის ენერგიითაა სავსე. დარწმუნებული ვარ, რომ ისინი ძალიან ძლიერი ძალის მატარებლები არიან.


- Cartier -ს გადაღებებში თქვენ მაღალი საიუველირო კოლექციის სამკაულებს ირგებთ. მათგან ყველაზე დიდი შთაბეჭდილება რომელმა მოახდინა?


- სამაჯური ბრილიანტებითა

და მორგანიტებით. ის იდეალურად გამოიყურება მისივე მსგავს ბეჭედთან ერთად. კოლექციას Coloratura ჰქვია. სიტყვის საწყისი იტალიური ზმნისგან - „გაფერადება“- colorare წარმოდგება.

რა ფერისაა თქვენი ცხოვრება?


- ის ბრილიანტის ფერებითაა შეღებილი: თეთრი, მაგრამ უამრავ სხვადასხვა ფერში გადადის. ჩემთვის ეს ქვები ქალის სიმტკიცისა და სიძლიერის სიმბოლოა.


- მამაკაცისგან რომელი კომპლიმენტი დაგამახსოვრდათ მთელი ცხოვრება?


ქალისთვის საუკეთესო კომპლიმენტი არა სიტყვებით, არამედ მისი ქმედებით გამოიხატება, რასაც მამაკაცი აკეთებს იმისთვის, რომ ქალი გააბედნიეროს.


- თქვენი შეხედულებით, რომელი ქალი ფლობს ყველაზე დიდ მაგნეტიზმს?


- ჩემთვის საოცრად შთამაგონებელი ქალია მერილ სტრიპი. არა მხოლოდ იმიტომ, რომ ის გენიალური მსახიობია, არამედ იმიტომაც, რომ მას აქვს სიმამაცე მინიშვნელოვან საკითხებზე საკუთარი პოზიცია გამოხატოს.

 


- ბავშვობაში როგორ გზრდიდნენ?


- დედაჩემის ყოველთვის მადლიერი ვიქნები იმისათვის, რომ დიდი სიყვარულით გამზარდა. იგივეს ვაკეთებ ჩემს ქალიშვილებთან. გამუდმებით ვუმეორებ მათ, რომ მთავარია არ დაკარგო საკუთარი თავისა და გარშემო მყოფების მიმართ პატივისცემა.


- სახლში თქვენთვის ყველაზე კომფორტული ადგილი?


- საძინებელი და სააბაზანო ოთახები.


- მეზობლებთან კარგი ურთიერთობა გაქვთ?

 


- სხვანაირად როგორ! მეზობლებს ყოველთვის ვეცნობი და მათთან ურთიერთობა მაქვს, სადაც არ უნდა ვცხოვრობდე და ვინც არ უნდა იყვნენ ისინი.
სახლში წვეულებებს ხშირად აწყობთ? ჩემი სახლის კარი მეგობრებისთვის ყოველთვის ღიაა. იდეალური საღამო - ყველაზე ახლო ადამიანებთან ერთად ვახშამია, დაუსრულებელი საუბრებითა და ხმამაღალი სიცილით.


- რა განსხვავებაა იტალიურ და ფრანგული ცხოვრების სტილს შორის, თქვენთვის რომელია უფრო მისაღები?


- მე იტალიაში დავიბადე და გავიზარდე და დღემდე დიდ კავშირს ვგრძნობ მშობლიურ ქვეყანასთან, მიუხედავად იმისა, რომ 20 წლიდან გამუდმებით ვიცვლი საცხოვრებელ ადგილს.

like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.