2018 წლის ოქტომბრის ჰოროსკოპი Vogue-გან

სასწორი

მზე სასწორში ყველა ფრონტზე რადიკალურ ცვლილებებს გპირდებათ: სამსახურში ახალი წინადადება გელოდებათ, რაც შემოსავლების კიდევ ერთი წყარო გახდება, საყვარელი ადამიანი სიურპრიზებით გაგანებივრებთ, განგაში კი, რაც მანამდე მოსვენებას არ გაძლევდათ, საბოლოოდ მოგშორდებათ. დაბადების დღეზე ვარსკვლავები შანსს მოგცემთ შეურიგდეთ მას, ვისთანაც დიდიხნის კონფლიქტი გაკავშირებთ, ამიტომ საჭირო ადამიანისთვის მოსაწვევის გაგზავნა ნუ დაგავიწყდებათ.

მორიელი 
ახალი თაყვანისმცემელი საჩუქრებითა და მაცდური შემოთავაზებებით გაგანებივრებთ, თქვენ კი ყოველდღიური საქმიანობით იმდენად ხართ მოცული, რომ მასზე ყურადღებას არ ამახვილებთ. და თუ ოქტომბრის ბოლოს თაყვანისმცემელი თქვენი გულგრილობით დაიღლება, ძალიან მნიშვნელოვან რომანს
ხელიდან გაუშვებთ.


მშვილდოსანი
მაგნიტივით ხართ. თქვენი ნახვა ყველგან სურთ - კინოთეატრებში, გახსნის დღეებსა და საქმიან ვახშმებზე, ყველას თქვენთან მეგობრობა სურს. სოციალური კაპიტალი თვის მეორე ნახევარში ამბიციური პროექტის რეალიზებისთვის წაგადგებათ, მანამდე კი სუფთა სინდისით გაერთეთ.

თხის რქა

მოემზადეთ, მალე კარიერული წინსვლა გელით, რასაც დატვირთული სამუშაო გრაფიკი და გაზრდილი შემოსავალი მოჰყვება. დასვენება დიდი ხნით დაივიწყეთ - შესვენება და ზღვაზე გაგრილება მხოლოდ ნოემბერში გელით.

მერწყული

სამსახური არსად გარბის, თავში კი სულ უფრო ხშირად მოგდით აზრი დამსახურებულ შვებულებაზე. დატვირთულ დღეებს საყვარელი მწვრთნელი და ახალი სპორტული ფორმის შეძენა შეგიმსუბუქებთ. 16 ოქტომბრის ბოლოს კი ვარსკვლავები კვლავ გაგიღიმებთ.

თევზები

სიბრძნის ძიება თევზებს საზღვრებს გარეთ გაიყვანს. გაემგზავრეთ დაუფიქრებლად, რადგან საქმიანი კავშირები ახალ ჰორიზონტებს გაგიხსნით.

ვერძი

ცვლილებების წყურვილი სრულმასშტაბიანი რემონტისკენ გიბიძგებთ, მაგრამ ვარსკვლავების პროვოკაციას ნუ წამოეგებით. ოქტომბერში წამოწყებული საქმის სწრაფად დასრულებას ვერ მოახერხებთ. სიახლისკენ სწრაფვა უმჯობესია მაღაზიებში დაიკმაყოფილოთ.

კურო

ამომავალი მზე ვენერაში სასიყვარულო საქმეებში გარღვევებს მოგიტანთ. თანაც, ახალი რომანის გმირი თქვენთვის უკვე კარგად ნაცნობი ადამიანია. ნუ შეგეშინდებათ მზრუნველობის მიღების - საუკეთესო ურთიერთობა მეგობრობიდან იბადება.

ტყუპი

წყვილი პლანეტები წარმატებით თავსდებიან თქვენს ნიშანში, თქვენ კი ორჯერ უფრო მეტს ასწრებთ: ურთიერთობა, მეგობრები, გართობა და სამსახური - ენერგია ყველაფრისთვის გეყოფათ.

კირჩხიბი

გაჭიანურებული კარიერული დევნა უკან დარჩა, მას დამკვიდრების პერიოდი ანაცვლებს. ავეჯის შეცვლისა თუ კედლების გადაღებვისას მეგობრებს დაუძახეთ - ბოლო დროს მათ დიდ დანაკლისს განიცდით.

ლომი

ოქტომბრის თვეში ხანგრძლივი მოგზაურობისთვის მოემზადეთ - ეს იქნება საქმიანი ვიზიტები, მაგრამ სიურპრიზების გარეშე არ ჩაივლის. კოლეგასთან რომანის გაბმა თქვენს წესებში არასდროს შედიოდა, მაგრამ ამჯერად უარს არ იტყვით.

ქალწული

საქმიანი გარიგებები იმედს არ გაგიცრუებთ და მაცდური შემოთავაზებებიც ხშირი იქნება. თუმცა მარტივმა გამარჯვებებმა, შესაძლოა წინდახედულობა დაგაკარგინოთ. ფრთხილად იყავით ყველაფერთან, რაც ფულს მარტივად მოგიტანთ და მნიშვნელოვან საბუთებზე ხელის მოწერას ნუ იჩქარებთ.


ფოტო - PETER LINDBERGH

ანა ვერძაძე
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.