Vogue -ის ჰოროსკოპი: თებერვალი 2019

საინტერესოა, როგორ განლაგდებიან ვარსკვლავები თქვენთვის ზამთრის უკანასკნელ თვეში
მერწყული

თქვენს თაყვანისმცემლებს შორის გამოჩნდნენ მნიშვნელოვანი პირები, რომლებიც მზად არიან ყველაზე თამამ პროექტებს დაუჭირონ მხარი. დატვირთული სამუშაო დღის შემდეგ სპა-დასვენება ან შოპინგი მოიწყვეთ, რადგან მარტში შესაძლოა გამოიფიტოთ. დაბადებისდღე ორჯერ აღნიშნეთ - ჯერ კოლეგებთან, შემდეგ მეგობრებთან ერთად. ასე, დადებითი ემოციები გაგიორმაგდებათ.

თევზები

მორცხვი თევზები დროა თავდაჯერებულები გახდნენ. თუ სამსახურის, იმიჯის ან მომაბეზრებელი საყვარლის შეცვლა ვერ გადაგიწყვეტიათ - ის დროა იმოქმედოთ.

ვერძი

საკუთარი თავისა და გარშემო მყოფების მიმართ ძველებურად მომთხოვნი აღარ ხართ. ახლა აკვირდებით,
თუ როგორ იცვლება თქვენი ცხოვრება: მოულოდნელად გარშემო ყველა სასიამოვნო გახდა, ძველი პრობლემები კი სისულელედ გეჩვენებათ. ასე გააგრძელეთ.

კურო

სჯობს ყველა საქმე 19 თებერვლამდე დაასრულოთ. შემდეგ მცირე უსიამოვნებების ალბათობა გაიზრდება. ყველაფრის პროგნოზირება და გაფრთხილება თქვენს ძალებსაც აღემატება. გამოიჩინეთ მოთმინება, ემოციები კი სპორტდარბაზში დატოვეთ.

ტყუპი

მერკური ერთ ადგილას ჯდომის უფლებას არ გაძლევთ: მოლაპარაკებებიდან კოსმეტოლოგთან იჩქარით, საღამოს პაემანი გელით, მაგრამ კიდევ დიდ პრემიერაზე დასწრებას გეგმავთ.

კირჩხიბი

ნუ იჩქარებთ საყვარელი ადამიანის ინიციატივის არ გამოჩენისთვის დადანაშაულებას, რადგან დღესასწაულს ჩაშლით. მთელ რომანტიკულ ენერგიასა და კრეატივს ის სიყვარულის დღისთვის ზოგავს.

ლომი

ლომისთვის სანადიროდ გამოსვლის დრო დადგა. ნუ მოუსმენთ დაქალების რჩევებს: არავითარი აპლიკაციები და ბრა პაემნები. საბედო იქ ეძებეთ, სადაც იშვიათად დგამთ ფეხს: მთის ფერდობზე ან გოლფის შეჯიბრზე. გახსოვდეთ, რომ საპირისპირო მიმზიდველია.

ქალწული

გეგმები გზადაგზა იცვლება და ფეხის აწყობას ყოველთვის ვერ ასწრებთ. სჯობს ამის გამო არ ინერვიულოთ, ქარიშხალი 15 თებერვლისთვის ჩადგება. მანამდე კი ეცადეთ მეტი დრო გაატაროთ სახლში. სიყვარული და ახლობლების თანადგომა რთული პერიოდის გადალახვაში დაგეხმარებათ.

სასწორი

თუ მარტივი ქალური ბედნიერების სიის ყველა პირობა უკვე შეასრულეთ, მოდუნდით, ისღა დაგრჩენიათ ბორბალი დაატრიალოთ და „ბინგო“ დაიძახოთ. თუ ერთი კომპონენტი მაინც გამოგრჩათ, სასიკეთო ცვლილებებს ელოდეთ.

მორიელი

სამსახურში 24/7 გრაფიკით ხართ, მაგრამ ამით საქმეები მაინც მცირდება. კარგი ამბავი გვაქვს: აღმოჩნდა, რომ სიამოვნებას ესეც მოგიტანთ. შეხვედრებსა და პრეზენტაციებს შორის ექიმთან ვიზიტისთვის გამონახეთ დრო. თებერვლის ბოლოს ჯანმრთელობა განსაკუთრებით საყურადღებოა.

მშვილდოსანი

საახალწლო არდადეგების შემდეგ რამდენიმე კილოგრამი მოიმატეთ, რომლის დამალვა სამოსით შეგიძლით. მაგრამ ეს ვარჯიშის გამოტოვებისთვის მიზეზი არ არის. ზღვის სეზონი არც ისე შორსაა.

თხის რქა

თავი ხელში აიყვანეთ. აუცილებელი არ არის მთელი დანაზოგო დახარჯოთ. თანაც, ძალიან მალე ფული ბევრად მნიშვნელოვანი საქმეებისთვის დაგჭირდებათ. სატურნის გავლენა ძლიერდება და მომგებიან გარიგებას გპირდებათ. ნუ გაუშვებთ შანსს ხელიდან.

ანა ვერძაძე
like
1

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.