ზოდიაქოს TOP 3 ყველაზე ძლიერი ინტუიციის მქონე ნიშანი

ინტუიციური შესაძლებლობებით ნებისმიერი ჩვენგანი ჯილდოვდება, თუკი მას ამაში შესაბამისი ზოდიაქოს ნიშანიც უწყობს ხელს. თუმცა აქაც უნდა აღინიშნოს ის ფაქტი, რომ ე.წ. "ქალური ენერგეტიკის" ნიშნები სჭარბობენ ყველაზე ინტუიციურთა შორის.

კირჩხიბი - მმართველი პლანეტა მთვარის დამსახურებით, რომელიც ემოციების ჭეშმარიტი საბადოა კირჩხიბების უმეტესობას გააჩნია უდიდესი ინტუიცია. ზოგიერთი მათგანი ამას სიზმრების სახით ააქტიურებს, ზოგს კი უბრალოდ მთვარის ფაზები ეხმარება მომავლის გამოცნობაში. კირჩხიბის ინტუიცია ხშირად ხასიათის ცვლაში ვლინდება. ამიტომ თუ უცებ მოგეჩვენათ, რომ თქვენი ნაცნობი კიბორჩხალა ცუდ ხასიათზეა, იცოდეთ, მას გული რაღაც უსიამოვნო მოვლენის წინაპირობას
უგრძნობს. კირჩხიბები ხშირად ვერ ხსნიან, რატომ დგებიან
ცუდ ხასიათზე, სამაგიეროდ, ზუსტად გრძნობენ, რომ მალე განსაცდელი მოდის და ასეთ დროს პანიკის შეტევა უძლიერდებათ.

მორიელი - მისი ინტუიცია კირჩხიბისგან განსხვავებით ხშირად აბსოლუტურად ზუსტად და ხელშესახებად მუშაობს. მორიელი წინასწარ ჭვრეტის დიდოსტატია. შესაბამისად, არასოდე ცდება ადამიანების შეფასებაში და მუდამ ზუსტად აფასებს მოსალოდნელ რისკებს, ამა თუ იმ სიტუაციის მიმდინარეობისას. თუმცა, ხშირად ჰყვება ცდუნებას და რისკავს, ბედისწერის რინგზე გამოწვევა მორიელის საყვარელი საქმეა, მაშინაც კი როცა იცის, რომ ყველაფერი არცთუ სახარბიელოდ დასრულდება იგი აუცილებლად შეეჭიდება სიძნელეებს.

მერწყული - მისი ინტუიცია აბსოლუტურად განსხვავდება მორიელისა და კირჩხიბის წინასწარ ხედვის ნიჭისგან. მერწყულს ურანი მართავს, პლანეტა, რომელიც მომავლის სიხშირეს და ინოვაციებს განასახიერებს. შესაბამისად, მერწყულების დიდი ნაწილი ფლობს არა უშუალოდ ინტუიციას, არამედ მომავალში "ჩახედვის" გასაოცარ უნარს, რომელიც პერიოდული გამონათებებით, მომავლის კადრების ხილვით ან მოსალოდნელი ამბების უაზროდ, ანგარიშმიუცემლად გაჟღერებით ვლინდება. მერწყული არ განიცდის ემოციურ დონეზე ამა თუ იმ მოვლენის მოხდენამდე რაიმე ტიპის წინათგრძნობას. სამაგიეროდ, მას შეუძლია აბსოლუტურად მშვიდად გაახმოვანოს ხვალინდელი, ზეგინდელი ან სულაც მომდევნო თვეში მოსახდენი ამბები.
like
0

კომენტარები

ელენე
როგორც კირჩხიბი ვიტტყვი რომ ასევე შემიძლია სიკვდილი ვიგრძნო..მოახლოებული((( წინასწარ ვნახე მამაჩემის, ახლობლის და ძაღლის სიკვდილი..
2019-06-06 18:02
კირჩხიბი
100 პროცენტით ვეთანხმები. უტყუარი ინტუიცია ხშირად ხდება თითქოს უმიზეზო შინაგანი ფორიაქის მიზეზი. ეს ყველაფერი ბევრ რამეში მეხმარება, მაგრამ ხანდახან მომაბეზრებელიც კია. საოცარი ინტუიცია მაქვს და 39 წლის მანძილზე არ მახსოვს მომენტი რომ ინტუიციას ემტყუნოს ჩემთვის. ასე რომ ,,უფრთხილდით" კირჩხიბებს.
2019-03-04 23:13

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.