ჰოროსკოპი

საუკეთესო წყვილები ზოდიაქოს ნიშნის მიხედვით
ვერძი და მერწყული

ისინი თავგადასავლების მაძიებლები არიან. მათ ყველაფრის კეთება ერთად უყვართ. მაშინ, როდესაც სხვა წყვილები იღლებიან ერთმანეთთან ხშირი კონტაქტით, ამ ორს არასოდეს სწყინდება ერთად ყოფნა. ეს თვისება კი მათ არა მხოლოდ რომანტიკულ წყვილად აქცევს, არამედ ურთიერთობასაც ამყარებს.


კურო და კირჩხიბი

კუროს და კრიჩხიბს ძალიან ბევრი რამ აკავშირებთ. ისინი ახლოს არიან ერთმანეთთან, როგორც ფიზიკურად, ასევე ემოციურად. ორივე იღებს და ითვალისწინებს პარტნიორის აზრს, რაც მათ ხელს უწყობს კონფლიქტის სწრაფად მოგვარებაში. ისინი ყოველთვის მხარს უჭერენ ერთმანეთს, რაც მყარი ქორწინების საწინდარია.

ტყუპები და მერწყული

ერთ-ერთი ყველაზე მსგავსი ნიშნები. ყველაზე ხშირად მათ უყვარდებათ ერთმანეთი ერთი ნახვით, ისინი ყოველთვის უაზიარებენ ერთმანეთს ყველაზე წარმოუდგენელ იდეებსაც კი. ისინი სიამოვნებით მოგზაურობენ ერთად, რაც ურთიერთობას კიდევ უფრო ამყარებს.


კირჩხიბი და თევზები

მათ ნამდვილი კოსმიური კავშირი აქვთ. ეს ორი ზოდიაქო ძალიან ჰგავს ერთმანეთს, ამიტომ ერთმანეთის ჩვევებთან შეგუება არ უწევთ. სექსუალურ ცხოვრებაში წყვილს იდეალური ურთიერთობა აქვს, ორივეს უყვარს ეროტიკული თამაშები და სექსუალურ აქტს დიდ მნიშვნელობას ანიჭებენ.


ლომი და მშვილდოსანი

ამ ურთიერთობის მთავარი მამოძრავებელი ძალა ვნებაა. მათ იციან, რა მოითხოვონ ერთმანეთისგან და მიზნების მიღწევაშიც ერთად იღებენ მონაწილეობას. ორივეს ძალიან კარგად ესმის პარტნიორის მოთხოვნები. მათი ურთიერთობა ყველაზე ცინიკურ აუდიტორიასაც კი გაკვირვებულს ტოვებს.

ქალწული და კურო

ორი ნიშნანი, რომელსაც შეუძლებელია ერთმანეთი არ შეუყვარდეს, ან მინიმუმ, თბილი მეოგობრული ურთიერთობა მაინც არ ჰქონდეთ ერთმანეთთან. ნებისმიერ შემთხვევაში, მათი კავშირი ხანგრძლივი იქნება, თუ ისინი შეძლებენ გადაანაწილონ როლები. მათი სიყვარული გაორმაგდება. ეს ის სიყვარულია, რომელსაც წიგნებში ვკითხულობთ და რომელიც რეალურ ცხოვრებაშიც ბედნიერია.


სასწორი და ტყუპები

მათი ურთერთობის პლიუსი ძლიერი ინტელექტუალური კავშირია. ისინი ყოველთვის ბევრს მუშაობენ და თვლიან, რომ ადამიანის სხეულის ყველაზე სექსუალური ნაწილი ტვინია. ისინი პირველ რიგში მეგობრობენ და ეს კიდევ უფრო ამყარებს ურთიერთობას. რაც მთავარია, ეს ორი ზოდიაქოს ნიშნანი ძალიან ენდობა ერთმანეთს და იმედიც იშვაითად უცრუვდებათ.


მორიელი და კირჩხიბი

მიუხედავად იმისა, რომ ეს ორი ჰოროსკოპი ერთნაირად ცეცხლოვანი ნიშანია, მათ შეუძლიათ შექმნან მყარი ურთიერთობა. მათ საერთო ინტერესები აქვთ. ისინი მიმზიდველები და მგრძნობიარეები არიან, ორივე ცდილობს პარტნიორმა არ მოიწყინოს და მაქსიმალურად გაერთოს, რაც ამყარებს მათ სიყვარულს.


მშვილდოსანი და ვერძი

დიდი ენერგია, რომლითაც ორივე ნიშანი გამოირჩევა ამყარებს მათ ურთიერთობას. ორივე მათგანი აფასებს პარტნიორის ენთუზიაზმს. ხანგრძლივი ურთიერთობა კი მათ მაქსიმალურად აახლოებს. მათ შეუძლიათ გაუძლონ ნებისმიერ გამოცდას ერთად, რომლებიც ცხოვრებაში შეხვდებათ. მათთვის პრობლემა არ არსებობს, თუ ერთმანეთის სიახლოვეს გრძნობენ.

თხის რქა და კურო

ამ ორ ნიშანს შორის ისეთი ძლიერი ქიმია წარმოიქმნება, როგორსაც არც ერთი სხვა ზოდიაქოს წყვილი არ ფლობს. მათ აერთიანებთ მოთმინება, ერთგულება, შრომისმოყვარეობა და მიზანსწრაფულობა. საწოლში სრული ჰარმონია ელით. ერთმანეტის საიდუმლო სურვილებს უსიტყვოდაც გრძნობენ.


მერწყული და სასწორი

ამ ნიშნის წარმომადგენლები, გაცნობისთანავე ამჟღავნებენ ინტერესს ერთმანეთის მიმართ. მათ ძალიან ბევრი საერთო აქვთ! მათ ზუსტად იციან, რა ხდება მათ თავში და სხვების აზრი არ აინტერესებთ. ურთიერთობისთვის ორივეს შეუძლია კომპრომისზე წასვლა, რაც მათ კავშირს უფრო ამყარებს.


თევზები და მორიელი

კიდევ ერთი წყვილი, რომელიც ინტუიციურად ისწრაფვის ერთმანეთისკენ. საერთო ფასეულობები ეხმარება მათ ხანგრძლივი და ბედნიერი ცხოვრებით იცხოვრონ. მათ არ ეშინიათ იყვნენ ზედმეტად რომანტიკულები და სენტიმენტალურები.

როგორ მიიღოთ მაქსიმალური სარგებელი მერწყულის სეზონზე
გსურთ ნებისმიერ საქმეში საუკეთესო შედეგებს მიაღწიოთ? გაერთიანდით. ამ ნიშნის მთავარი სიტყვა - „თანამშრომლობაა“.
Vogue -ის ჰოროსკოპი: თებერვალი 2019
საინტერესოა, როგორ განლაგდებიან ვარსკვლავები თქვენთვის ზამთრის უკანასკნელ თვეში
 ჰობი და პროფესია ზოდიაქოს ნიშნის მიხედვით
პროფესიის არჩევა და ჰობის პოვნა დელიკატური საქმეა, ამიტომ გთავაზობთ, რომ გაიგოთ თუ რომელი შესაძლებლობები და თვისებები დაგეხმარებათ წარმატების მიღწევაში - ზოდიაქოს დახმარებით.


ვერძი
ტიპიური ვერძი ძალიან შრომისმოყვარე და ენერგიულია. მთავარია, სამუშაო საინტერესო იყოს. ზოგჯერ, ვერძებს აკლიათ ნებისყოფა და ენთუზიაზმი. გრძელვადიანი პროექტები, რომლებიც დიდ დროს მოითხოვს მათთვის არ არის...

კურო
კუროს მოთმინებასა და მონდომებაში ვერც ერთი ნიშანი ვერ შეედრება. სწორედ ამიტომ, კუროები დიდ რეზულტატსაც აღწევენ. მართალია, ამაზე დიდი დრო ეკარგებათ, მაგრამ სამაგიეროდ გამოცდილებას და ცოდნას აგროვებენ. კუროს თავისუფლად შეუძლია თეორია პრაქტიკაში გადაიტანოს და სხვებს მაგალითი აჩვენოს.


ტყუპი
ორატორობა და პუბლიკის წინაშე გამოსვლა სიტყვით - ტყუპების საქმეა! ამაში მას ბადალი არ ჰყავს. ტყუპებს ნებისმიერ ადამიანთან შეუძლიათ მოლაპარაკება. რუტინული და ერთფეროვანი სამუშაო მათთვის მტანჯველია, ამიტომ უმრავლესობა ისეთ სფეროს ირჩევს, სადაც ადვილია განვითარება და წინსვლა.


კირჩხიბი
კირჩხიბები როგორც წესი, არ ახმაურებენ თავიანთ გეგმებს. მათ ურჩევნიათ რაღაცას დამოუკიდებლად და კონკურენციის გარეშე მიაღწიონ. მუშაობენ განწყობის მიხედვით. შეიძლება ერთ დღეს 24 სთ იმუშაონ, მეორე დღეს თავისუფლად გააცდინონ სამსახური და სახლში დარჩნენ.


ლომი
ლომი დიდი ენთუზიასტია. ის თავის ენთუზიაზმს სხვებსაც გადასდებს. ეს იქამდე გრძელდება, სანამ სიზარმაცის პერიოდი არ დაუდგება. ასეთ დროს, მას შეუძლია ყველაზე მნიშვნელოვანი საქმეც მიატოვოს. ლომები ხშირად შესანიშნავი ორგანიზატორები არიან.


ქალწული
ქალწული სამუშაოს ყოველთვის გულმოდგინედ და დეტალურად ასრულებს. ამაში მას ბადალი არ ჰყავს. ისინი ყოველ წვრილმანს ხედავენ და ითვალისწინებენ. საქმეს კი იდეალურად ასრულებენ.


სასწორი
სასწორი არ არის ყველაზე მუშაობის უნარიანი ნიშანი. მას უნდა აინტერესებდეს საქმე, რომელსაც აკეთებს. თუ სასწორს ლამაზ პერსპექტივას დაუხატავთ, ის სიამოვნებით ჩაერთვება პროცესში. მას მდიდარი ფანტაზიაც ეხმარება.


მორიელი
მორიელი მთლიანად ეფლობა სამუშაო პროცესში. რასა ხელს მოკიდებს, სრულყოფილებამდე მიჰყავს. მორიელი ძალიან მომთხოვნია.


მშვილდოსანი
მშვილდოსანი არ არის საუკეთესო მუშაკი. იდეოლოგის როლში კი შეუცვლელია. ის უფრო ხელმძღვანელია, ვიდრე შემსრულებელი. ბევრი მშვილდოსანი იურიდიულ სფეროში მუშაობს, ადვოკატად, მოსამართლედ და პროკურორად.


თხის რქა
კლასიკური ადმინისტრატორია. ის მუშაობს გეგმიურად და ზომიერად. ამასთან ერთად, მას ამბიციებიც აქვს, რომელიც ადრე თუ გვიან რეალიზდება.


მერწყული
ყველაზე ორიგინალურები, მოულოდნელი გადაწყვეტილებებით. ისინი არასტანდარტული მიდგომებით გამოირჩევიან და ხშირად იგონებენ რაღაც ახალს.


თევზი
თევზების სამუშაო რითმი მათ განწყობაზეა დამოკიდებული. პრობლემა იმაშია, რომ თევზებს განწყობა ხშირად ეცვლებათ. სწორედ ამიტომ, თევზები ყველაზე არასტაბილური მუშაკები არიან. თევზებისთვის უკეთესია მარტო მუშაობა, ვიდრე კოლექტივში.
საუკეთესო საახალწლო საჩუქრები ზოდიაქოს ნიშნის მიხედვით

რომ არ შევცდეთ არჩევანში და გავახაროთ ახლობლები. რა საჩუქარი უნდა შეურჩიოთ მათ? პასუხი ზოდიაქოს ნიშნებში ეძებეთ.

ზოდიაქოს რომელი ნიშნით დაბადებულ ადამიანს უგებთ ყველაზე კარგად
ადამიანებს განსხვავებული შეხედულებები, მიდრეკილებები და ემოციური სამყარო გააჩნიათ. ამიტომ ხშირად ხდება ისე, რომ მეგობრებს ჩვენ სხვადასხვა კრიტერიუმით ვირჩევთ. უმთავრესი კი ამ მხრივ მაინც ემოციური თანხვედრა და სულიერი სიახლოვეა. ასტროლოგებს მიაჩნიათ, რომ თითოეულ ჩვენგანს გააჩნია დანარჩენ თერთმეტ ნიშანს შორის მაქსიმუმ ერთი, პოტენციური სულიერი მეგობარი. არ აქვს მნიშვნელობა ეს ქალია თუ მამაკაცი. მთავარია, რომ თქვენ და მას მსგავსი ემოციური ველი გაგაჩნიათ და სამყაროს დაახლოებით ერთნაირად აღიქვამთ.

ვერძისთვის იდეალური სულიერი მეგობარი შეიძლება იყოს მშვილდოსანი. მშვილდოსანი თავისი ფილოსოფიური ბუნებით ათვინიერებს ჯიუტ ვერძს.

კუროს იდეალური სულიერი მეგობარია კირჩხიბი. ამ ადამიანებს ერთნაირად უყვართ ოჯახური სიმყუდროვე და ვიქენდებზე გემრიელ სასუსნავთან ერთად ჩაის სმა, გულახდილი დიალოგის თანხლებით.

ტყუპის იდეალური სულიერი მეგობარია მერწყული, მერწყულს გააჩნია ურანი, რომ ტყუპს იდეებს და აზრების სისტემატიზაციაში დაეხმაროს. ამ "გენერალური დალაგების" შემდეგ კი რეალურად ფასეული ნიჭი აღმოაჩენინოს ტყუპს საკუთარ თავში.

კირჩხიბის იდეალური სულიერი მეგობარია მორიელი. მხოლოდ მორიელს აქვს უნარი, კირჩხიბისთვის დამახასიათებელ დეპრესიულ შემოტევებს გაუძლოს და ეს უკანასკნელი ბრძოლისკენ წააქეზოს.

ლომის იდეალური სულიერი მეგობარია ვერძი. ვერძის
დაუშრეტელი ენერგია და ოპტიმიზმი, ხშირად ხდება ლომისთვის გმირობების ჩადენის წყარო.

ქალწულის იდეალური სულიერი მეგობარია კურო. კუროს სიმშვიდე და ესთეტიკური ბუნება, ქალწულში სიცოცხლით ტკბობის სურვილს რეალურად აღვიძებს და ამ უკანასკნელს სჯერა, რომ ცხოვრება სამსახურის ოფისის ფანჯრებს გარეთაც მშვენიერია.

სასწორის იდეალური სულიერი მეგობარია ტყუპი. ტყუპს შეუძლია სასწორს თანდაყოლილი ყოყმანისკენ მიდრეკილება დააძლევინოს და აიძულოს გადაწყვეტილების რეკორდულ დროში მიღება.

მორიელის იდეალური სულიერი მეგობარია თხის რქა. მხოლოდ თხის რქას შეუძლია მორიელს სიმშვიდის მოპოვებაში დაეხმაროს, როცა ეს უკანასკნელი წარუმატებლობას და ბრაზს ვერა და ვერ ინელებს.

მშვილდოსნის იდეალური სულიერი მეგობარია მერწყული. ამ ადამიანებს გასაოცარი უნარი აქვთ ერთმანეთს გაუგონ უსიტყვოდ და ყოველთვის მოიფიქრონ ათასგვარი სისულელე, ურთიერთის გასამხიარულებლად.

თხის რქის იდეალური სულიერი მეგობარია თევზები. თევზების თანამგრძნობი ბუნება და მოსმენის გასაოცარი ნიჭი თხის რქისთვის ყველაზე კარგი წამალია, პესიმისტური განწყობისას.

მერწყულის იდეალური სულიერი მეგობარია სასწორი. სასწორს შეუძლია მერწყულის მასშტაბურ იდეებს, კარგი შეფუთვა მოუძებნოს და რეალურად აქციოს იგი შედევრად.

თევზების იდეალური სულიერი მეგობარია კირჩხიბი, როცა კირჩხიბი თავისზე სუსტს და მოწუწუნეს ხედავს შედარებითი ანალიზისთვის იდეალური საშუალება ეძლევა. ამიტომ თევზების გასამხნევებლად იგი არაერთ გმირობას ჩაიდენს.
სამეფო პირებიდან რომელი გგავთ თქვენ ზოდიაქოს ნიშნის მიხედვით
მეოცნებე ლედი დი, მონაკოს მგრძნობიარე პრინცესა გრეისი, ბრწყინვალე მეგან მარკლი... გიამბობთ, თუ სამეფო ოჯახის რომელი წევრია თქვენი მსგავსი ასტროლოგიური ნიშნის ქვეშ დაბადებული. თქვენ კი შეამოწმეთ, ვის ჰგავხართ.



ვერძი

პრინცესა ევგენია (დაბადების დღე - 23 მარტი, 1990 წ)
სტიქია - ცეცხლი
პლანეტა - მარსი
ტემპერამენტი: აქტიური, გონიერი, დამოუკიდებელი, სპორტული



კურო

დედოფალი ელისაბედ II (დაბადების დღე - 21 აპრილი, 1926 წ)
სტიქია - მიწა
პლანეტა - ვენერა
ტემპერამენტი: ლოიალური, შეუძლია ფოკუსირება, მომთმენი



ტყუპი

მონაკოს პრინცი რენე III (დაბადების დღე - 21 მაისი, 1923 წელი)
სტიქია - ჰაერი
პლანეტა - მერკური
ტემპერამენტი: კომუნიკაბელური, ცნობისმოყვარე, ოპტიმისტი






კირჩხიბი

პრინცესა დიანა (დაბადების დღე - 1 ივლისი, 1961 წ)
სტიქია - წყალი
პლანეტა - მთვარე
ტემპერამენტი: მეოცნებე, მგრძნობიარე, კრეატიული



ლომი

მეგან მარკლი (დაბადების დღე - 4 აგვისტო, 1981 წ)
სტიქია - ცეცხლი
პლანეტა - მზე
ტემპერამენტი: გულუხვი, თანამგრძნობი, ასხივებს დადებით ენერგიას



ქალწული

იორდანიის დედოფალი რანია (დაბადების დღე - 31 აგვისტო, 1970 წ)
პრინცი ჰარი (დაბადების დღე - 15 სექტემბერი, 1984 წ)
ესპანეთის დედოფალი ლეტიცია (დაბადების დღე - 15 სექტემბერი, 1972 წ)
სტიქია - მიწა
პლანეტა - მერკური
ტემპერამენტი: თავშეკავებული, ორგანიზებული, მოაზროვნე



სასწორი

სარა ფერგიუსონი (დაბადების დღე - 15 ოქტომბერი, 1959 წ)
სტიქია - ჰაერი
პლანეტა - ვენერა
ტემპერამენტი: დიპლომატიური, კომუნიკაბელური, მეგობრული



მორიელი

გრეის კელი (დაბადების დღე - 14 ნოემბერი, 1948 წ)
სტიქია - წყალი
პლანეტა - მარსი
ტემპერამენტი: მგრძნობიარე, ინტუიციური, კეთილდღეობისკენ მიდრეკილი



მშვილდოსანი

ვარმლანდის ჰერცოგინია პრინცესა სოფია (დაბადების დღე - 6 დეკემბერი, 1984 წ)
სტიქია - ცეცხლი
პლანეტა - იუპიტერი
ტემპერამენტი: დამოუკიდებელი, თანამგრძნობი, მხიარული



თხის რქა

ქეით მიდლტონი (დაბადების დღე - 9 იანვარი, 1982 წ)
სტიქია - მიწა
პლანეტა - სატურნი
ტემპერამენტი: მომთმები, ბრძენი, გონიერი



მერწყული

მონაკოსა და ჰანოვერი პრინცესა კაროლინა (დაბადების დღე - 23 იანვარი, 1957 წ)
სტეფანია, მონაკოს პრინცესა (დაბადების დღე - 1 თებერვალი, 1965 წ)
შარლენი, მონაკოს პრინცესა (დაბადების დღე - 25 იანვარი, 1978 წ)
სტიქია - ჰაერი
პლანეტა - ურანი
ტემპერამენტი: თავისუფალი, იდეალისტი, უანგარო



თევზები

პრინცი ალბერ II (დაბადების დღე - 14 მარტი, 1958 წ)
სტიქია - წყალი
პლანეტა - ნეპტუნი
ტემპერამენტი: მელანქოლიური, მგრძნობიარე, მეოცნებე

ანა ვერძაძე
ზოდიაქოს ყველაზე იღბლიანი ნიშნები
ჩვენს მოკლე და სახალისო ჰოროსკოპში გაიგებთ, რამდენად იღბლიანები არიან ზოდიაქოს სხვადასხვა ნიშნები.

თხის რქა
თხის რქებს იშვიათად უმართლებთ, ამიტომ ყველაფერი, რაც მათ აქვთ თავდაუზოგავი და მძიმე შრომის შედეგია. მათ გამართლების იმედი არ უნდა ჰქონდეთ.

მერწყული
ბედის საჩუქარი მათ ხშირად ხვდებათ მარტივად და მოულოდნელად. მერწყულების პრობლემა იმაშია, რომ ისინი ამას იღებენ, როგორც ბუნებრივ ამბავს.

თევზები
თევზებმა უკვე დიდი ხანია ისწავლეს: პირად ცხოვრებაში იდილია,სამსახურში წარუმატებლობას ნიშნავს. როგორც კი საქმე გამოსწორდება, ისინი ახლობლებთან კამათს იწყებენ. ბალანსი.

ვერძი
წვრილმანებში მათ ხშირად უმართლებთ, მაგრამ უფრო მსხვილ საჩუქრებს ისინი წლობით ელიან. სწორედ ამიტომ, ყველაზე პატარა წარმატებებიც ბავშვივით უხარიათ.

კურო
კუროები ფულს მაგნიტივით იზიდავენ, ამიტომ ამაში მათ ყოველთვის უმართლებთ. სხვა დანარჩენს რაც შეეხება კუროებს სამყაროსგან მარტივად არ ხვდებათ, ამიტომ ყველაფრის მიღწევა საკუთარი ძალებით უწევთ.

ტყუპი
ტყუპის მთავარი უნარი - ყბედობაა. მათ ნებისმიერთან შეუძლიათ საერთო ენის გამონახვა. ე.ი. ყველგან ჰყავთ ნაცნობები, ამიტომ წარმატება სულაც არ სჭირდებათ - ისინი მას თავად ქმნიან.

კირჩხიბი
კირჩხიბებს გამართლების არ სჯერათ, ამიტომ ყველა გამართლებას სიფრთხილით ეკიდებიან. ეს იშვიათად, მაგრამ ყველაზე საჭირო დროს ხდება.

ლომი
ლომი გამართლებას იზიდავს. იღბალი მათ არასდროს ღალატობს. ხოლო თუ რაიმე ცუდი ხდება, ის წარუმატებლობას იღებს, როგორც ბედის საჩუქარს და სრულყოფილების შანსს.

ქალწული
ქალწულს იღბალი სულაც არ სჭირდება - რაში სჭირდება ის ადამიანებს, რომლებსაც მხოლოდ საკუთარი თავის, სისტემის და მძიმე შრომის სწამთ. მაგრამ ხანდახან ძველ ქურთუკში ფულსაც პოულობენ.

სასწორი
როცა სასწორებს უმართლებთ, ისინი პატარა დღესასწაულს აწყობენ - მადლობას უხდიან ბედისწერას და მომენტით სიამოვნებას იღებენ. რადგან ეს ძალიან იშვიათად ხდება.

მორიელი
უმართლებს ყველგან და ყოველთვის, ამიტომ მორიელები ყველა გარშემო მყოფთ აღიზიანებენ. მოხვდებიან უკანასკნელ ვაგონში, ქუჩაში იპოვიან ფულს, გაივლიან ურიგოდ - ეს ყველანი მორიელები გახლავთ.

მშვილდოსანი
მშვილდოსნები ძალიან ზარმაცები არიან. ბედისწერა რატომღაც მიიჩნევს, რომ ყველაფერში ბალანსია საჭირო და აძლევს მათ იმას, რაზეც მშვიმდოსნების ხელი არ მიუწვდებათ. საყვარელი ადამიანები თავად ურიგდებიან, ფული ხელში უვარდებათ და სამსახურში ნებისმიერი შეცდომა ეპატიებათ.

ანა ვერძაძე
პანიკის გარეშე! ყველაზე გავრცელებული შიშები ზოდიაქოს ნიშნის მიხედვით
ვერძი
ზოდიაქოს ამ ნიშნის წარმომადგენლები ყველაფერში სრულყოფილებისკენ ისწრაფვიან. ვერძები თავდაუზოგავად შრომობენ და ოცნების ასახდენად მაქსიმუმს აკეთებენ. ამიტომ მათი ყველაზე დიდი შიში წარუმატებლობის განცდას უკავშირდება.

კურო
კუროს აბსლუტური ბედნიერება შეიძლება ერთი სიტყვით დახასიათდეს - სტაბილურობა. ამ მიზეზით, კუროებს ამქვეყნად ყველაზე მეტად ცვლილებების ეშინიათ - ამან შესაძლოა მათ სიმშვიდე და კომფორტი დაურღვიოს.
ტყუპი
ტყუპისთვის ყველაზე რთულია მნიშვნელოვანი გადაწყვეტილების მიღება და პასუხისმგებლობის აღება. ამ ნიშნის წარმომადგენლებს ყველაზე მეტად მომავალი აშინებთ.

კირჩხიბი
ამ ნიშნის წარმომადგენელთა უმრავლესობა ძალიან მგრძნობიარეა. მათ ხშირად ეჩვენებათ, რომ კოლეგები და მეგობრები თავს ესხმიან ან არ აფასებენ. კირჩხიბების მთავარი შიში მათი მისამართით კრიტიკის მოსმენაა.

ლომი
ამ ცეცხლოვანი ნიშნის წარმომადგენლებისთვის ცხოვრებაში მთავარი მათი ავტორიტეტის შენახვაა. მეფური პირის ღამის კოშმარია გახდეს ადამიანებზე ან გარემოებებზე დამოკიდებული.
ქალწული
ქალწულები ძალიან ფაქიზად ეპყრობიან საკუთარ ნივთებს და ძალიან ეშინიათ, რომ ისინი ვინმემ არ დააზიანოს. ისინი ფიქრობენ, რომ ყოველ ღირებულ საგანს სული აქვს და თუ დაზიანდება, მისთვის მტანჯველი იქნება.

სასწორი
მგრძნობიარე სასწორები გარშემო მყოფებისგან მუდამ შექებასა და კეთილგანწყობას მოელიან. ისინი მთელი ძალებით ცდილობენ უკლებლივ ყველაზე შთაბეჭდილების მოხდენას და თუ ეს არ ხდება, უიმედობა ეუფლებათ.

მორიელი
მორიელები მხოლოდ ერთი შეხედვით ჩანან ამპარტავნები, მაგრამ სინამდვილეში ამ ცხვირაწეულობის უკან დგას ადამიანი, რომელსაც აკლია თავდაჯერებულობა და საკუთარ წარუმატებლობას გარეგნულ გარემოებებს აბრალებს. ამ „ენა მწარე“ ფილოსოფოსებს ერთი რამ აშინებთ - მოულოდნელად მათი ფარული საიდუმლოებები შესაძლოა ფართო საზოგადოებისთვის გახდეს ცნობილი.
მშვილდოსანი
მათი სტრატეგია ასეთია - არავითარ შემთხვევაში არ წარმოაჩინონ საკუთარი სისუსტეები. ვინმემ მათი სუსტი წერტილი რომ იპოვოს და ეს საკუთარი მიზნებისთვის გამოიყენოს?

თხის რქა

ამაზე უფრო მიზანდასახულ და ამბიციური ნიშანი არ არსებობს. საკუთარ სისუსტეებს თხის რქა არასდროს აღიარებს, მაგრამ გულის სიღრმეში ამ მიწიერ ჯიუტ ადამიანებს ყველაზე მეტად წარუმატებლობა აშინებთ.

მერწყული
მერწყულებს ყველაზე მეტად ავადმყოფობა აშინებთ, ამიტომ რეგულარულად მიმართავენ ექიმს გამოკვლევისთვის.
თევზები
თევზებს პანიკაში მხოლოდ ერთი რამ აგდებთ, ფიქრი იმაზე, რომ შესაძლოა ახლო ადამიანების მხარდაჭერის გარეშე დარჩნენ. შესაბამისად მათ ხშირად უწევთ თამაში და მნიშვნელოვან შეცდომებს გვიან ამჩნევენ,

ანა ვერძაძე
ასტროლოგი: ზოდიაქოს ნიშნების უარყოფითი მხარეები
ოგორც ასტროლოგები ამბობენ, ჩვენი ხასიათი ვარსკვლავებზეა დამოკიდებული. მოდით ვნახოთ, ვის რა ნაკლი აქვს ზოდიაქოს ნიშნის მიხედვით.

ვერძი
ვერძი ცხოვრობს ისე, როგორც თვითონ თვლის საჭიროდ და თითქმის არასოდეს ფიქრობს შედეგებზე. ის ძალიან იმპულსური და თავდაჯერებულია. ამ ზოდიაქოს ნიშნის ქვეშ დაბადებულები უმალ თვალებს ამოგთხრიან, ვიდრე საკუთარი ილუზიების დამსხვრევის საშუალებას მოგცემენ. ვერძები ასევე მოუთმენელი ხასიათით გამოირჩევიან და ყველაფრის სწრაფად გაკეთება უყვართ. ისინი ეგოისტები არიან და მხოლოდ საკუთარ თავს უსმენენ.

კურო

კუროები სიზარმაცით გამოირჩევიან. მათ შეუძლიათ მთელი დღე საწოლში გაატარონ. თუ შეეცდებით წამოაყენოთ, აგრესიულ პასუხს მიიღებთ. კუროები თვლიან, რომ ისინი ყველაზე მნიშვნელოვანი და საჭირონი არიან. ასევე, ძალიან ჯიუტები არიან და რაც არ უნდა მოხდეს, არასოდეს აღიარებენ იმას, რაც არ უნდათ. სიძუნწე და ეგოიზმი კუროს დამახასიათებელი თვისებებია.

ტყუპები

ტყუპებს უნდა ერიდოთ. მათში ძალიან რთული ხასიათი იმალება. ყველაზე ცუდი თვისება კი საკუთარი თავის გადამეტებული სიყვარული და ბევრი ლაპარაკია. ისინი უბრალოდ გიჟდებიან ლაპარაკზე და თუ ეცდებით შეაწყვეტინოთ, კარგი არაფერი მოხდება. ტყუპები ხშირად რამდენიმე საქმეს ერთდროულად ეკიდებიან, მაგრამ არასოდეს მიჰყავთ ბოლომდე, ამიტომ, ხშირად წუწუნებენ და გაღიზიანებულები არიან.

კირჩხიბი

ემოციურ კირჩხიბებს ხშირად ნახავთ ატირებულებს ( ზოგჯერ ბედნიერებისგანაც). მათ ძალიან სწრაფად ეცვლებათ ხასიათი და შესაძლოა ღრმა დეპრესიაშიც ჩავარდნენ. თუ თქვენ მათ ცხოვრებაში გამოჩნდებით, ის ეცდება არ გაგიშვათ. კირჩხიბებს ყველაფერი სწყინთ, მაგრამ პირდაპირ ამაზე არასოდეს საუბრობენ.

ლომი

ყველა ზოდიაქოს ნიშანი მეორე პლანზე გადადის, როდესაც ლაპარაკი ლომის ეგოიზმს ეხება. მათ საკუთარი თავი უმაღლეს მწვერვალზე აჰყავთ და მათი იქიდან ჩამოყვანა არავის შეუძლია. მოკლედ რომ ვთქვათ, ის ცხოველების მეფეა, რომელიც ყველგან ისაკუთრებს ტერიტორიას. თუ მასთან მშვიდ ურთიერთობას შეინარჩუნებთ, შეიძლება ლომის სიყვარული დაიმსახუროთ. წინააღმდეგ შემთხვევაში კი ომი გარდაუვალი იქნება.

ქალწული

ქალწული ნამდვილად არ არის იდეალური ვარიანტი თანაცხოვრებისთვის. ის ყველას, ყოველთვის აკრიტიკებს. შეიძლება სიკვდილის პირას მყოფი ადამიანიც რამეში დაადანაშაულოს. ქალწული არასოდეს წავა კომპრომისზე. ამ ზოდიაქოს ნიშნის ქვეშ დაბადებული ადამიანები უხეშები და მოუთმენლები არიან, რასაც პესიმიზმი ემატება. ისინი ყველაფერში ცუდს ეძებენ, ამიტომ ყველას და ყველაფერს ეჭვის თვალით უყურებენ.

სასწორი

სასწორი შეიძლება მისთვის სრულიად უმნიშვნელო ადამიანს გაეკიდოს და დაივიწყოს ყველაზე ძვირფასი. ისინი კაჭკაჭებივით ისწრაფვიან ყველაფრისკენ, რაც ბრწყინავს. იმისთვის, რომ სასწორმა საკუთარი თავი წარმოაჩინოს, მზადაა ყველაფერზე წავიდეს. მათ თავში ყოველთვის ქარი უბერავს, რთულია მათი ნდობა. სასწორებმა საერთოდ არ იციან, როგორ მიიღონ გადაწყვეტილება და ამასთან, საშინლად ზარმაცები არიან. ქმარი დაბერდება მანამ, სანამ სასწორი-ცოლი აარჩევს კაბას, რომელიც წვეულებაზე უნდა ჩაიცვას.

მორიელი

ინტრიგების მეფე და საშიში მანიპულატორი. მორიელები ფიქრობენ, რომ მხოლოდ ძალით და გავლენით შეიძლება წარამტებას მიაღწიონ. ისინი არავის ენდობიან. ამიტომ, ძალიან ჩაკეტილები არიან. მათ შეუძლიათ იყვნენ წარმოუდგნელად საყვარლები იმისთვის, რომ კეთილგანწყობას მიაღწიონ, მაგრამ თვალის დახამხამებასაც ვერ შეძლებთ, რომ თქვენ უკვე ჩაფლული იქნებით მის ინტრიგებში. მორიელები შინაგანად ძალიან რბილები არიან, მათი წყენინება ადვილია, ამის გამო მორიელები ხშირად ვარდებიან დეპრესიაში. მათ ხშირად შურთ სხვების და ცდილობენ მიზანს ნებისმიერი გზით მიაღწიონ.

მშვილდოსანი

მშვილდოსნებს რომ ტაქტი ესწავლათ, კარგი იქნებოდა, რადგან ისინი ყოველთვის პირში აფურთხებენ სხვებს. მშვილდოსნები ყველაზე ნაკლებად ზრუნავენ სხვებზე და პასუხისმგებლობის გრძნობაც არ გააჩნიათ. თუ მათ დაეხმარებით, მადლიერებას არ ელოდოთ, იმიტომ, რომ მათი აზრით ეს დაიმსახურეს. მაშინაც კი, თუ მთელი დღე სავარძელზე gგორაობასა და ტელევიზორის ყურებაში გაატარეს. ის, რაც მშვილდოსნებს არასოდეს ეზარებათ - მოგზაურობაა.

თხის რქა

პესიმიზმში თხირ რქას ბადალი არ ჰყავს. წუწუნით ისინი არა მხოლოდ ახლობლებს თრგუნავენ, არამედ საკუთარ თავსაც. თუ მათ ცხოვრებაში რამეს შეცვლას ეცდებით, თხის რქა გაჯიუტდება და მაქსიმალურად ეცდება თავის სასოწარკვეთას ჩაებღაუჭოს. ისინი მორცხვები არიან, თუმცა ეს ხელს არ უშლით სიამაყესა და ამპარტავნობაში.

მერწყული

ნიშანი, რომელიც ხშირად გაგაღიზიანებთ თავისი პოზიტივით. მერწყულები ისე ცხოვრობენ, თითქოს შადრევნიდან ცისარტყელა გადმოდიოდეს. მათთვის შუალედი არ არსებობს: - ან ყველაფერი, ან არაფერი. იდელის ძებნაში ისინი ხშირად შორდებიან ახლობლებს. რა ხდება მერწყულის თავში, ეს მხოლოდ მათ იციან. საკუთარ თავს ისინი ექსპერტებად თვლიან, ამიტომ ვერ დაარწმუნებთ მათ რჩევებით. პირიქით, თვითონ გასწავლიან ჭკუას, რადგან ამაზე გიჟდებიან.

თევზები

შეიძლება თევზებს შორის ზვიგენებიც არსებობენ, მაგრამ უმეტეს შემთხვევაში ისინი ზარმაცი კობრები არიან, რომლებიც დინებას მიჰყვებიან. ისინი საკუთარ სამყაროში ცხოვრობენ და იმდენად იკეტებიან საკუთარ თავში, რომ შეიძლება მომაკვდავ მეგობარს ისე გადააბიჯონ, ვერც შენიშნონ. თევზები ზარმაცები არიან, მაგრამ ხშირად ძალიან ემოციურები ხდებიან. მათ ზოგჯერ ისეთი სურვილები აქვთ, რომელსაც ოქროს თევზიც კი ვერ აასრულებს.