მარწყვის ჰაეროვანი ფრანგული ტორტი "ფრეზე"

თუ გსურთ, გასინჯოთ რამე არაბანალური, ფრანგული სამზარეულოდან, აუცილებლად დააგემოვნეთ უგემრიელესი ტორტი „ფრეზე“.

Men Shoes - Football


ინგრედიენტები:
კვერცხი 3 ცალი
ფქვილი 60 გრ
გამაფხვიერებელი 0,5 ჩ/კ
წყალი 150 მლ
ნაღები 500 მლ
შაქრის პუდრა 4 ს/კ
მარწყვი 650 გრ
შაქარი 130 გრ
სახამებელი 20 გრ
ვანილინი 1 გრ
კონიაკი 1 ს/კ
ხაჭო 150 გრ
ჟელატინი 1 ს/კ


მომზადების წესი:
კარგად ათქვიფეთ კვერცხები 80 გრ. შაქართან ერთად. ცალკე შეურიეთ ფქვილი და სახამებელი, დაუმატეთ

ვანილინი და გამაფხვიერებელი. ეს მშრალი ინგრედიენტები გადაიტანეთ ათქვეფილი კვერცხის მასაში და ხის კოვზით ურიეთ. მოძრაობა მსუბუქი და წრიული უნდა იყოს. მასა კი ჰაეროვანი უნდა გამოვიდეს.


ცომი გადაიტანეთ 20 სმ დიამეტრიან ფორმაში. შუაში პატარა ჩაღრმავება დაუტოვეთ.
აცხვეთ 160 გრადუსზე, ნახევარი სთ. როდესაც ბისკვიტი გაცივდება, დააფარეთ ხელსახოცი და დატოვეთ მთელი ღამე.


მოამზადეთ სიროფი. 100 მლ წყალი და 50 გრ შაქარი მიიყვანეთ ადუღებამდე და გააციეთ. ჩაასხით კონიაკი.
კრემის მოსამზადებლად, დაალბეთ ჟელატინი წყალში, დააცადეთ გაფუება, გააცხელეთ და შემდეგ გააციეთ.


ათქვიფეთ ნაღები 33% -იანი საშუალო სიჩქარეზე. როცა შესქელდება, მოუმატეთ მიქსერის სიჩქარეს. ჩაყარეთ შაქრის პუდრა. თქვიფეთ კიდევ 2-3 წთ. დაუმატეთ ხაჭო, ფრთხილად აურიეთ და ჩაასხით ჟელატინი. 3-4 ს/კ კრემი ცალკე გადაინახეთ, რომ ტორტს ზემოდან წაუსვათ.


ბისკვიტს მოაჭერით ზედა ნაწილი. დაჭერით ის 2 ნაწილად. ფორმაში პერგამენტი ჩააფინეთ.
მარწყვები შუაზე გაჭერით.


ფორმაში ბისკვიტის პირველი ფენა ჩადეთ და სიროპით დანამეთ. კიდეებზე მარწყვი შემოუწყვეთ. შემდეგ კრემი. ცენტრში მარწყვი, ზემოდან კრემი.
დაადეთ მეორე ფენა. დანამეთ სიროფით. ზემოდან დაადეთ კრემი (გადანახული).
ტორტი მაცივარში შედგით და რამდენიმე სთ დატოვეთ.
გემრიელად მიირთვით!

like
1

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.