Dior-ის ახალი კოლექცია, რომელიც მხატვარ ნიკი დე სენ-ფალს მიეძღვნა!

რატომ არ იყვნენ დიდებული ქალი მხატვრები? ეს წარწერა Dior-ის პიჯაკებზე ჩნდება, ის თითქოს გასული წლის კოლექციის სლოგანის: „ჩვენ, ყველანი ფემინისტები უნდა ვიყოთ“ გაგრძელებაა.Christmas Sale Price Nike Shoes
მარია გრაცია კიური დიდი სერიოზულობით მოეკიდა თანამედროვე საზოგადოებაში ქალის ადგილის დამკვიდრების საკითხს.



დიზაინერი იმ მხატვარ ქალებს აღნიშნავს, რომლებმაც ხელოვნების ისტორიაში საკუთარი ადგილის დამკვიდრება მაინც მოახერხეს. მარია გრაციამ საკრუიზო კოლექცია უკვე მიუძღვნა ჯორჯია ოკიფს. ამ გაზაფხულზე კი ნიკი დე სენ-ფალის გახსენების დრო დადგა, მით უმეტეს
ამ მხატვრის ბედი მჭიდროდაა დაკავშირებული Dior-ის მოდის სახლთან.



ხელოვნებაში ქალები ძირითადად მუზის როლში გვევლინებოდნენ და არა შემოქმედის.ამ სფეროში ქალმა ხმა მხოლოდ 1960 წლიდან აიმაღლა - სწორედ ამ პერიოდში აყვავადა ნიკი დე სენ-ფალის შემოქმედებაც. მხატვარმა ქალებზე ყველა სტერეოტიპი დაამსხვრია - ალქაჯები და მსუბუქი ყოფაქცევის ქალები, ქალღმერთები და მშობიარე ქალები.



მხიარული, ბავშვურად გულუბრყვილო ნახატები, დეკორაციული ნივთები Dior-ის ძირითადი გაფორმება გახდა. მისი სიურეალისტური ილუსტრაციები კაბებზე ნაქარგებად იქცა. თავად გაზაფხული-ზაფხული 2018 -ის კოლექციის ჩვენება გაფორმებული იყო გატეხილი სარკეების ნამსხვრევებით - ზუსტად ასეთივეს ჩვენ ვხვდებით ტოსკანაში ფანტასტიკურ „სადუ ტაროში“, გამოგონილი და ხორცშესხმული ნიკი დე სენ-ფალის მიერ.



აქედანაა შავ-თეთრი გრაფიკაც. ის კოლექციებში ჩნდება 1960-იანი წლების კოსტიუმებზე, ზუსტად ისეთივე, როგორსაც იმ დროისთვის სახლის კრეატიული დირექტორი მარკ ბოანი ქმნიდა. დიზაინერი ნიკი დე სენ-ფალის დიდი მეგობარი გახლდათ.



სენ-ფალის შემოქმედება ძალიან ბევრგან იკვეთება Dior-ის არტ-დირექტორის, მარია გრაცია კიურის ესთეტიკასთან. ორივე სიმბოლოებით ირითმება, თამაშობენ გვემისა და კოშმარების ზღვარზე, საკუთარ მისიად ისახავენ ქალების განთავისუფლებას საზოგადოების მიერ აღიარებული სტერეოტიპებისგან.




Dior-ის უკანასკნელი კოლექცია შესაძლოა არ პასუხობს კითხვას „რატომ არ იყვნენ დიდებული ქალი მხატვრები?“, მაგრამ გვაიძულებეს ეს პასუხი დამოუკიდებლად ვეძიოთ, დავფიქრდეთ უფრო დიდსა და მნიშნელოვანზე - ან, შესაძლოა, გავხდეთ ერთ-ერთი მათგანი.



Dior-ის გაზაფხული-ზაფხულის კოლექციაში მარია გრაცია კიურიმ პოდიუმზე გამოუშვა 1960-იანი წლების ნიკი დე სენ-ფალის „კლონების“ არმია - შავი, ნაქარგებიანი პიჯაკებითა და ბერეტებით სამგლოვიარო ვუალით.

ანა ვერძაძე

ასევე დაგაინტერესებთ:

როგორ იქმნებოდა Dior-ის წითელი კაბა მერილ სტრიპისთვის, რომელიც მსახიობს „ოსკარი“ 2018-ის ცერემონიალზე ეცვა

Christian Dior: ოცნების კუტურიე - ფოტოები პარიზის მასშტაბური გამოფენიდან

როგორ იქმნებოდა კანის Dior-ის კაბები ნიკოლ კიდმანის, ელ ფენინგის და კრისტინ სკოტ-ტომასისთვის
like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.