"არანჩინი"- ბრინჯის ბურთები ხორცის რაგუთი

ამ სიცილიური კერძის ისტორიას არაბთა სიცილიაში მმართველობის ეპოქაში მივყავართ, როცა კუნძულზე ბრინჯი და შაფრანი მოიყვანეს. ბრინჯის ყვითელი ბურთები ფორთოხალს ჰგავს და სახელწოდებაც აქედან მოდის.ხრაშუნა გარსი და უგემრიელესი შიგთავსი - ეს კერძი აუცილებლად უნდა გასინჯოთ!

 

ინგრედიენტები:

ცომი:
ბრინჯი — 500 გრ
ნაღების კარაქი — 30 გრ
ყველი პარმიჯანი — 100 გრ
შაფრანი — 1 პაკეტი
ცილა — 1 ცალი
მარილი — გემოვნებით


შიგთავსი:
ფარში — 150 გრ
ხახვი — 0,5 ცალი
ტომატის პასტა — 50 გრ
წითელი ღვინო — 100 მლ
მარილი—

გემოვნებით
პილპილი — გემოვნებით
ზეითუნის ზეთი — გემოვნებით
მოცარელა — 100 გრ


ამოსავლებად:
კვერცხი— 2 ცალი
დაფქვილი ორცხობილა (საფანელი) — გემოვნებით

მომზადების წესი:

მოხარშეთ ბრინჯი მარილწყალში ისე, რომ მან მთლიანად შეიწოვოს წყალი. შეურიეთ შაფრანი (ინდური სანელებელი) ცილას და შემდეგ ბრინჯს. დაუმატეთ ყველი, კარაქი, აურიეთ და გააცივეთ.
შიგთავსისთვის წვრილად დაჭერით ხახვის ნახევარი და შეწვით ზეითუნის ზეთში. დაადეთ ფარში და მოშუშეთ 5 წთ.
ჩაასხით ღვინო და დააცადეთ აორთქლება. დაუმატეთ ტომატ პასტა, მარილი, პილპილი, შუშეთ 30 წთ.
დაბალ ცეცხლზე, რომ სოუსი გასქელდეს.

აიღეთ 1 ს/კ ცივი ბრინჯი და დაიდეთ ხელის გულზე. ცენტრში ჩაუდეთ ხორცის სოუსი და ყველის ნაჭერი.

ზემოდანაც ბრინჯი დააფარეთ და ბურთის ფორმა მიეცით. ასე გააკეთეთ ყველა.

ბურთები ამოავლეთ ათქვეფილ კვერცხში, შემდეგ საფანელში და შეწვით.

გემრიელად მიირთვით!

like
1

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.