ქაცვის და კაკაოს ნამცხვარი ცხობის გარეშე

გარდა იმისა, რომ ეს ნამცხვარი ძალიან გემრიელია, ის ყურადღებას თავისი სილამაზითაც იქცევს. ყვითელი და ყავისფერი მუსის ფენები ძალიან მადისაღმძვრელად და ორიგინალურად გამოიყურება.

საჭირო ინგრედიენტები:
ქვედა, ხრაშუნა ფენისთვის:
ქოქოსის ფანტელი 65 გრ
ნუში 120 გრ
თხილი 50 გრ
ფინიკი 210 გრ
კაკაო 60 გრ
მარილი ¼ ჩ.კ.
ქაცვის მუსი:
თხილი 260 გრ
ჟელატინი 10 გრ
ლიმონის წვენი 5 გრ
ვანილინი 5 გრ
კარაქი 250 გრ
ქაცვის (აბლეპიხა) პიურე 300

გრ
აგავის სიროფი 50 გრ
კაკაოს მუსი:
თხილი (სასურველია ინდური, კეშიუ) 150 გრ
ქოქოსის კარაქი (ან ნაღების) 20 გრ
აგავის სიროფი 50 გრ
ლიმონის წვენი 5 გრ
კაკაო 20 გრ
დარიჩინი 5 გრ
მომზადების წესი:
დაფქვით ნუში, თხილი და ფინიკი ბლენდერში. დაუმატეთ მარილი, ვანილინი, ქოქოსის ფანტელი და კაკაო.
მიღებული მასა ფორმაში გადაიტანეთ და გააბრტყელეთ.
ბლენდერში გაატარეთ თხილი, ქაცვის პიურე, ლიმონის წვენი, აგავის სიროფი და ვანილინი.
ქოქოსის კარაქი ოდნავ შეათბეთ, რომ ნელა დაიწყოს დნობა. დაუმატეთ ჟელატინი და ყველაფერი  ერთმანეთს შეურიეთ.
კაკაოს მუსისთვის ყველა ინგრედიენტი ბლენდერში ათქვიფეთ.
ქაცვის მუსი ქვედა ხრაშუნა ფენის ზემოთ მოათავსეთ, ზემოდან კი კაკაოს მუსი დაადეთ. შემდეგ ისევ ქაცვის ფენა და ფორმა საყინულეში შედგით, სანამ ნამცხვარი არ გამაგრდება.

შემდეგ საყინულედან მაცივარში გადაიტანეთ. 

გემრიელად მიირთვით!

like
1

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.