მოხარშულკრემიანი ჟოლოს ტარტი

რეცეპტი გათვლილია 6-8 ულუფაზე.


ინგრედიენტები:
ტარტის ცომი:
ფქვილი 180 გრ
შაქრის პუდრი 75 გრ
კარაქი 100 გრ
კვერცხის გული 1 ცალი
ცივი წყალი 2-3 ჩ/კ

გულსართი:
რძე 500 მლ
დარიჩინის ჩხირი 5 სმ
კვერცხის გული 2 ცალი
შაქარი 50 გრ
სიმინდის სახამებელი 2 ს/კ
კარაქი 2 ჩ/კ
ჟოლო 375 გრ

მომზადების წესი:
ცომი:
ფქვილი, შაქრის პუდრი და კარაქი სამზარეულოს კომბაინში მოათავსეთ და დაანამცეცეთ (კარაქი ცივი უნდა იყოს). დაუმატეთ კვერცხის გული და 2 ჩ/კ წყალი.
გააკეთეთ ცომი. მოათავსეთ პატარა ჯამში, დააფარეთ

ცელოფანი და შედეთ მაცივარში 30 წთ.

წაუსვით ცხიმი 25 სმ დიამეტრიან ყალიბს.
გააცხელეთ ელექტროღუმელი 170 გრადუსზე. ცომი დადეთ ოდნავ ფქვილმოყრილ დაფაზე და 3 მმ სისქეზე გააბრტყელეთ. მოათავსეთ საცხობ ფორმაში და გვერდებიდან ზედმეტი ცომი ჩამოაჭერით.
თავზე დააფარეთ პერგამენტის ქაღალდი მშრალი მარცვლეული მოაყარეთ სიმძიმისთვის (ბარდა, ბრინჯი, ოსპი და სხვ).
აცხვეთ 15 წუთი, სანამ არ გაყავისფერდება. მოაცილეთ ქაღალდი და სიმძმე.
მოუმატეთ ტემპერატურას 230 გრადუსამდე.
გულსართი:
რძე და დარიჩინის ჩხირი პატარა ქვაბით დადგით საშალო ცეცხლზე, მიიყვანეთ ადუღებამდე.
დაუკელით ცეცხლს, ადუღეთ 15 წთ.
რძე წმინდა საწურში გადაწურეთ.
ცალკე ათქვიფეთ კვერცხის გულები, შაქარი და სიმინდის სახამებელი. თანდათან დაუმატეთ რძეს, ცეცხლს დაუწიეთ და ხის კოვზით კარგად ურიეთ გასქელებამდე.
გადმოდგით ცეცხლიდან, შეურიეთ კარაქი და გააცივეთ.
მოხარშული კრემი მომზადებულ ტარტის ცომს დაასხით, მოაყარეთ ჟოლო. აცხვეთ 15 თ.
სუფრაზე თბილი მიიტანეთ.
გემრიელად მიირთვით!

like
3

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.