ყველა სიახლე

24 სექ 2018
სილამაზე

"ანგელოზის" მსგავს გოგონებს საკუთარ თავზე უწევთ მუშაობა. არ არის ადვილი, ცნობილი ბრენდის Victoria's Secret - სახე იყო. ადრიანა ლიმა მუდამ ფორმაში ყოფნისთვის კრივითა და კაპოეიროთი არის დაკავებული და დიდ ყურადღებას აქცევს კვების რაციონს.

24 სექ 2018
მოდა
გასულ ღამეს 2018 წლის amfAR Gala გაიმართა მილანის მოდის კვირეულის ფარგლებში. საღამოს საქველმოქმედო დატვირთვა ჰქონდა.



ის შიდსის კვლევის მხარდასაჭერად და აივ-ინფექციის პროფილაქტიკური მკურნალობის ჩატარების გავრცელების ხელშესაწყობად გაიმართა. ცერემონიაზე უამრავი ცნობადი სახე იმყოფებოდა, სადაც ასევე გაიმართა დაჯილდოება. საღამოს მუსიკალურად წარმოშობით შვედი მომღერალი ზარა ლარსონი აფორმებდა. ქველმოქმედებაშ მონაწილეობა უამრავმა ადამიანმა მიიღო, მათ შორის: ბიანკა ბალტიმ, ჰაიდი კლუმმა, ანჟელა მისონიმ და ოლივია პალერმომ.



გთავაზობთ ვარსკვლავების ჩაცმულობას ცერემონიის წითელი ხალიჩიდან!




















23 სექ 2018
მოდა
შესაძლებელია გოგონამ იტალია დატოვოს, მაგრამ იტალია გოგონას არასოდეს. ეს ჩემი პირველი ფიქრი იყო, როცა მუქთმიან ლამაზმანს, ბიანკა ბალტის ლოს-ანჯელესში ჩვენების შემდეგ შევხვდი, სადაც ის ბოლო რამდენიმე წელია ცხოვრობს. 100%-ით იტალიური სილამაზის განსახიერება, იტალიური ბრენდის Dоlce & Gabbana სახე მოულოდნელად აცხადებს, რომ კალიფორნიაზე უზომოდაა შეყვარებული და აქ სამუდამოდ დარჩენა სურს.

„საკუთარი თავი ვიპოვე - ამბობს ტერასაზე აუზთან მჯდომი ბიანკა და სახე მზისკენ აქვს მიშვერილი. მსოფლიოში არც ისე ბევრი დიდი ქალაქია, სადაც იცხოვრებ ისე, რომ დატკბე ბუნებით, ოკეანით, გქონდეს ასეთი მშვიდი და სწორი ცხოვრების რეჟიმი“. დაუჯერებელია: ცნობილი მილანელი მოდელი, რომელმაც ათობით ჟურნალის გარეკანი დაამშვენა, მათ შორის იყო Vogue-ც, ლოს-ანჯელესში მშვიდი ცხოვრებით ტკბება. „როცა აქ სულ ცოტახანი ვიცხოვრე, მილანში დავბრუნდი, სადაც საშინელი მოწყენილობა ვიგრძენი - სიცილით ამბობს ბიანკა. იქ ყველა ძალიან ცდილობს იყოს განუმეორებელი, გამოიყურებოდეს იდეალურად, იარონ სწორ ადგილებში, დედაჩემიც ასეთია. როცა კალიფორნიაში სამუშაოდ პირველად ჩამოვედი, აქ ნამდვილი თავისუფლება ვიგრძენი. ყველა გამუდმებით მეკითხება: „ნუთუ საცხოვრებლად აქ დარჩები?“ - მე კი დარწმუნებული ვპასუხობ: „დიახ!“

ბალტიმ ადგილობრივი ჩვევები სწრაფად გაითავისა - სწორი კვება, ვარჯიში სუფთა ჰაერზე და გარემოზე ზრუნვა. ის დაკავებულია სერფინგით, მედიტაციით, მთელ თავისუფალ დროს კი ქალიშვილებთან - 3 წლის მიასთან და 11 წლის მატილდასთან ერთად პლაჟზე ატარებს: „ჩემი ცხოვრება გაცილებით ხარისხიანი გახდა, იმდენი წელია კვების მანერების შეცვლას ვცდილობდი, აქ კი ეს ყველაფერი თავისთავად მოხდა. აქ ყოველ ნაბიჯზე შეხვდებით სუპერმარკეტებს ან რესტორნებს ფერმერული და ორგანული პროდუქტებით. იტალიაში კი, თუ მოითხოვ რძეს ლაქტოზის გარეშე, შემოგხედავენ, როგორც გიჟს“. ერთადერთი, რასაც მისი იტალიური ნატურა არ იღებს - ეს მზისგან დაცვაა, რითიც ყველა ადგილობრივია შეპყრობილი. „ჩემს კოსმეტოლოგს ამის გამო ჩემი დანახვა არ უნდა - იცინის ბალტი - მზისგან დამცავ საშუალებებს, რა თქმა უნდა, ვიყენებ, მაგრამ მხოლოდ სახისთვის. მე ხომ იტალიელი ვარ. ჩვენ ვაღმერთებთ მზეს. თავს ბევრად უფრო მიმზიდველად ვგრძნობ, როცა გარუჯული ვარ. იმის გამო, რომ ასაკში ჩემი კანი კარგ მდგომარეობაში იყოს, მზისგან დამალვას არ ვაპირებ“.

ბიანკას სახლის დიდი ხნით დატოვება არ უყვარს, ერთადერთი ადგილი, სადაც ის სიამოვნებით მოგზაურობს - კაპრია, სადაც ტრადიციულად იმართება Light Blue Dolce & Gabbana-გან გადაღებები და სადაც დოლჩე ვიტას გმირს თამაშობს - ლურჯი ზღვა, მზე და სიმპათიური მამაკაცი თეთრ საცვლებში. არსებობს ქალი, რომელიც ამ ფოტოს დანახვისას შურით არ აივსება? ამ გადაღებებზე ბიანკა ისე საუბრობს, როგორც მხიარულ შვებულებაზე, დიზაინერების დუეტს კი ოჯახს უწოდებს: „ სტეფანომ ტრადიციული იტალიური მუსიკა ჩართო და გამუდმებით ჩემს გაცინებას ცდილობდა მაშინ, როცა დომენიკო სამოსის მოზომებითა და სურვილით იყო შეპყრობილი, რომ ყველაფერი იდეალურად ყოფილიყო“.

„მომწონს, რომ სტეფანოსა და დომენიკოს ჩემთვის არასდროს მიუთითებიათ, რომ გავსუქდი ან ძალიან გავხდი. მათ უბრალოდ ყველაფერი გააკეთეს იმისთვის, რომ თავი სრულყოფილებად მეგრძნო“.

ბიანკა ბალტი დოლჩე და გაბანას „ოჯახის“ წევრი 2005 წელს გახდა, 2013 წელს კი ცისფერთვალება ბრიტანელ აპოლონს, დევიდ განდის შეუერთდა არომატის სარეკლამო პოსტერებზე, თუმცა მოდელი გამოტყდა, რომ ეს პარფიუმერული შედევრი გაცილებით ადრე შეუყვარდა. ეს არომატი უკვე 17 წელია ბესტსელერების სიაშია და მისი არევა შეუძლებელია. „არასდროს დამავიწყდება, როგორ გამიხარდა, როცა დეიდამ შობაზე Light Blue მაჩუქა, მას შემდეგ მხოლოდ მას და მის სხვა ვერსიებს ვატარებ“. ბიანკას თქმით, მან ჯერ კიდევ სკოლის ასაკიდან დაიწყო მოდელობაზე ოცნება: „ისეთი გამხდარი ვიყავი, რომ ბავშვებს ჩემზე ყოველთვის ეცინებოდათ, მაგრამ ჟურნალებში გოგონები ზუსტად ისე გამოიყურებოდნენ, როგორც მე, რაც მამშვიდებდა და შთამაგონებდა. მახსოვს როგორ ვჭრიდი Dolce & Gabbana რეკლამებს ჟურნალებიდან, კედელზე ვკიდებდი და ვიზუალიზაციას ვახდენდი. სტეფანომ და დომენიკომ ბევრი რამ მომცეს, მასწავლეს ისეთი მიყვარდეს საკუთარი თავი, როგორიც ვარ. მე მათ გოდაღებებში ჩემი მეორე ქალიშვილის, მიას დაბადებიდან თითქმის მაშინვე ვმონაწილეობდი. მაშინ 13 კგ მოვიმატე, მათ კი ჩემთვის არასდროს მიუთითებიათ, რომ ძალიან გავსუქდი ან გავხდი - პირიქით, ყოველთვის კომპლიმენტებს მეუბნებოდნენ და მაიძულებდნენ თავი ლამაზმანად მეგრძნო“. ბიანკას არჩევანია - არ იყოს იდეალური და ეს მას კიდევ უფრო ალამაზებს.

მისი თითქმის მილიონი გამომწერი მზადაა ეს დაამტკიცოს: იმ ფოტოებთან ერთად, რომელზეც ლამაზი ცხოვრება, წვეულებები და იდეალური სხეულია დემონსტრირებული, იწონებენ რეალური ბიანკას ფოტოებსაც. ფეხმძიმეს, შეშუპებულს, დაღლილს, სადაც ის ქალიშვილს ძუძუს აჭმევს ან სარკესთან სელფს იღებს, სადაც მშობიარობიდან რამდენიმე კვირის შემდეგ ყველა ზედმეტი კილოგრამი მოჩანს.

„ყალბი ცხოვრების წინააღმდეგი ვარ, სადაც დაფოტოშოფებული ვარ ან პროფესიონალური მაკიაჟი და ვარცხნილობა მაქვს გაკეთებული. ჩემთვის მნიშნელოვანია, რომ ხალხმა ნამდვილი მნახოს. ინსტაგრამი სავსეა ლამაზი გოგონების ფოტოებით, რომლებიც მშობიარობის შემდეგ იდეალურ ფორმაში არიან. ბევრი გოგონა ამის გამო ჭკუიდან იშლება, კოპლექსდება და შორს რომ არ წავიდეთ, მე თავად ვიყავი ასეთი. მშობიარობიდან 2 თვის შემდეგ ისევ ზედმეტი 10 კგ და კიდევ უფრო მეტი სიბრაზე და სასოწარკვეთა მქონდა. მე ჯანსაღი ბალანსის მომხრე ვარ - სილამაზისა და ბუნებრიობის. დამიჯერეთ, დილით ლამაზმანი არ ვიღვიძებ და პარასკევს საღამოობით აუცილებლად მივირთმევ საყვარელ პიცას“. ამბობს ბიანკა და იცინის, ის ხომ ჭეშმარიტი იტალიელია. „ლოს-ანჯელესი ცოტა ევროპელს მოსწონს, სხვაგვარად ყველაფერი უკვე აქ იქნებოდა. თუ არ მოგწონთ, ეს კარგია, დარჩით ევროპაში, ჩვენ მეტი შეგვხვდება. რა თქმა უნდა, იქ უფრო მდიდარი კულტურული ცხოვრება და ბევრი ხელოვნებაა. სამაგიეროდ აქ მოგონებები მექნება“ - ჰყვება მოდელი.

ანა ვერძაძე
23 სექ 2018
სილამაზე
ინსტაგრამი ახალმა ტრენდმა მოიცვა - გოგონები საყვავილეს საკუთარი თმით იკეთებენ და მასში ყვავილებს ათავსებენ. ეს ყველაფერი ვრცელდება ჰეშთეგით #FlowerVaseHair. ალბათ გესმით, რომ ამის გამეორება რთულია. მაგრამ ეს ინსტაგრამერებს არ აფერხებთ - მთავარია გამოჩნდეს ისეთი რამ, რითიც გამომწერებს გააოცებენ.

ახალი ტენდენციის ავტორი კანადელი ბლოგერი ტეილორია - @taytay_xx. მისი შთაგონების წყარო ამერიკული Vogue-ის სექტემბრის გარეკანი გახდა, რომელზეც ბიონსეს თავზე ყვავილებისგან დამზადებული ნამდვილი არტ-ობიექტი აქვს გაკეთებული. როგორც ტეილორმა დაწერა: „ ეს მთელი ბაღია, მე რაიმე უფრო მარტივი მსურდა - მაგ: საყვავილე“. როგორც კი ბლოგერმა საკუთარ ინსტაგრამზე ფოტო ჰეშთეგით განათავსა, მალევე მოჰყვა მეგობრებისა და უბრალოდ გამომწერების მიერ გადაღებული მსგავსი ფოტოები. 



ანა ვერძაძე
22 სექ 2018
მოდა

„არაფერი ისე არ ალამაზებს ქალს, როგორც რწმენა იმისა, რომ ის ლამაზია!“ სოფი ლორენი

22 სექ 2018
მოდა
გთავაზობთ ტოპ 10 საუკეთესო ქუჩის სტილის ფოტოს  ლონდონის მოდის კვირეულიდან.

































ასევე დაგაინტერესებთ:

TOP 7 ლუქი ლონდონის მოდის კვირეულიდან
საუკეთესო ქუჩის სტილის ფოტოები ნიუ-იორკის მოდის კვირეულიდან!
22 სექ 2018
სილამაზე
სკანდინავიელმა ლამაზმანმა Victoria’s Secret-ის ანგელოზის კარიერა არც თუ ისე დიდი ხნის წინ დაასრულა,
მაგრამ instagram-ზე თაყვანისმცემლებს მოტივაციისთვის ფოტოებს კვლავ აქტიურად უზიარებს. ორი შვილის დედას დღესაც ისეთივე მოხდენილი ფორმები აქვს, როგორც კარიერის დასაწყისში ჰქონდა.

სკეპტიკოსებისთვის დოუცენი პლაჟზე გადაღებული სტატიკური ფოტოების გარდა, მოძრაობისას გადაღებულ ფოტოებსაც აქვეყნებს. ისე რომ ყველამ, ვისაც მასში ეჭვი ეპარება გაიგონ, რომ ტელეფონში ფოტოშოფის მსგავსი არავითარი პროგრამა არ აქვს.

წლის ბოლოს ჟურნალის Love მიერ გამოქვეყნებული ვიდეოებიდან, კროსის ვიდეომ პოპულარობით ბელა ჰადიდის, სარა სამპაიოსა და სხვა ახალგაზრდა სუპერმოდელების ვიდეორგოლებს გაუსწრო. აღსანიშნავია, რომ თეძოებსა და დუნდულებზე დოუცენს მცირედი ცხიმიც არ აქვს, მუცელზე კი იდეალური პრესი მოუჩანს.

რაში მდგომარეობს 33 წლის მოდელის ფენომენალური მოხდენილობის საიდუმლო? რა თქმა უნდა, რეგულარულ ფიზიკურ ვარჯიშში. „ანგელოზების“ ხაზის დატოვების შემდეგ დოუცენი სპორტულ ფორმას კვლავ ინარჩუნებს. კვირაში არანაკლებ 4-5 დღისა კროსი ბოქსით, ფუნქციონალური ტრენინგით, გაწევებითა და პილატესითაა დაკავებული. სანაპიროზე ოჯახური დასვენების დროსაც კი ლამაზმანი ერთ ადგილას წამითაც არ ჩერდება: დარბის შვილებთან ერთად, ბევრს ცურავს ან ქმართნ ერთად ბადმინტონს თამაშობს.

Victoria’s Secret-ის ყოფილი „ანგელოზის“ რაციონი ასევე ფიზიკური დატვირთვის მიხედვითაა აწყობილი. მძიმე ფიზიკური დატვირთვის შემთხვევაში დოუცენი თავს უფლებას აძლევს ცოტაოდენი ნახშირწყლები მიიღოს, მაგ: ხორბლის პურისგან დამზადებული ტოსტი ავოკადოთი, შემდეგ აქტიურად იღებს ცილებს. ამასთან, ოჯახური ვახშმობისას შეუძლია თამამად მიირთვას პასტა და დალიოს ჭიქა წითელი ღვინო, სხვა დროს კი მისი მენიუს ძირითადი შემადგენელი პროდუქტია - ბოსტნეული, ქათამი, თევზი, ხილი და პროტეინები. ახლა უპერმოდელს იმაზე სრულყოფილი სხეული აქვს, ვიდრე კარიერის დასაწყისში ჰქონდა.
21 სექ 2018
სილამაზე
სამუშაო დღეებში დილით თავისუფალი დრო პრაქტიკულად არ არის. თავის დაბანა, გაშრობა და თერმოხვეულების გაკეთება კი მარტივი სულაც არ არის.
გთავაზობთ ინსტრუქციას, რომელიც დილის საათების დაზოგვასა და შესანიშნავი ვარცხნილობით გაღვიძებაში დაგეხმარებათ.

ტალღოვანი თმა
ჟიზელ ბიუნდჰენის ვარცხნილობით რომ გაიღვიძოთ საღამოს ნაწნავი გაიკეთეთ. თმას რაც უფრო მჭიდროდ დაამაგრებთ, მით უფრო წვრილი ტალღები იქნება. უფრო ბუნებრივი ეფექტისთვის შეგიძლიათ ორი ნაწნავის გაკეთება. დილით კი ბუნებრივ ტალღებს მიიღებთ, რომლებსაც მარტივად დაშლით თითებით და თმის ლაქით დააფიქსირებთ.

მოცულობა
ოცნებობთ, რომ დილით გაღვიძებისთანავე სასურველი მოცულობა იხილოთ? მაშინ უმჯობესია საღამოს მსხვილად შემოიხვიოთ თმა ბიგუდებზე. თმის ძირითად მასას კი შეგიძლიათ არ შეეხოთ, რათა ბიგუდებმა ძილის დროს დისკომფორტი არ შეგიქმნათ. ზედმეტი არ ქინება, თუ თმის ძირებს მუსით ან სპრეის საშუალებით დააფიქსირებთ.

ბუნებრივი ხვეულები
მარტივი და ლამაზი ხვეულების მისაღებად თმა დაგრიხეთ და მაღლა აიტანეთ, მაგრამ არა ძალიან მჭიდროდ, რათა დისკომფორტი არ შეგიქმნათ. ეს ხერხი სხვადასხვა დიამეტრის მსუბუქი და მოცულობითი ხვეულების მიღებაში დაგეხმარებათ.

მოკლე თმისთვის
მათ, ვინც მოკლე თმას ატარებს იციან, თუ რამდენად რთულია ძილის დროს ყველა მხარეს გაფანტული თმის დამორჩილება. დილით ძვირფასი დრო რომ დაზოგოთ აუცილებელია ბამბის ბალიშის გადასაფარებელი, ატლასის ან აბრეშუმის ზეწრით ჩაანაცვლოთ. ასეთი ზედაპირი ბუნებრივ ვარცხნილობას შეგინარჩუნებთ.

წვრილი ხვეულები
ზვრილი ხვეულების გაკეთება ქიმიური საშუალებების გარეშეც შეიძლება. ძილის წინ თმაზე ლოსიონი წაისვით. შემდეგ თმა თხელ ნაწილებად დაყავით და თითოეული ფრთხილად დაახვიეთ, დაამაგრეთ თმის სპეციალური სამაგრებით.

დამყოლი და ბზინვარე თმა
თუ ფუმფულა თმა გაქვთ, მაშინ საღამოს გაიკეთეთ თერმოდახვევა და თმა აბრეშუმის შარფით შემოიხვიეთ. სრიალა ქსოვილი თმის არევას ხელს შეუშლის, დილით კი დამყოლი და ბზინვარე თმით გაიღვიძებთ.
21 სექ 2018
მოდა
შემოდგომის მოდის ტენდენციები უამრავ შესაძლებლობას გვთავაზობს. ყოველთვის, ყველაზე მნიშვნელოვანი, რომელსაც ნამდვილად შეუძლია თქვენი „ლუქი“ განსაზღვროს ფეხსაცმელია. დიზაინერები ყოველ სეზონზე გვთავაზობენ ფეხსაცმლის დიზაინის ახალ მიმართულებებსა და ინტერპრეტაციებს, „Cowboy” სტილი იქნება ეს თუ კლასიკური შავი, ტენდენციურობას „Sock Boots-ი“ არც ამ სეზონზე კარგავს.
H&M - 59 $

CHARLES BY CHARLES DAVID - 139 $

CALVIN KLEIN 179 $
GIUSEPPE ZENOTTI - 840 $

MANGO - 129 $

SCHUTZ - 220 $

VETEMENTS - 552 $
20 სექ 2018
მოდა

ტრენჩი, პალტო, კარდიგანი, თითქოს უნივერსალური საბაზისო სამოსია, რომელიც კითხვებს არ აჩენს, მაგრამ street style-ის ექსპერტები ახალ და ზოგჯერ მოულოდნელ შეხამებას გვირჩევენ.