ყველა სიახლე

21 ოქტ 2020
მოდა
Hermès-ის კლოგები, Kenzo-ს გეტა, ქოვბოის ჩექმები Isabel Marant-ისგან, დიზაინერები აქტიურად იყენებენ ეროვნული კოსტიუმების ელემენტებს და არ უშინდებიან კულტურული აპროპრიაციის დადანაშაულებაში.



მოდის კვირეულების დასრულების შემდეგ დროა გავითვალისწინოთ აქტუალური ტრენდი ფეხსაცმელებშიც და ფინანსების ყველაზე სწორი ინვესტირება მოვახდინოთ საუკეთესო მოდელებში.



როგორც ჩანს 2020-ის შემოდგომა/ზამთარი და 2021-ის სეზონი სრული მრავალფეროვნებით გაგვანებივრებს, ნადეჟ ვანე-ციბულსკიმ ჰერმესიდან წლევანდელი კოლექციით შემოგვთავაზა მინიმალისტური კლოგების ტარება, პოდიუმზე გამოსული მოდელების შემხედვარე კი როგორც ჩანს კომფორტი გარანტირებული გვაქვს.
იზაბელ მარანმა კვლავ ექსპერიმენტისთვის ქოვბოის ჩექმები აიღო, რომელსაც ჟოლოსფერი შემატა, დაამშვენა ბისერებითა და ნაქარგით, კენზოს ახალმა კრეატიულმა დირექტორმა ფელიპე ოლივეირა-ბაპტისტამ კი მოდის სახლის ფესვებში გადაეშვა ინსპირაციისთვის და ტრადიციული გეტა სანდლების ხელახალი ვარიაცია შემოგვთავაზა.



სამივე მაგალითი ნაციონალური კოსტიუმის ელემენტებიდან არის აღებული, ჰოლანდიური, ამერიკული და იაპონური. კენზოსთან ყველაფერი გასაგებია, ბრენდი იაპონიდან არის და ფეხსაცმელიც იაპონურია, ხოლო იზაბელ მარანთან და ჰერმესთან კულტურულ მემკვიდრეობასთან დაკავშირებით შესაძლოა კითხვები გაჩნდეს, როგორც ჩანს დიზაინერებმა სხვისი კოდები გამოიყენეს თავის კოლექციებში რაც საკმაოდ ლამაზად და ელეგანტურად გამოუვიდათ.



ყურადღების გამახვილებას სამი მოდელის გარდა გირჩევთ კოპერნის სანდლებზე, და შანელის ლოფერებზე მონოგრამით, ხოლო „გლადიატორები“ მყარ ქუსლზე ქლოესგან საუკეთესო ინვესტირებაა, არ დაგავიწყდეთ ჰიბრიდი ფეხსაცმელები და ბოტასები მიუ-მიუსგან.

ლიდია ამარიანი
21 ოქტ 2020
სილამაზე
მოდის კვირეულების დასრულების შემდეგ ყველას ყურადღება ახალ ტრენდებზეა მიმართული რომელიც ჩანთების, ფეხსაცმლის, ტანისამოსის, ვარცხნილობების მსგავსად არანაკლებ აქტუალური თვალის მაკიაჟშიც არის.
ჩაინიშნეთ, რა გახდა შემოდგომა-ზამთარი 20/21-ის მნიშვნელოვანი ტენდენცია.



ნეფერტიტის მაკიაჟი


აბსოლუტური ჰიტი პოდიუმებიდან ნეფერტიტის თვალის მაკიაჟი აღმოჩნდა, რა თქმა უნდა დიორის, ქლოეს და ჯიამბატისტა ვალის მოდის სახლის მეიქაფ ვიზაჟისტებიც არ ჩამორჩნენ ახალ ტრენდს, პიტერ ფილიპსმა დიორის მაკიაჟის დემონსტრირება ჩვენების შემდეგ პირად ინსტაგრამ გვერდზეც მოახდინა, სადაც ნაჩვენებია მატე ლაინერის მეშვეობით როგორ უნდა გახადოთ თვალები მეტად მოცულობითი, კარგია რომ პერფექციონიზმი მაკიაჟის მოდაში არ არის, შესაბამისად უსწორმასწორი ისრები უადგილო არ იქნება.


წითელი ისრები


მაკიაჟი წითელ ფერში ხშირად შეგვხვდა პოდიუმზე, შანელმა თავისი მეიქაფ ხაზის პალიტრაც წითელი ფერებით გაამდიდრა, ფარა ჰომიდმა სალვატორე ფერაგამოს ჩვენებისთვის სწორედ იდენტური წითელი ისრები გაიმეორა.


კლასიკური შავი ისრები


აკურატული შავი ისრები 2021-შიც არ დაგვტოვებს, პეტ მაკგრატმა პაკო რობანისა და ვალენტინოს ჩვენებებზე მოდელები ლამაზი, შავი, კლასიკური ისრებით გამოუშვა. ტრადიციული ჰოლივუდური ისრები თვალის კუთხესთან წვრილი ხოლო თვალის დაბოლოებასთან მსხვილი ზოლით უნდა დასრულდეს.


თვალის ქვეშ კონტური


იზაბელ მარანტის ვიზაჟისტმა ლიზა ბატლერმა მოდელების თვალებს არა ზემოდან არამედ თვალს ქვემოთ გაუსვა ხაზი. სხვათაშორის ასეთი ხრიკი წამწამებს უფრო ხშირს წარმოაჩენს.


Smoke მაკიაჟი


შანელის ვიზაჟისტმა ლუჩია პიკამ მაკიაჟის ამ ვარიაციაზე შეაჩერა არჩევანი, თვალის ინტენსივობას სწორედ smoke eyes წარმოაჩენს, რომლის გამეორებაც საკუთარ თავზე რომანტიკული საღამოებზე სამზადისისად უდავოდ ღირს.

ლიდია ამარიანი
19 ოქტ 2020
მოდა
დროა თავით გადაეშვათ უდარდელ ბავშვობაში.
19 ოქტ 2020
კულტურა
ვირტუალური მოდის კვირეულებმა ფოტოგრაფებს საქმე შეუმცირა,
19 ოქტ 2020
მოდა
25 წლისთვის ჯაკმუსის რჩეულმა მამაკაცმა, ლეო უოლკმა მოახერხა Christine and the Queens-ისთვის გახმაურებული შოუების მოწყობა, გახდა Lacoste-ს ამბასადორი, ნილს კასტილონის მინი-ფილმებშიც მიიღო მონაწილეობა, ჩაერთო ჟაკმუსის პერფორმანსებსა და ACNE STUDIO-ს ჩვენებაში, შექმნა თავისი ტანისამოსის ხაზი.
14 ოქტ 2020
სილამაზე
თვის მნიშვნელოვანი ბიუთი-შენაძენი შემოდგომაზე კოსმეტიკის თაროებზე სიახლეებით მიმდინარეობს, რომელ საშუალებებზე ღირს ინვესტირება სინამდვილეში?



ჰაილაითერების პალეტი Backstage Glow Palette, Dior


ცნობილი ჰაილაითერი, რომელიც დიორის კრეატიულმა დირექტორმა მეიქაფში პიტერ ფილიპსმა, ამჯერად ახალი პალიტრით შეავსო. მთავარი ფერი კოლექციის ოქროსფერია. ტექსტურა კი იგივე დარჩა: ბზინვარე პიგმენტი პალეტში გელისმაგვარი სტრუქტურისაა. "ექსპერიმენტები ფერებით კანის შეფერილობის მიხედვით შემოდგომას განსაკუთრებით უხდება. ბზინვარება - აი რა გვჭირდება ამ სეზონზე" - განაცხადა ფილიპსმა.


პარფიუმერული წყალი Idôle L’Intense, Lancôme

მსოფლიოში ყველაზე თხელი ფლაკონი, რომელიც სამმა ნიჭიერმა პარფიუმერმა-ქალბატონმა შექმნა: შიამალა მეზონდე, ადრიანა მედინა და ნადეჟ ლე ჰარლატეზეკმა. ძირითადი კომპოზიცია ბრენდის სიმბოლო ვარდია, თუმცა შეხვდებით თაფლის არომატს გრასიდან და მწვანე აკორდებს ისპარტისგან. ცოტაოდენი ხის ნოტები, ჭადარი, აკაცია და სანდალიც არ დავიწყებიათ, დიზაინერებმა ახალი ფლაკონი მუქ ვარდისფერ მეტალისებრში გადაწყვიტეს, ხოლო ბრენდი სახე ისევ იგივე დარჩა - ზენდაია.


მკვებავი ღამის ბალმი თმისთვის Hair Rituel by Sisley

გამომშრალი და დაზიანებული თმა სასწრაფო აღდგენას საჭიროებს, სწორედ მკვებავი ბალმის შემქმნელებმა ერთ კვირიანი კურსი მთელი ღამით სისლეის ბრენდთან კოლაბორაციით შექმნეს, კერამიდების, ლიპიდების და ზეთების ფორმულა თმის სტრუქტურას აღადგენს, მის შემცველობაში მაკადამია და ბაბასუა. საჭიროა რეგულარულობა, გამოყენების ერთ თვეში უკვე საგრძნობლად შეიმჩნევა ეფექტი.


პარფიუმერული წყალი Voce Viva, Valentino

არომატი მოიფიქრა პიერპაოლო პიჩოლის სახლის კრეატიულმა დირექტორმა, შესაბამისად გასაკვირი საერთოდ არ იყო, რომ პარფიუმის სახე ლედი გაგა გახდა, რომლის ტემბრი აერთიანებს 44 მილიონ ადამიანს ჯერ მარტო მხოლოდ ინსტაგრამზე. ბერგამოტი, კოჭა და მანდარინი ციტრუსულ აკორდებს მატებს, ხოლო ვანილი საბაზისო არომატს სინაზეს სძენს.


ტონალური საცხი კუშონი Designer Cushion, Giorgio Armani


ტექსტურით ტონალური საშუალება თხელ ესენციას მოგაგონებთ, ხოლო სახეზე პუდრის მსგავსად ჯდება. ფორმულა 30% წყალს შეიცავს, ამასთანავე ჰიალურონის მჟავას, გლიცერინსა და SPF 50. ეს უზრუნველყოფს კანის მზისგან დაცვას და ტენიანობის შენარჩუნებას მთელი დღით.

ლიდია ამარიანი
14 ოქტ 2020
კულტურა
ყველა მოდის მიმდევარ გოგოს მოსწონს მოდის სამყაროში მოგზაურობა, რომელიც ექსპრესიულობით და საიდუმლოებებით არის სავსე.
14 ოქტ 2020
მოდა

2021 წლის მოდის კვირეულების განმავლობაში სტილის უამრავი ვარიაცია ვიხილეთ.

13 ოქტ 2020
სილამაზე
ვარცხნილობის ახალი ვარიაცია, რომელიც პოდიუმიდან დამკვიდრდება ყოველდღიურობაში.
12 ოქტ 2020
სილამაზე
როგორ მივიდნენ მეცნიერები ექსპერიმენტების შედეგად ახალ დასკვნამდე.



გაგიკვირდებათ, მაგრამ როგორც გაირკვა ბოტოქსი ებრძვის არამარტო ნაოჭებს, არამედ დეპრესიასაც. ამის შესახებ კვლევები გამოაქვეყნა Scientific Reports-მა, რაზეც CNN-მა ივლისის თვეში გააკეთა განცხადება.



კარგი სიახლეა, იმის გათვალისწინებით რომ ამ ეტაპზე აღრიცხული მსოფლიოს მოსახლეობიდან 264 მილიონი ადამიანი დეპრესიას განიცდის და სამკურნალოდ სხვადასხვა მეთოდს მიმართავს. ჯერ კიდევ შვიდი წლის წინ მეცნიერები ამტკიცებდნენ რომ ბოტოქსი შუბლის ზონაზე სახის არასასურველი მიმიკის გაქრობაში ეხმარება ადამიანებს რაც ცხოვრებისადმი პოზიტიურად განწყობას უზრუნველყოფს. თუმცა ასეთი თამამი განცხადებებისთვის საჭირო იყო რიგი მტკიცებულებები.
2020 წელს მეცნიერებმა ანალიზისთვის 45 000 ადამიანზე ჩატარებული ბოტოქსის პროცედურა ჩაინიშნეს, რომელთაც მიზნად რვა პუნქტი ჰქონდა დასახული: ნაოჭების გაქრობა, მიგრენის დაძლევა, ნერვული დაბოლოებების „შეტევების“ თავიდან მოშორება, ზურგის მიდამოში ტკივილის გაქრობა, ნერვული წიკების დავიწყება, ჭაროფლიანობის მოცილება, ნერწყვის გამოყოფის მინიმალიზირება და საშარდე სისტემის მოშლის დარეგულირება. როგორც გაირკვა, ემოციური მდგომარეობა პაციენტების დიდ ნაწილს გაუუმჯობესდა, რომლებმაც ინექციები შუბლის მიდამოში გაიკეთეს.


როგორც მეცნიერები მივიდნენ დასკვნამდე, მექანიზმი ბევრად რთულია, ვიდრე უბრალოდ კანის გასწორება, ბოტოქსი ტრანსპორტირებულ იქნა ცენტრალური ნერვული სისტემის სტრუქტურაში, რომელიც ადამიანის ემოციებსა და განწყობაზეა პასუხისმგებელი. ამასთანავე დეპრესიული მდგომარეობისთვის დამახასიათებელია კუნთოვანი ტონუსი. ბოტოქსის ინექცია ასუსტებს კუნთებს, რაც დადებითდ აისახება მკურნალობაზე. „ამ დაკვირვებებმა დაგვაფიქრა, რომ ჭარბოფლიანობა და ნერვული შეტევები სწორედ დეპრესიის ფიზიკური გამოხატულებაა, რომელთა განკურნების შედეგად ემოციური მდგომარეობა სტაბილურდება“ - განმარტავს Ascension Medical Group-ის დერმატოლოგი ჯეისონ რაიჰენბერგი, პროფესორი ტეხასის უნივერსიტეტიდან. ჩვენ კი ისღა დაგვრჩენია დავაკვირდეთ ამ თეორიის განვითარებას.

ლიდია ამარიანი