ფოტოგრაფ მარიანო ვივანკოს სილამაზის სიშიშვლე

რომელ ბრენდებთან თანამშრომლობს მსოფლიოში ერთ-ერთი წამყვანი ფოტოგრაფი, მარიანო ვივანკო?Zoom Huarache 2K4 Kobe
„Vogue“, „Harper's Bazaar“, „Muse Magazine“, „Dazed & Confused“, „Vogue Hommes Nippon“, „Numéro Homme“, „i-D“, „DSection Magazine“, „Hercules“ .. და ეს არასრული ჩამონათვალია.



მისი სიყვარულის ობიექტი შავ-თეთრი ფერებია, თუმცა მის ფერად ნამუშევრებსაც მრავლად იხილავთ.



მას სპეციფიური დამოკიდებულება აქვს ფოტოგრაფიასთან, რაც ფოტოებისთვის ნატურალიზმის მაქსიმალურად შენარჩუნების მცდელობაში გამოიხატება.

მისი ობიექტივი ძირითადად მიმ
ართულია მსახიობების, სპორტსმენების, მომღერლებისა და ვარსკვლავების მიმართ.



როგორც თავად ამბობს, მისთვის არ აქვს მნიშვნელობა რა ლოკაციაზე გადაიღებს ფოტოს, მთავარია, თავი კომფორტულად იგრძნოს.

წლების მანძილზე მარიანომ გადაიღო ისეთი ცნობილი ადამიანები, როგორიცაა: რიანა, ლედი გაგა, ნაომი ქემპბელი, სინდი კროუფორდი, ემა უოტსონი, რიკი მარტინი, ლაიონელ მესი, ევა მენდესი, დენიელ რედკლიფი, მირანდა ქერი, დონატელა ვერსაჩე, დოლჩე და გაბანა, ლანა დელ რეი, სემ სმიტი და სხვები.



მის მიერ გადაღებული სამი ფოტო ლონდონში, პორტრეტების ეროვნულ გალერეაშია დაცული. აქედან ერთ-ერთი სურათია : “a portrait of a young Lily Cole”.

მარიანო ვივანკო შემოქმედებითად აქტიური ადამიანია. მისი შემდეგი ინტერესის სფერო ფილმებია და მსახიობის როლიც მოურგია.



თავადაც ქმნის ექსპერიმენტული ხასიათის ვიდეოებს, რომელშიც თავის მოდელებს იღებს და ვიდეოს ფონად საყვარელ სიმღერას არგებს. აქცენტი ძირითადად ქალისა და მამაკაცის სიშიშვლის სილამაზეზეა გადატანილი. შეუძლებელია არ გაიფიქრო, რომ მარიანო სილამაზეს აშიშვლებს.

„ სიშიშვლე სიწმინდეა. „NUDE ART“ - გვაძლევს საშუალებას, წარმოვაჩინოთ წმინდა ფორმები.“ - განაცხადა მან.



აღსანიშნავია, რომ წიგნებიც გამოსცა მოდაზე, დიზაინერებსა და ფოტოგრაფიაზე. როგორც ჩანს, ეს არა თუ კარგად, არამედ გადასარევად გამოსდის, რადგან პრიზებმა და აღიარებამ არ დააყოვნა. 



მარიანო დაინტერესებულია რეტროსპექტივით, რაზეც მისი ფოტოებიც მეტყველებენ.



როდესაც ჰკითხეს, როდის დაინტერესდა ფოტოგრაფიით, მან უპასუხა: „მაშინ 16 წლის ვიყავი. ჩემ მეგობარს ფოტოაპარატი გამოვართვი და იმ წუთიდან ვეღარ შევძელი ვყოფილიყავი ფოტოგრაფიის გარეშე“.
like
2

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.