სინდი კროუფორდი შვილების აღზრდაზე, კარიერასა და იმაზე, თუ რამდენად მნიშვნელოვანია იყო ის, ვინც სინამდვილეში ხარ

90-იანი წლების ლეგენდარულ სუპერმოდელს, მიმდინარე წლის თებერვალში 52 წელი შეუსრულდა.
სინდი კროუფორდი შესანიშნავ ფორმაში ყოფნით საზოგადოების აღფრთოვანებას განაგრძობს და მოდელების ახალი თაობისთვის ნამდვილი ინსპირაციაა. გასულ დღეებში ვარსკვლავმა ამერიკულ გამომცემლობას, Тown
& Соuntrу ინტერვიუ მისცა, სადაც ღიად ისაუბრა იმაზე, რაც ახლა ხდება მის ცხოვრებაში.

დღესდღეობით სინდი ყველაზე მეტად საკუთარი შვილების კარიერითაა დაკავებული - 16 წლის კაია გერბერი და 18 წლის პრესლი გერბერი. როგორც კროუფორდი ამბობს, ახლა ის შვილებისთვის მენეჯერი დედა გახდა - აძლევს მათ მიმართულებას და აკვირდება, რომ ბავშვებს საკუთარი სტილი ჩამოუყალიბდეთ.



„ბავშვობაში კაიას ხშირად ვუღებდი ფოტოებს და მის შეცვლას არასდროს ვცდილობდი. ჩემთვის მნიშვნელოვანი იყო, რომ მას ესწავლა კამერების წინ ყოფილიყო ის, ვინც სინამდვილეშია. ახლა ჩვენებების წინ მე მას ხშირად ვეუბნები - ნუ შეგეშინდება შენი ხასიათის გამოვლენის. შესაძლოა ეს დღეს მოდური სულაც არ არის, მაგრამ ადამინებს მაინც უყვართ ინდივიდუალიზმი“.

ამჟამად კაია გერბერი ახალი თაობის სუპერმოდელებს შორის ერთ-ერთი ყველაზე მოთხოვნადი მოდელი და აღიარებული სტილის ხატია. პარიზის, ნიუ-იორკისა და მილანის მოდის კვირეულებზე კაიამ თითქმის ყველა ჩვენება გახსნა, რამაც მოდის საზოგადოებაში აჟიოტაჟი გამოიწვია. უმცროს დას, არც პრესლი გერბერი ჩამორჩება - მას კონტრაქტები აქვს ისეთ ბრენდებთან, როგორებიცაა Moschino, Burberry და Dolce & Gabbana.



„თუ შვილების კარგად აღზრდა გსურთ - ეს საკუთარი თავიდან დაიწყეთ. თუ შენ თავაზიანი ხარ - ისინიც თავაზიანები იქნებიან. როცა შენთვის პრიორიტეტული ოჯახია, მაშინ არც მათ გაუჩნდებათ კითხვა, თუ რა არის ცხოვრებაში ყველაზე მნიშვნელოვანი“.

სინდი ასევე გამოტყდა, რომ საკუთარი შვილების შეზღუდვას კვებასა და დღის განრიგში არასდროს ცდილობს. მათ ეს თავად ისწავლეს, რადგან მათი მთავარი მაგალითი დედაა. ამასთან, სუპერმოდელი მიიჩნევს, რომ მის შვილებს მასზე მეტად გაუმართლათ, რადგან საშუალება აქვთ სამოდელო ბიზნესით დაკავდნენ არა ფულისთვის, არამედ საკუთარი სიამოვნებისთვის.

ანა ვერძაძე

ასევე დაგაინტერესებთ: 

დედის ასლი? - შევადაროთ კაია გერბერისა და ახალგაზრდა სინდი კროუფორდის სტილი

"მე მაქვს ცელულიტი, ვაღიარებ, მაგრამ ბიკინის მაინც ვიცვამ" - 51 წლის სინდი კროუფორდი საცურაო კოსტიუმში გადაღებულ ფოტოს აქვეყნებს
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.