ახალი სახელი: რატომ გიჟდება მსოფლიო უმა თურმანისა და ითან ჰოუკის ქალიშვილზე?

მშობლებთან ერთად საზოგადოებაში ახალგაზრდა მაია ჯერ კიდევ 14 წლიდან გამოჩნდა - მაშინ, მას ხშირად ხედავდნენ მამასთან ერთად კინოპრემიერებზე და დედასთან ერთად მოდურ წვეულებებზე.
თუმცა ჰოლივუდის ცნობილი სახეების სხვა შვილებისგან განსხვავებით
მაია კინოკარიერის მოწყობას არ ჩქარობდა. და მაინც, წლების შემდეგ ის, როგორც იქნა შეამჩნიეს. ახლა გოგონა სერიალის „ძალიან უცნაური საქმეები“ მესამე სეზონში გამოჩნდა. სტატიაში კი გაეცნობით ყველაფერს იმაზე, თუ რატომ გაგიჟდება მალე მსოფლიო ამ ახალგაზრდა გოგონაზე.

მშობლებთან ურთიერთობა
მიუხედავად იმისა, რომ უმა თურმანი და ითან ჰოუკი ერთმანეთს მაიას დაბადებიდან 3 წლის შემდეგ დაშორდნენ, მსახიობი ცდილობს ქალიშვილს დიდი დრო დაუთმოს, ამიტომ გოგონას მამასთან კარგი ურთიერთობა აქვს. მაიას სწორედ მამამ ურჩიე კინოინდუსტრიაში ეცადა ბედი, უმა კი დიდი ხნის მანძილზე ამის წინააღმდეგი იყო. ახლა მაია მშობლებისთვის ნამდვილი სიამაყეა.



წარმოშობით ჰოლივუდიდან არ არის
მაიას ბავშვობა, სხვა ჰოლივუდელთა შვილებისგან განსხვავდებოდა. საქმე იმაშია, რომ მაშინ ის დედასთან ერთად მანჰეტენზე ცხოვრობდა, საზაფხულო არდადეგებს კი ვუდსტოკში, ოჯახურ ფერმაში ატარებდა. სწორედ ამიტომ „ბინძური ფაბრიკა“ გოგონასთვის მანამდე იყო უცნობი, სანამ ის დედასთან ერთად წითელ ხალიჩაზე, 13 წლის ასაკში გამოჩნდებოდა.



მოდელობიდან მსახიობობამდე
მაიას პირველი გადაღება კინოში სულაც არ ყოფილა, არამედ ბრენდის AllSaints სარეკლამო კამპანიაში, გასულ წელს: მის მიმართ დაინტერესება მალევე გაჩნდა. მოგვიანებით Calvin Klein-ის საცვლების რეკლამაში გადაიღეს.

რეჟისორები მას უკვე აღმერთებენ
პირველი დიდი რეჟისორი, რომელმაც გოგონაზე ყურადღება გაამახვია, სოფია კოპოლა გახლდათ, რომელსაც Disney-მ „ქალთევზას“ ეკრანიზაცია შეუკვეთა. თავდაპირველად, სოფია მთავარ როლზე სწორედ მაიას ხედავდა, თუმცა დიდი ხნის ფიქრის შემდეგ, გადაწყვიტა, რომ არიელის როლის მიცემა ახალგაზრდა ჰოუკისთვის, ზედმეტად დიდი რისკი იქნებოდა.



დიზაინერის მუზა
მაიას ზაკ პოუზენიც აღმერთებს და მისთვის უნიკალურ სამოსს კერავს. სწორედ მისი წყალობით შეიყვარა მაია მოდის მთელმა ინდუსტრიამ.


პირველი როლი კინოში
მაიასთვის ნამდვილი გარღვევა აღმოჩნდა სერიალი „პატარა ქალები“, რომელიც ცოტა ხნის წინ გამოვიდა. გოგონას 15 წლის ჯო მარჩის როლი ერგო. კრიტიკოსებმა მაიას კინოში დიდი მომავალი მაშინვე უწინასწარმეტყველეს.



„ძალიან უცნაური საქმეები“
ბოლო წლების ყველაზე პოპულარული სერიალის „ძალიან უცნაური საქმეები“ შემქმნელებმა მესამე სეზონის რამდენიმე საიდუმლო გაამხილეს, რომლის პრემიერა 2019 წლის გაზაფხულზე იგეგმება. აღმოჩნდა, რომ ერთ-ერთ მთავარ როლს, სწორედ მაია შეასრულებს და მისი გმირი გახსნის სეზონის მთავარ საიდუმლოს.


დიდი მომავალი
შეიძლება მხოლოდ ვივარაუდოთ, თუ რამდენად დიდი პოპულარობა ელის მაიას „ძალიან უცნაური საქმეების“ გამოსვლის შემდეგ: როგორც ჩანს, სერიალის მთავარ ვარსკვლავს გაწითლება მოუწევს.



ანა ვერძაძე

ასევე დაგაინტერესებთ:

უმა თურმანის ყოფილმა ქმარმა შოკისმომგვრელი განცხადება გააკეთა

შვილიშვილში გაცოცხლებული ოდრი ჰეპბერნი (ფოტო)

დედა თუ ქალიშვილი: სინდი კროუფორდი 1996 წ. VS კაია გერბერი 2017 წ. Chanel-ის ჩვენებაზე
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.