რატომ დონატელა ვერსაჩე - 1990-იანი წლების მთავარი ხატი

ყველაზე ხმაურიანი წვეულებების ვარსკვლავობიდან ერთ-ერთი ყველაზე მსხვილი მოდის სახლის მმართველამდე - დონატელა ვერსაჩემ მისი ლეგენდარული ძმის ჩრდილიდან გამოსასვლელად გრძელი გზა გაიარა.
მისი 63-ე დაბადების დღის აღსანიშნავად დონატელას თამამად შეიძლება ვუწოდოთ,
როგორც დიზაინერი, ასევე სტილის ხატი.


მინიატურული ფიგურა, უცვლელი შავი ტყავი, გაღიავებული თმა - რთული წარმოსადგენია უფრო შესაფერისი არქეტიპი იტალიურ სტილში, ვიდრე დონატელა ვერსაჩე. მისი სტილის აყვავების აპოგეა 1990-იან წლებში მოვიდა - ყველას გვახსოვს დონატელა ოქროსფერ ან ვერცხლისფერ კაბებში გამოწყობილი.



ეს იყო დრო, როცა ის საკუთარი ძმის, ჯანისმხარ და მხარ მუშაბდა. მის მეგობრებს შორის იყვნენ პოპ-ვარსკვლავები, ცნობილი მსახიობები და, რა თქმა უნდა, სუპერმოდელები. სწორედ 90-იან წლებში დაიწყო დონატელამ თავის წარმოჩენა დიზაინერის ამპლუაში - პირველად მან Versus სახლის მეორე ხაზისთვის შექმნა კოლექცია, ჯანის სიკვდილის შემდეგ კი Versace-ზე სრული პასუხისმგებლობა საკუთარ თავზე აიღო.



მსახიობმა რუპერტ ევერეტმა ერთხელ ის დაახასიათა, როგორც: „ქერა კამიკაძე შავ ტყავსა და უმაღლეს ქუსლებზე“. უფრო ზუსტი დახასიათების მოფიქრება რთულია: ის ერთნაირად თავდაჯერეულად გრძნობდა თავს სუპერმოდელებსა და სამეფო წარმომადგენლებს შორის, ხოლო 1990-იან წლებში ყველაზე მხიარულ წვეულებებზე „გამოსვლებში მის პარტნიორებს“ შორის იყვნენ ელტონ ჯონი და მადონა, კარლ ლაგერფერდი და მარკ ჯეიკობსი.



ძმის სიკვდილის შემდეგ 1997 წელს დონატელას 800 მილიონიანზე მეტი მოდის იმპერიის სათავეში ჩადგომა მოუხდა. მიუხედავად უმძიმესი დანაკარგისა, მან თავის ხელში აყვანა მოახერხა და ტრაგედიიდან 3 თვის შემდეგ Versace-თვის მისი პირველი დამოუკიდებელი კოლექცია წარმოადგინა.



კიდევ 2 თვეში მან კვლავ დაიწყო ვარსკვლავურ ღონისძიებებზე გამოჩენა, მეტროპოლიტენ-მუზეუმში ჯანი ვერსაჩესადმი მიძღვნილი გამოფენის გახსნის ცერემონიაზე მთავარი სტუმარი გახდა. ეს ყველაფერი მისი შინაგანი სიძლიერის მტკიცებულებაა, რაც მის ეფექტურ სტილში ხშირად ჩანს კიდეც.



ანა ვერძაძე


ასევე დაგაინტერესებთ:

ეს ყველაფერი მასზეა: ჯანი ვერსაჩეს სამყარო

ორი ნაკადი: ძველი და ახალი თაობის ტოპ-მოდელები ვერსაჩეს ახალ ვიდეოტრიბიუტში



like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.