შარლიზ ტერონი: „მრავალშვილიანი მშობლების არ მესმის“

გასულ კვირას ახალი ფილმის „Tully” პრემიერა გაიმართა, რომელშიც მთავარ როლს შარლიზ ტერონი ასრულებს.

ჰოლივუდის ვარსკვლავი ფილმში მარტოხელა დედის როლს ასრულებს.

ბოლო რამდენიმე დღეა შარლიზი სატელევიზიო შოუების სასურველი სტუმარი გახდა, სადაც 42 წლის მსახიობი გულწრფელად პასუხობს წამყვანების შეკითხვებს.

რამდენიმე დღის წინ, ის „ელენ დეჯენერესის შოუს“ ეწვია, სადაც შვილებსა და დედობაზე საკუთარ შეხედულებებზე ისაუბრა. ტერონის თქმით, მას არ სურს მრავალშვილიანი დედა იყოს, რამდენადაც ეს როლი მასთან ახლოს არ არის.

„მრავალშვილიანი დედების არ მესმის და დიდიხანია გადავწყვიტე, რომ ეს ფორმატი ჩემთვის შეუფერებელია. მე
არასდროს განვსჯი, რადგან აშკარაა, რომ მათ ეს მდგომარეობა მოსწონთ. მაგრამ ეს ჩემი ნამდვილად არ არის“.

აღსანიშნავია, რომ შარლიზი მარტო ზრდის ქალიშვილ ავგუსტსა და ვაჟ ჯექსონს. როგორც შარლიზი აცხადებს, ბავშვებმა მას ბევრი რამ ასწავლეს, მაგრამ საკუთარ ხასიათზე მუშაობას კვლავ აგრძელებს.



„ბავშვების გაჩენასთან ერთად უფრო მომთმენი გავხდი, თუმცა საერთო ჯამში მე ძალიან ემოციური ადამიანი ვარ. მაგრამ მესმის, რომ შვილებისთვის თავი უნდა შევიკავო“.

ვასრკვლავის ყოფილი მამაკაცი, შონ პენი ჰყვებოდა, რომ მიუხედავად ანგელოზური გარეგნობისა, შარლიზს ფეთქებადი ხასიათი აქვს, რომლის კონტროლიც უჭირს.

შეგახსენებთ, რომ ტერონი და პენი 2015 წელს, 2 წლიანი ურთიერთობის შემდეგ დაშორდნენ. მას შემდეგ შარლიზმა თავი მთლიანად დედობასა და კარიერას მიუძღვნა.

ანა ვერძაძე
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.