პოპის დედოფალი მადონა 60 წლის გახდა!

დღეს პოპის დედოფალ მადონას 60 წელი შეუსრულდა. მომღერალი რომლის სრული სახელიც მადონა ლუიზა ჩიკონეა, დაიბადა აშშში, მიჩიგანის შტატში და მოგვაინებით 1977 წელს ნიუ-იორკში გადავიდა საცხოვრებლად, სადაც თანამედროვე ცეკვების სფეროში კარიერით
დაკავდა. 1982 წელს მადონამ ერთ-ერთ ხმის ჩამწერ სტუდიასთან გააფორმა კონტრაქტი. მას მოჰყვა მთელი რიგი წარმატებული ალბომები. მადონას სადებიუტო ალბომი „Like a Virgin” მსოფლიოს მასშტაბით 21 მილიონ ასლზე მეტია გაყიდული. მადონა თითქმის 40 წელია არ კარგავს პოპულარობას და ყოველთვის მსფოლიოს ახალ და ინოვაციურ პროდუქტს სთავაზობს.



მმომღერალს ასევე მონაწილეობა აქვს მიღებული სხვადასხვა ფილმში. მან საუკეთესო ქალის შესრულებული როლისთვის ფილმ „ევიტაში“ ოქროს გლობუსიც კი მიიღო. პოპის დედოფალი ყველა დროის ყველაზე გაყიდვადი ქალი შემსრულებელია მსოფლიოში. მას 300 მილიონზე მეტი ციფრული ჩანაწერი აქვს გაყოდული პლანეტის მასშტაბით. ასევე მადონა პირველი ქალი მომღერალი იყო, რომლის ქონებამაც 1 მილიარდ ამერიკულ დოლარს გადააჭარბა. ასევე პოპის დედოფალს ეკუთვნის ყველაზე მაღალშემოსავლიანი ტურნე ვიდრე ნებისმიერ ქალ მომღერალს. მადონას თავისი 28 გრემის ნომინაციიდან ჯილდო აქვს მიღებული 7 ჯერ. ალბათ წარმოუდგენელია ჩამოვთვალოთ მისი მთელი რიგი აღიარებები და წოდებები.



მადონამ წელს გადაწყვიტა დაბადების დღე მაროკოში მდებარე მარაკეშში აღენიშნა. მომღერალმა გუშინ ღამიდანვე დაიწყო სადაბადებისდღეო წვეულება. ჯერ ვერაფერს გეტყვით დაწვრილებით, ვნახოთ როგორ გაგრძელდება პოპის დედოფლის 60 წლის იუბილე და რამდენ დღეს გასტანს მისი ზეიმობა. შეგახსენებთ შარშან მადონას დაბადებისდღის წვეულებამ თითქმის 1 კვირას გასტანა.





ასევე დაგაინტერესებთ:

პოპის დედოფალი, უბერებელი მადონა Vogue-ის გარეკანზეა!
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.