„ვწყევლიდი ყველაფერს, რაც ამქვეყნად არსებობს“: ვარსკვლავების მოგონებები მძიმე მშობიარობაზე

მერაია ქერი
2011 წლის აპრილში, ხელოვნური განაყოფიერების მეშვეობით მერაია ქერი დაფეხმძიმდა და ტყუპები, მოროკანა და მონრო გააჩინა. მომღერალს რთული ფეხმძიმობა ჰქონდა, ამიტომ მშობიარობის შემდეგ მომღერალმა განაცხადა, რომ შვილების ყოლა აღარ
სურს.
“მე გესტაციური დიაბეტი მქონდა, მაღალი არტერიული წნევა, და ყველაფერი, რაც სიცოცხლეს საფრთხეს უქმნიდა და რომლის მოსმენის სურვილიც კი არ გექნებათ“ - ჰყვება ქერი.


კიმ კარდაშიანი
2013 წლის გაზაფხულზე კიმს ქალიშვილი, ნორტი შეეძინა, ორი წლის შემდეგ კი ვაჟი სეინტი. მესამე შვილი კი კიმისა და კანიე ვესტისთვის სუროგატმა დედამ გააჩინა. ორი რთული ფეხმძიმობისა და მშობიარობის შემდეგ, კიმს იგივეს გამოცდა აღარ სურდა. მეორე მშობიარობამდე ცოტა ხნით ადრე, ის გამოტყდა, რომ ფეხმძიმობა მის ცხოვრებაში ყველაზე ცუდი ეტაპია: „ხშირად ახალგაზრდა დედები ფეხმძიმობის ცუდ მხარეებზე არ საუბრობენ. მაგრამ თქვენ იცით, რომ მშობიარობის შემდეგ 2 თვის განმავლობაში ჩვენ პამპერსების ტარება გვიწევს?“
„ბავშვის გაჩენის შემდეგ პლაცენტა გარეთ უნდა გამოვიდეს. მაგრამ გაიჭედა. მსგავსი შემთხვევა ძლიერ სისხლდენას იწვევს, რასაც ხშირად ქალის სიკვდილი მოჰყვება. ჩემს შემთხვევაში ეს საშინელება იყო. პლაცენტას გამოსაღებად ექიმს თითქმის იდაყვამდე ჩემში ხელის შეყოფა მოუხდა. ეს წარმოუდგენლად მტკივნეული რამ იყო“ - იხსენებდა კიმი მეორე მშობიარობის შემდეგ.


მადონა
2000 წელს მადონას მეორე შვილი, ვაჟი როკო შეეძინა, რომლის მამაც ბრიტანელი რეჟისორი გაი რიჩი გახლავთ. მომღერალს ნაადრევი მშობიარობა დაეწყო: მადონას პლაცენტა მოწყდა და დაეწყო სისხლდენა. საავადმყოფოში არტისტს სასწრაფო საკეისრო კვეთა ჩაუტარდა.


ქსენია სობჩაკი

„ბუნებრივი გზით ვიმშობიარე და ამ ქვეყნად ყველაფერს ვწყევლიდი. ფეხმძიმობა კარგი მქონდა, მაგრამ მშობიარობა ძალიან რთული იყო. კარგია, რომ ეს ყველაფერი მალე გავიწყდება“ - გამოტყდა სობჩაკი.


მეგან ფოქსი
პირველ მშობიარობას მეგანი შიშით იხსენებს: ვფიქრობდი, რომ ძლიერი ვიქნებოდი. ექთნები კი იტყოდნენ: „ის ომების დედოფალია! მას ანესთეზია არ სჭირდება. ის შესანიშნავია!“ მაგრამ, როგორც კი მანქანიდან გადმოვედი, ვყვიროდი და ეპიდურულ გაუტკივარებას ვითხოვდი. ჩემს დაცვასაც კი ანესთეზიის გაკეთებას ვთხოვდი“.


მირანდა კერი

„რაღაც მომენტში დარწმუნებული ვიყავი, რომ მოვკვდებოდი, შემდეგ კი უბრალოდ ვეღარ ვგრძნობდი მთელს სხეულს. მაგრამ ტკივილი მაშინვე დაბრუნდა და ის იმდენად ძლიერი იყო...“


ევანჯელინ ლილი
„მე და ჩემმა ქმარმა გადავწყვიტეთ, რომ სახლში ვიმშობიარებდი, რადგან გვინდოდა ყველაფერს ბუნებრივად ჩაევლო. მოკლედ, ეს იყო 30 „ბუნებრივი“ საათი, რომლისგანაც 8 საათი ვიჭინთებოდი ყოველგვარი ტკივილგამაყუჩებლის გარეშე. მე ვბოდავდი. და როცა საბოლოოდ ჩემი ვაჟი ქვეყანას მოევლინა, აღარაფერი მიხაროდა, ჩემთვის სულერთი იყო“. 2015 წელს მსახიობმა მეორე შვილი საავადმყოფოში, ექიმების მეთვალყურეობის ქვეშ გააჩინა.
ანა ვერძაძე
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.