რატომ თქვა ჟიზელ ბუნდჰენმა Victoria’s Secret -ის ანგელოზობაზე უარი? - მასთან ერთად ბრენდის ისტორიაში ყველაზე შთამბეჭდავი ეტაპი დასრულდა

თვეზე ცოტა მეტი ხნის წინ თანამედროვეობის ყველაზე მდიდარმა და წარმატებულმა მოდელმა, ჟიზელ ბუნჰენმა მემუარები გამოაქვეყნა, რომლის ნაწილიც Victoria’s Secret -თან თანამშრომლობას ეძღვნება. ჟიზელი იხსენებს 1990-იან წლებსა და მისი ტრიუმფალური კარიერის
გზის დსაწყისს. „მაშინ ფოტომოდელად ვმუშაობდი, Victoria’s Secret -ი კი ის კომპანია იყო, რომელიც კატალოგებს იღებდა. 19 წლის გოგონასთვის მათთან კომერციული კონტრაქტის გაფორმება დიდი წარმატება გახლდათ“. ის გამოტყდა, რომ ასეთი სტაბილური ფინანსური შემოსავლის გამო ძალიან ბედნიერი იყო - Victoria’s Secret -თვის გადაღება მისი წლიური შემოსავლების 80%-ს შეადგენდა.

მაგრამ დროთაგანმავლობაში ბუნდჰენმა ამ სამსახურთან მიდგომა შეცვალა. „პირველი 5 წლის განმავლობაში ყველაფერი არაჩვეულებრივად იყო - საცვლებში პოზირებისას თავს სრულიად თავდაჯერებულად ვგრძნობდი. მაგრამ დროთაგანმვლობაში სულ უფრო ნაკლებად კომფორტულად ვგრძნობდი თავს ბიკინიში გადაღებისა და პოდიუმზე სტრინგებით გამოსვლისას“. ბრაზილიელმა მოდელმა ორგანიზატორებს სპეციალური მოსასხამები ან ფრთები მოსთხოვა, რათა სხეულის მცირე ნაწილი მაინც დაეფარა.

2006 წელს ქალის თეთრეულის სახელგანთქმულმა ბრენდმა ბუნდჰენს კონტრქტის გაგრძელება შესთავაზა. „მე ძალიან მადლიერი ვიყავი ამ შესაძლებლობისა და ფინანსური მხარდაჭერისთვის, მაგრამ ჩემი ცხოვრება სხვაგვარად განვითარდა და დარწმუნებული არ ვიყავი, რომ გაგრძელების სურვილი მქონდა“ - ასე აღწერს მოდელი საკუთარ მდგომარეობას. მაშინ მან ბედის გამოცდა გადაწყვიტა. ხელში ორი ფურცელი აიღო: ერთზე დაწერა „დიახ“, მეორეზე „არა“. ჩაყარა ისინი ცარიელ ჭურჭელში და თვალდახუჭულმა ერთ-ერთი მათგანი ამოიღო. ფურცელზე ეწერა „არა“. „ეს სწორედ ის პასუხი იყო, რომლის მოსმენაც ჩემს სხეულს სურდა“ - განმარტავს ბუნდჰენი. 2007 წელს მოდელმა ბრენდთან კონტრაქტი დაასრულა, მასთან ერთად კი ბრენდის ისტორიაში ყველაზე შთამბეჭდავი ეტაპიც დასრულდა.

ანა ვერძაძე
like
0

კომენტარები

ინნა 2018-11-10 10:01
თუ უნდათ შთამბეჭდავი ეტაპი ჩვენი მშვენიერი თაკო ნაცვლიშვილი უნდა აიყვანონ, ამაზე ლამაზიცაა და მომხიბვლელი

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.