ჟიზელ ბუნდჰენის სილამაზის საიდუმლო

ჯიზელ ბუნდჰენის სილამაზის მტავარი საიდუმლო ჯანსაღი ცხოვრების სტილსა და სწორ კვებას მოიცავს:

ვიტამინების საუზმე

დილის 6 საათზე გაღვიძებისთანავე ჟიზელი თბილ ლიმნიან წყალს სვამს: ეს აღვიძებს ორგანიზმს და მომნელებელ სისტემას არეგულირებს. ჟიზელისთვის იდეალური საუზმეა - ახალი ბოსტნეული და ხილი. მას უმატებს კვერცხს, პურს გლუტენის გარეშე, ქოქოსის ზეთსა და ავოკადოს.

ჯანსაღი წასახემსი

ხემსის სახით ჟიზელს უყვარს სეზონური ხილი და კენკრა. ჟიზელის თეფშზე ყოველთვის იპოვით მარწყვს, ჟოლოს, მაყვალს, მოცვსა და კივს - მათ ის საკუთარ ბაღში აგროვებს.

სუპერფუდები

ჟიზელისა და მისი ოჯახის რაციონის
დიდ ნაწილს სასარგებლო სუპერფუდები შეადგენს - კინოა, ყავისფერი ბრინჯი, პარკოსნები, რასაც მოდელი ქოქოსის ზეთით ამზადებს. მის სახლში მკაცრადაა აკრძალული თეთრი შაქარი და თეთრი ფქვილი.

წითელი ხორცი შეზღუდული რაოდენობით

ჟიზელი წითელ ხორცს თვეში ერთხელ ამზადებს. რაციონის ძირითადი შემადგენლები გახლავთ - ხილი, ბოსტნეული, მარცვლეული, ნიგოზი, თევზი და ფრინველის ორგანული ხორცი.

ადრეული ვახშამი

ჟიზელი ცდილობს 6 საათზე გვიან არ ივახშმოს. ასე ორგანიზმი დაძინებამდე ახერხებს საკვების მონელებას და თავს ბევრად უკეთ გრძნობთ. მოდელი უკვე მრავალი წელია ამ წესით ცხოვრობს და აღიარებს, რომ ეს მისი სილამაზის ერთ-ერთი მთავარი საიდუმლოა.

დეტოქსი წელიწადში ორჯერ

წელიწადში ორჯერ ჟიზელი ორგანიზმს დეტოქსს უწყობს, მხოლოდ სასარგებლო წვენებსა და სმუზებს იყენებს. ამ პერიოდში ის ბევრჯერ მიმართავს მედიტაციას: „სხეულის მდგომარეობა ძალიანაა დამოკიდებული გონებისა და სულიერ მდგომარეობაზე“.
ანა ვერძაძეNike x Fragment Women
like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

მსგავსი სიახლეები