ანჯელინა ჯოლი კრემისფერ პალტოებს აღმერთებს

ანჯელინა ჯოლიმ ჭეშმარიტად გრძელი გზა გაიარა სექსუალური ლარა კროფტისა და სკანდალების მოყვარულისგან გაეროს კეთილი ნების ელჩსა და მრავალშვილიან დედამდე. გასაკვირი არაა, რომ ამ ტრანსფორმაციებთან ერთად იცვლებოდა მსახიობის სტილიც. თავშეკავებულობის გზაზე მისი ერთ-ერთი ერთგული თანამგზავრი სადა, კრემისფერი პალტო გახდა, რომელსაც ჯოლი რეგულარულად ატარებს სეირნობის დროს, პრესკონფერენციებსა და ფოტოკოლებზე.

დარწმუნებულები ვართ, რომ ერთი ასეთი პალტოსთვის მაინც მოიძებნება ადგილი თქვენს გარდერობში, რადგან ეს აბსოლუტურად უნივერსალური სამოსია, რომელიც მრავალი წელი თქვენს სამსახურში იქნება.

ყველაზე ხშირად ანჯელინა ჯოლი ასეთ პალტოებს თხელ ქიშმირისა და ნაქსოვ მონოქრომულ
კომპლექტებს უხამებს. თქვენ შეგიძლით მსახიობისგან მაგალითი აიღოთ და მონოქრომულ ექსპერიმენტებს მიმართოთ, თუმცა არც მაშინ იქნება ურიგო, თუ მსგავს კლასიკურ პალტოებს უფრო თავისუფალ სტილს მოარგებთ.

ანა ვერძაძე
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.