დაბერდი ლამაზად: იზაბელა როსელინის 6 რჩევა

65 წლის მსახიობი იზაბელა როსელინი ცნობილია არა მხოლოდ სამსახიობო ნამუშევრებით, არამედ კოსმეტიკურ გიგანტთან Lancome, მრავალწლიანი თანამშრომლობითაც.
ამ ფრანგული ბრენდის წარდგენა პირველად მას 1980 წელს ანდეს, როცა იტალიელი მსახიობი 30 წელზე მეტი ხნის გახლდათ. დღეს ისინი კვლავ ერთად არიან და როსელინი ამტკიცებს, რომ ასაკი სილამაზისთვის დაბრკოლებას არ წარმოადგენს. ის თავად გვიამბობს, როგორ უნდა დაბერდეთ ღირსეულად.




კანის მოვლა

კრემების გამოყენება ჯერ კიდევ ახალგაზრდობაში დავიწყე. ვიყენებდი კანის, თვალების ქვეშ წასასმელ და მზისგან დამცავ საშუალებებს. ყველა ქალისთვის მნიშვნელოვანია, არ უგულებელყოს SPF-დაცვა.

კოსმეტიკური პროცედურები

ჩემი
გადაწყვეტილებაა - არაფერი გავიკეთო. შეხედეთ სიმონა სინიორესა და ანა მანიანის ფოტოებს - ისინი ლამაზები არიან ძალიან დიდ ასაკშიც. ბოტოქსის გაკეთების საშუალებასაც ჩემი ფილოსოფია არ მაძლევს. ერთის მხრივ ვინარჩუნებ ფორმას, ვიღებ ორგანულ საკვებს, მაგრამ ამასთან ჩემს სახეში შხამს ვუშვებ, რომელიც ჩემს კუნთებს პარალიზებულს ხდის, თუნდაც მცირე დოზით?






პოზიტიური განწყობა

ასე მგონია, პოზიტიური განწყობა ჩემი ნაწილა და ხალისიანი დავიბადე.ყოველთვის მადლიერი ვიყავი ცხოვრების მიმართიმისათვის, რაც მაქვს. ბუნებრივია, როგორც ნებისმიერი ქალი სარკეში ჩახდვისას შესაძლოა რაღაცით უკმაყოფილო ვიყო, მაგრამ ეს იმას არ ნიშნავს, რომ მაშინვე ცუდ ხასიათზე უნდა დავდგე. დიახ, როცა ჩემს ყელს ვყურებ ჭკუიდან ვიშლები, მაგრამ საკუთარ თავს მაშინვე ვუმეორებ, ტუჩებზე პომადა ხომ ჯერ კიდევ კარგად გამოიყურება.

ჩაცმა ასაკის შესაბამისად

ასაკის შესაბამისად ჩაცმა, ელეგანტურად, თუ თავშეკავებულად - ეს ყველაფერი იარლიყებია. შეხედეთ აირის აპფელს, რომელიც გიჟურ აქსესუარებსა და მკვეთრ პრინტებს ატარებს, ვიღაც კი თავს მინიმალისტურ სამოსში გრძობს კომფორტულად. ვფიქრობ, სამოსი თქვენს პიროვნებას უნდა ასახავდეს, მასში თავს კომფორტულად უნდა გრძნობდეთ. ელეგანტურობა ჩემთვის ინდივიდუალიზმი და საკუთარი აზრის ქონაა, სხვა დანარჩენი კი უმნიშვნელოა.



ქალური სოლიდარობა

ჩემთვის მნიშვნელოვანია სიახლოვე ქალიშვილთან ურთიერთობაში, შთამომავლებთან კავშირი გვეხმარება ხელი პულსზე გვეჭიროს. უფროსი ქალიშვილი ელეტრე 10 წლის იყო, როცა უმცროსი ბიჭი - რობერტო გაჩნდა. პრაქტიკულად 30 წლის მანძილზე შეუსვენებლად თავს ვგრძნობდი დედად, რომელიც გამუდმებით ვიღაცაზე უნდა ზრუნავდეს და უვლიდეს მას. ბავშვები რომ გაიზარდნენ სიცარიელის განცდაც კი დამეუფლა, მაგრამ ამ დროს ჩემი ქალიშვილი გახდა დედა და ჩვენი კავშირი კვლავ გაძლიერდა.




ცნობისმოყვარეობაზე

ცნობისმოყვარეობა - ისაა, რაც ჩემს ცხოვრებას ავსებს და საინტერესოს ხდის. ეს ისაა, რაც ასაკზე დამოკიდებული არ არის. რითიც არ უნდა ვიყო დაკავებული - კინოში გადაღება, ცხოველების ცხოვრების შესწალა, თუ სცენარების წერა, ყველაფერს ინტერესით ვაკეთებ. საკუთარ თავს ვეკითხები: „და რა იქნება, თუ...“. ჩემი შინაგანი ინტერესი ყოველთვის უფრო მთავარია, ვიდრე გარეგნული წარმატება, რომელიც შესაძლოა გაგყვეს, შესაძლოა - არა.

ანა ვერძაძე
like
0