ვარსკვლავები რომლებიც ვერ იტანენ პოპულარობას

ბევრი ფული, სელებრითი მეგობრები, მილიონობით ფანები, ფოტოსესიები - ეს მცირე ჩამონათვალია იმისა, რაც ცნობილ სახეებს გააჩნიათ და ბევრ ჩვენგანს გვიოცნებია მათ ადგილას ყოფნაზე, მაგრამ ზოგიერთისთვის ეს ყველაფერი დამღლელი და გამაღიზიანებელია.
დღევანდელ სტატიაში შემოგთავაზებთ იმ სელებრითების სიას, რომლებსაც არ მოსწონთ პუბლიკის ყურადღების ცენტრში ყოფნა.

1. მეგან ფოქსი

32 წლის მსახიობმა ერთ-ერთ ინტერვიუში პოპულარობაზე ისაუბრა. როგორც მეგანი ამბობს, მას საერთოდ არ მოსწონს ხალხის ყურადღების ცენტრში ყოფნა. „ჩემი აზრით, ხალხი კარგად ვერ იაზრებს ამ ყველაფერს. მათ უნდათ, რომ მოვკეტო და არ ვიწუწუნო, რადგან
დიდ სახლში ვხოვრობ და ბენტლი მყავს. ამ ყველაფრის გამო ფიქრობენ, რომ დიდებული ცხოვრება მაქვს. მაგრამ ვერ ხვდებიან, რომ პოპულარობა სკოლაში ყოფნას ჰგავს, მაგრამ თუ სკოლაში რამდენიმე ბავშვი მჩაგრავდა, ახლა მილიონობით ადამიანი აკეთებს ამას“- განაცხადა მსახიობმა.

2. ბრედ პიტი

კიდევ ერთი ცნობილი მსახიობი, რომელსაც პოპულარობამ იმედები გაუცრუა. როგორც ბრედმა ერთ-ერთ ინტერვიუში თქვა, მას ინდუსტრია სულ სხვანაირად წარმოედგინა-„ეს არის ყველაფერი, რაც მე არ მინდოდა. ცნობადობას ცალკეული დიდი მხარე აქვს, რომელიც მასში გითრევს. გიწევს იარო გადაცემებში და შენს პირად ცხოვრებაზე ისაუბრო მხოლოდ იმიტომ, რომ შენს ახალ ფილმს გაუკეთო რეკლამა. მე მსახიობობას პოპულარობისთვის არ ვაგრძელებ.“

3. ჯენიფერ ლოურენსი

ოსკაროსანმა მსახიობმა განაცხადა, რომ იგი პოპულარობას არ შეეგუება-„მე ეს უბრალოდ არ მომწონს. მე უბრალო, ჩვეულებრივი ადამიანი ვარ. პოპულარობით საკმაოდ დიდხანს არ მიცხოვრია, ამიტომ ეს ყველაფერი ჩემთვის ჯერ კიდევ არ არის ნორმალური და არც იქნება.“

4. ჯონი დეპი

ბევრი ჩვენგანის საყვარელი მსახიობი არ მალავს თავის უარყოფით დამოკიდებულებას პოპულარობის მიმართ: „მე თუ მომინდება, რომ ჩემს შვილებთან ერთად საშოპინგოდ წავიდე, ან ისინი დისნეილენდში წავიყვანო, ამას ვერ გავაკეთებ. ეს ყველაფერი ჩემთვის აღარ არსებობს. მერე გავიაზრე, რომ 15 წელია ასე ვცხოვრობ-რესტორნებში უკანა კარიდან ვიპარები, სასტუმროებში ხალხს ვემალები, რომ მარტო ვიყო.“

5. ქეითი პერი

მეგა პოპ-ვარსკვლავი მსოფლიოს გარშემო მილიონობით ალბომს ყიდის, მაგრამ ის მაინც ოცნებობს, ხალხის ყურადღების ცენტრში აღარ იყოს. „მე დავიღალე პოპულარობით, მაგრამ არ დავღლილვარ ჩემი შემოქმედებით. ცნობადობა საზიზღარი შედეგია ჩემი მუსიკისა. მაგრამ აღარ მაინტერესებს ხალხი რას ფიქრობს ჩემზე.“

6. შარლიზ ტერონი

შარლიზი კიდევ ერთი ცნობილი სახეა, რომელსაც პოპულარობა არ იზიდავს. „მე არ მომწონს, როდესაც სელებრითს მეძახიან. მე საერთოდ არ მომწონს ის კულტურა, რომელშიც ვცხოვრობ. საშინელებაა, როდესაც საყიდლებზე მივდივარ და უკან 7 მანქანა მომყვება. ამ ყველაფრის გამო უფრო ჩაკეტილი გავხდი.“

7. სია

მსოფლიოს მასშტაბით ერთ-ერთი ყველაზე ცნობილი მომღერალი საერთოდ არ აჩენს სახეს პუბლიკის წინაშე. სიამ მუსიკალური კარიერისგან 2010 წელს შესვენება აიღო, 2013 წელს კი პარიკით დაბრუნდა რომელიც მის მთლიან სახეს ფარავს და დღემდე მსგავსი იმიჯით მღერის ხალხის წინაშე. სამაგიეროდ, მას საყიდლებზე წასვლა შეუძლია ისე, რომ ვერავინ ვერ ცნობს.

ბაკა ალავიძე
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.