ჰოლივუდის ყველაზე ლამაზი კინოწყვილები - ისინი გაიძულებენ სიყვარულის დაიჯეროთ

ქარიზმა, მეგობრობა, თუ რომანტიკული გრძნობა - არ ვიცით, კონკრეტულად რა აახლოებს მსახიობებს ერთმანეთთან, მაგრამ ფაქტი სახეზეა:
ზოგიერთი გმირი ერთად ისე კარგად გამოიყურება, რომ თითოეული ფილმი, სადაც ერთად ჩნდებიან, წარმატებული ხდება.

ვიხსენებთ ყველაზე დასამახოვრებელ ჰოლივუდის კინოწყვილებს.

მეგ რაიანი და ტომ ჰენკსი

ჰოლივუდის ერთ-ერთი ყველაზე ცნობილი კინოწყვილი, რომელთა წყალობით 90-იანი წლების რომანტიკულ კომედიებს ვაღმერთებთ. მეგი და ტომი ერთად 4 ფილმში თამაშობენ, რომელთაგან ორი - „უძინარნი სიეტლში“ და „თქვენთვის წერილია“ - ყველა ახალგაზრდა, შეყვარებული და მეოცნებე გოგონასთვის კლასიკად იქცა.

ჯულია რობერტსი და რიჩარდ
გირი


დღეს ფილმში „ლამაზმანი“ რიჩარდ გირის გვერდით ჯულია რობერტსის გარდა სხვა მსახიობის წარმოდგენა რთულია, მაგრამ თავდაპირველად ვივიენის როლზე მეგ რაიანი განიხლებოდა - თუმცა მან გადაღებებში მონაწილეობაზე უარი თქვა და როლი ჯულია რობერტსს გადაულოცა. როლმა მსახიობს მსოფლიო აღიარება მოუტანა და შესანიშნავი მეგობარი შესძინა: რიჩარდ გირთან ჯულიას თბილი, მაგრამ არა რომანტიკული ურთიერთობა აქვს. ეკრანული „ქიმია“ გმირებს შორის „ლამაზმანის“ გამოსვლიდან 10 წლის შემდეგაც განმეორდა - ამჯერად ფილმში „გაქცეული პატარძალი“.

ქეით უინსლეტი და ლეონარდო დიკაპრიო

ქეითმა და ლეომ კინოს ისტორიაში ერთ-ერთი ყველაზე ცნობილი წყვილის როლი შეასრულეს - თუმცა, მიუხედავად იმისა, რომ როზისა და ჯეკის გულწრფელი თამაში „ტიტანიკის“ მაყურებელს გულს ახლაც უჩუყებს, ცხოვრებაში მსახიობები ერთმანეთით გატაცებულები არასდროს ყოფილან. სანაცვლოდ კი უკვე 20 წელია განსაკუთრებული მეგობრობა აკავშირებთ.

ჯენიფერ ლოურენსი და ბრედლი კუპერი

ახლა კუპერის მთავარ „კინო მეწყვილედ“ ბევრი ლედი გაგას მიიჩნევს, რომელთან ერთადაც მან მხოლოდ ფილმში „ვარსკვლავის დაბადება“ ითამაშა, მაგრამ ჯენიფერ ლოურენსი უკვე დიდიხანია მისი საყვარელი მეწყვილეა გადაღებებზე. პირველად ერთად გამოჩნდნენ ფილმში „ჩემი შეყვარებული - ფსიქოპატი“, ამ როლისთვის ლოურენსმა „ოსკარი“ მიიღო და ჰოლივუდის ერთ-ერთი ცნობილი სახე გახდა. სამი წლის შემდეგკინოწყვილმა ცოლ-ქმრის როლი შეასრულა ფილმში „სერენა“, „ამერიკულ აფერაში“ კი კიდევ ერთ კინოწყვილთან, კრისტიან ბეილთან და ემი ადამსთან ერთად გამოჩნდნენ.

ემა სთოუნი და რაიან გოსლინგი

2016 წლის ყველაზე დასამახსოვრებელი წყვილი. გასაკვირი არაა, რომ მათ რომანზე ჭორები დღემდე ვრცელდება, მაგრამ ვარსკვლავები ამას უარყოფენ. ისღა დაგვრჩენია, მხოლოდ ეკრანული წყვილით დავტკბეთ: „ლა ლა ლენდის“ გარდა, მათი ნახვა შეიძლება ფილმებში „ეს სულელური სიყვარული“ და „განგსტერებზე მონადირენი“.

ემი ადამსი და კრისტიან ბეილი

სხვადასხვა ფილმებში ემისა და კრისტიანის დუეტმა მსახიობებს „ოსკარზე“ სამი ნომინაცია მოუტანა. ახალ კინოსეზონზე მათ წყვილში კიდევ ერთხელ ვიხილავთ ფილმში „ძალაუფლება“.

კრისტენ სტიუარტი და ჯესი აიზენბერგი

კარიერულ აღმაფრენას სტიუარტი „ბინდის“ პარტნიორს რობერტ პატინსონს უნდა უმადლოდეს, მაგრამ მას გადაღებებზე კიდევ ერთი პარტნიორი ჰყავს. 2009 წელს ჯესი აიზენბერგთან ერთად ის ფილმში „თავგადასავლების სამყარო“ გამოჩნდა, 2015 წელს „ულტრაამერიკელებში“, ერთი წლის შემდეგ კი ვუდი ალენის ფილმში „მაღალი საზოგადოება“ .

ჰელენა ბონემ-კარტერი და ჯონი დეპი

მსახიობები ფილმში ერთად შვიდჯერ გამოჩნდნენ და ამით რეკორდი მოხსნეს. აღსანიშნავია, რომ შეყვარებული წყვილის როლი ხშირად არ უთამაშიათ, მაგრამ მათი მუშაობით, სტილითა და როლების არჩევანით აშკარაა, რომ ერთმანეთს იდეალურად მოუხდებოდნენ - ყოველშემთხვევაში დიდ ეკრანებზე. ამაში რომ დარწმუნდეთ, ნახეთ ფილმები „ჩარლი და შოკოლადის ქარხანა“ და „ალისა საოცრებათა ქვეყანაში“.

ანა ვერძაძე
like
0

კომენტარები

haha 2019-02-04 18:20
ყველაზე მიმზიდველი წყვილით დაიწყეთ და ყველაზე შეუხედავი ხალხით დაამთავრეთ!

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.