ჯენიფერ ენისტონის 10 შთამაგონებელი ციტატა ქალურ ჰარმონიაზე

11 თებერვალს ყველასათვის ცნობილ მსახიობს, ჯენიფერ ენისტონს 50 წელი შეუსრულდა და ამის დაჯერება რთულია. მიუხედავად ბედისწერის ნებისმიერი კრახისა ის ყოველთვის მიმზიდველია შინაგანი სრულფასოვნებისა და ოპტიმიზმის წყალობით. სერიალის „მეგობრები“ ვარსკვლავი 90-იანი წლების ამერიკის ნამდვილი სიმბოლოა, რომლის ცხოვრება და შემოქმედება უკვე 20 წელზე მეტია, რაც ქალებში დიდ ინტერესს იწვევს. მის ცხოვრებაში იყო ბევრი აღმავალი პერიოდი, მაგრამ კიდევ უფრო ბევრი იყო დაცემა, რაც ძირითადად პირად ცხოვრებას უკავშირდება.

გთავაზობთ ჯენიფერ ენისტონის სიცოცხლით სავსე ციტატებს, რაც სწორად განგაწყობთ თქვენი შინაგანი სამყაროს მიმართ და ჰარმონიის განცდაში
დაგეხმარებათ.

1. ბედნიერებაზე

„როცა საქმე ჩვენს სხეულს ეხება, ჩვენ თავად უნდა ვწვეტდეთ, რა არის ლამაზი და რა - არა. ეს მხოლოდ ჩვენი გადაწყვეტილებაა. მოდი,მოვიქცეთ ასე იმ გოგონებისთვის, რომლებიც ჩვენ გვბაძავენ. სრულფასოვანი ადამიანები რომ ვიყოთ, აუცილებელი არ არის გავთხოვდეთ ან შვილები გავაჩინოთ. ჩვენ თავად უნდა განვსაზღვროთ, რას ნიშნავს ჩვენთვის ფრაზა „და ცოხვრობდნენ ისინი დიდხანს და ბედნიერად“.

2. საკუთარი თავის სიყვარულზე

„მას შემდეგ, რაც საკუთარ თავს შეიყვარებთ, ყველაფერი დალაგდება.“

3. შეცდომებზე

„ვიცი, ეს უცნაურად ჟღერს, მაგრამ მე მომწონს ჩემი შეცდომები. ეს მაიძულებს წინ წავიდე“.

4. ურთიერთობაში წონასწორობაზე

„ჩვენ, ქალები, მუდმივად ვწუწუნებთ, რომ კაცები ძალიან განებივრდნენ და ურთიერთობის განვითარებისთვის არაფერს აკეთებენ. მაგრამ სინამდვილეში ისინი ჩვენ გავათამამეთ, რადგან ინსტიქტურად ვირგებთ დიასახლისის როლს და ყველაფერს ვმართავთ. ურთიერთობა კი თანამშრომლობაა, სადაც ყველა საკითხი უნდა განიხილებოდეს, ყველა სურვილი პირდაპირ ითქვას და არ ელოდოთ, რომ თქვენი პარტნიორი თქვენს ფიქრებს წაიკითხავს“.

5. ზედმეტ მოთხოვნილებებზე

„ყველანი მიდრეკილნი ვართ ურთიერთობაში ზედმეტი მოთხოვნილებებისკენ. საკუთარი თავიდან გამომდინარე კი დარწმუნებულები არ ვართ, არ გვჯერა, რომ დაგვაფასებენ ისეთს, როგორებიც ვართ. ამიტომ თანამშრომლობა, დიალოგი ჩვენს შორის არ არის - სიზარმაცის, ვიღაცის მიერ მიღებული წესების გათვალისწინების გამო“.

6. იმედგაცრუებაზე

„გახსოვდეთ: ზღაპარი მიუწვდომელია! ნუ გექნებათ იმედი, რომ ცხოვრებაში ყველაფერი იდეალურად იქნება - ამით მხოლოდ იმედგაცრუებას მიიღებთ“.

7. ცხოვრების წესზე

„დიდხანს ვიყავი გოგონა, რომელიც გამუდმებით უფრთხილდება სხეულს და სპორტდარბაზში საათებს ატარებს, მაგრამ ჩემს ცხოვრებაში დადგა პერიოდი, როცა მივხვდი, რომ სხეულს დასვენება სჭირდება. დავიწყე უფრო მარტივი ვარჯიშების კეთება, სპორტდარბაზს სუფთა ჰაერზე გასეირნებას ვარჩევდი და თავი დავანებე მუდმივად ვარჯიშზე და თითოეულ მიღებულ კალორიაზე ნერვიულობას. იმ პერიოდში ცხოვრება მეტ სიამოვნებას მანიჭებდა“.

8. პირად ჰარმონიაზე

„ასე მგონია არსებობენ ადამიანები, რომლებიც ოჯახისა და ქორწინებისთვის არიან შექმნილნი, მაგრამ დარწმუნებული არ ვარ, რომ მათ მივეკუთვნები. თუმცა, ვინ იცის, იქნებ რამდენიმე წლის შემდეგ მეყოლება ქმარი და შვილები, თანამედროვე მედიცინა ხომ სასწაულებს ახდენს... არ ვმკითხაობ, უბრალოდ ახლანდელ დროში ყოფნას და ცხოვრებას ვარჩევ“.

9. განშორებებზე

„მიმაჩნია, რომ ნებისმიერი ურთიერთობის ბოლოს - რომანტიკული, მეგობრული, სამსახურეობრივი - ყოველთვის უნდა იყოს წერტილის განცდა, როცა ყველაფერი გარკვეულია. როცა იცი დაშორების მიზეზი, მაშინ სუფთა გულით შეგიძლიათ წინსვლა განაგრძო შემდეგი ცხოვრებისეული ეტაპისკენ“.

10. სრულფასოვნებაზე

„არ მიყვარს, როცა გოგონები იმაზე ტირიან, რომ მამაკაცის პოვნა სურთ. არასდროს მომწონდა „სექსი დიდ ქალაქში“, რადგან მისი გმირები თავს ძლიერ ქალებად მხოლოდ მაშინ მიიჩნევენ, როცა მათ ცხოვრებაში მამაკაცი ჩნდება. ეს ჩემი გზა არ არის, ამის არ მჯერა. სიყვარული კონტროლს არ ექვემდებარება“.

ანა ვერძაძე
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.