10 ფაქტი კარლ ლაგერფელდზე, რომლებზეც შესაძლოა, არაფერი გსმენიათ

კარლ ლაგერფელდი 85 წლის ასაკში გარდაიცვალა. ვიხსენებთ ყველაზე ცნობილ ფაქტებს მისი ბიორაფიიდან.

1. მოდაში კარლი ადრეულ ასაკში მოხვდა. 1954 წელს, 16 წლის ასაკში მან კონკურსში გაიმარჯვა, რომელსაც Secrétariat International de la Laine–ი მართავდა. ჟიური ლაგერფელდის მიერ შექმნილმა პალტოს ესკიზმა მოხიბლა. ერთი წლის შემდეგ ეს პალტო ბრენდის Balmain–ი სახელით გამოვიდა – პიერ ბალმანმა 17 წლის კარლი ასისტენტად მიიწვია. 3 წლის შემდეგ, 1957 წელს ლაგერფელდი უკვე სათავეში ედგა მოდის სახლის Jean Patou დიზაინის ბიუროს. მაშინ კარლი 19 წლის იყო.

2. ლაგერფელდს მოდის
სამყაროში მოიხსენიებენ, როგორც ერთ–ერთ პირველ თავისუფალ ხელოვანს. 1960–იან წლებში ის უკვე რამდენიმე ევროპული ბრენდისთვის მუშაობდა: კოლექციებს ქმნიდა ბრენდისთვის Chloé, პარალელურად დიზაინერად მუშაობდა იტალიური ბრენდისთვის Tiziani, 1965 წელს კი Fendi–თან დაიწყო მუშაობა. 1983 წელს კარლი Chanel–მა მზა სამოსის დიზაინერად მიიწვია. 1984 წელს Chanel–სა და Fendi–ს დირექტორმა კარლ ლაგერფელდმა საკუთარი სახელობის ბრენდი – Karl Lagerfeld შექმნა და სრულიად არ აშინებმა დროის ან ფანტაზიის უქონლობა.

3. კარლ ლაგერფელდი არამარტო დიზაინერი, არამედ ფოტოგრაფია. მას ხშირად გადაუღია Fendi–ს, Chanel–ის, Harper’s Bazaar–ის, Numéro–სა და Vogue–თვის. 1997 წელს კარლ ლაგერფელდმა ცნობილი მოდელების – რუპერტ ევერეტის, ამბერ ვალეტას, ლინდა ევანგელისტას, დემი მურის, მარკ ნიუსონისა და სხვ. შიშველი ფოტოების სერია შექმნა.

4. 1992 წელს დიზაინერმა ზღაპრემის მორიგი გამოცემისთვის 60 ილუსტრაცია შექმნა. და ამით ილუსტრატორი კარლის ისტორია არ დასრულებულა: 2012 წელს ის გერმანული გაზეთის Frankfurter Allgemeine Zeitung–ის კარიკატურების მუდმივი ავტორი გახდა.

5. 1990–იანი წლების ბოლოს კარლმა საგამომცემლო საქმიანობა თავადაც შეითავსა: ჯერ პარიზში წიგნების მაღაზია 7L გახსნა, მოგვიანებით კი იმავე კატეგორიის საგამომცებლოდ აქცია, რომელიც სპეციალიზდება ლიტურატურით, რომელიც ვიზუალურ კულტურას, ხელოვნებასა და ფოტოგრაფიას ეძღვნება.

6. კარლმა პოდიუმზე არაერთი პროვოკაცია მოაწყო. 1992 წელს მან Fendi–ის ჩვენებაში მონაწილეობის მისაღებად სტრიპტიზის მოცეკვავე და პორნო ვარსკვლავი მოანა პოცი მიიწვია. ამერიკული Vogue–ის მთავარი რედაქტორი, ანა ვინტური მაშინ ძალიან გაბრაზდა და შოუ დატოვა.
ორი წლის შემდეგ კარლის წყალობით სკანდალში გაეხვა Chanel–ის სახლიც. 1994 წლის გაზაფხული–ზაფხულის ჩვენებაზე კლაუდია შიფერი გამოჩნდა კაბით, რომელზეც ყურანიდან ამოღებული ფრაზები ეწერა. ამან მუსულმანური საზოგადოება აღაშფოთა. ინდონეზიის ულემის საბჭოს ხელმძღვანელობამ Chanel-თვის ბოიკოტის გამოცხადება გადაწყვიტა და ამისათვის პირდაპირ გერმანიის მთავრობას მიმართა (ლაგერფელდი წარმოშობით გერმანელია).
საქმე Chanel–ის სახლის მონანიებით, ბოდიშის მოხდითა და დაპირებით დასრულდა, რომ მორწმუნეებისთვის შეურაცხმყოფელ ტანსაცმელს დაწვავდნენ.

7. 2000–იანი წლების დასაწყისში კარლმა 13 თვეში 42 კგ დაიკლო. მისი თქმით, მოტივაცია ედი სლიმანის სამოსის მორგების სურვილი გახდა, რომელიც იმ დროისთვის Dior Homme–ის კრეატიული დირექტორი გახლდათ. ცნობილმა დიეტოლოგმა, ჟან–კლოდ ჰუდრემ პერსონალურად კარლისთვის შეადგინა დიეტა.ამის შესახებ მან წიგნიც კი გამოსცა, სახელად The Karl Lagerfeld Diet.

8. 2005 წელს ფრანგულ ტელევიზიაში მინი სერიალი Signe Chanel გამოვიდა, რომელშიც Chanel Haute Couture 2004–ის კოლექციაზე მუშაობაა ნაჩვენები. კადრში ხანდახან ხვდებოდა ლაგერფელდიც. თუ კარლზე მეტის გაგება გსურთ, შეგიძლიათ უყუროთ 2007 წლის დოკუმენტურფილმს „ლაგერფელდის საიდუმლოებები“.

9. 2008 წელს ლაგერფელდის სახელი საფრანგეთის მთავარი ენციკლოპედიური ლექსიკონის ახალ გამომცემლობაში Le Petit Larousse Illustré შეიტანეს. 2010 წელს ნიუ–იორკის Fashion Institute of Technology–მა დიზაინერი სპეციალურად მისთვის შექმნილი ჯილდოთი – Couture Council Fashion Visionary Award დააჯილდოვა. კარლი არაერთხელ გამხდარა პრესტიჟული პრემიების ლაურეატი.

10. კარლი მხარს უჭერდა მოდის ინსდუსტრიაში ბუნებრივი ბეწვის გამოყენებას (რაც ბოლო დროის მოვლენების ფონზე დიდი სითამამეა), თუმცა თავად არ ატარებდა და ხორცს თითქმის არასდროს მიირთმევდა. ძალიან უყვარდა ცხოველები, განსაკუთრებით კი საკუთარი კატა შუპეტი, რომელსაც კოლექცია მიუძღვნა და სარეკლამო კამპანიებისთვისაც იღებდა. 2013 წელს ერთ–ერთ ინტერვიუში დიზაინერი იმაშიც გამოტყდა, რომ მასზე იქორწინებდა კიდეც.

ანა ვერძაძე
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.