ლედი გაგა ოსკარის ცერემონიაზე 30 მილიონ დოლარად შეფასებული სამკაულით, რომელიც ოდრი ჰეპბერნისთვის შეიქმნა

რატომ იყო ლედი გაგას ოსკარის ლუქი განსაკუთრებული?

გასულ ღამეს გამართულ ოსკარის ცერემონიალზე, ერთ-ერთი მთავარი ფიგურა ლედი გაგა იყო.

"ვარსკვლავის დაბადებაში" შესრულებული როლისთვის იგი საუკეთესო ქალი მსახიობისა და საუკეთესო სიმღერის ნომინაციებში იყო წარდგენილი, ცერემონიალი კი ერთი ჯილდოთი დატოვა.

ბევრი ელოდა გაგას გამოჩენას წითელ ხალიჩაზე. მომღერალსა და მსახიობს გასულ წლებში მრავალი ლეგენდარული ლუქი მოურგია, ამიტომ ძნელია იწინასწარმეტყველო, თუ რითი წარსდგება 32 წლის ვარსკვლავი პუბლიკის წინაშე, გასულ ღამეს კი მან იმედები არავის არ გაუცრუა. გაგამ ძველი ჰოლივუდის სტილის მორგება გადაწყვიტა- ალექსანდერ მაკქუინის შავი
კაბით, ხელთათმანებითა და პლატინისფერი ქერა თმით, ვარსკვლავმა გასული ღამის საუკეთესოდ ჩაცმულ ვარსკვლავთა სიაში საპატიო ადგილი დაიკავა, მაგრამ ამ ლუქის მთავარი ნაწილი სულაც არ იყო კაბა.

ფოტოების დათვალიერებისას, შეუძლებელია შეუმჩნეველი დარჩეს ყელსაბამი, რომელიც ლედის ამშვენებს.

ამ კონკრეტულ აქსესუარს საკმაოდ დიდი ისტორია აქვს. პირველ რიგში, უნდა ავღნიშნო, რომ ყელსაბამი მსოფლიოში ერთ-ერთ ყველაზე დიდ ბრილიანტს მოიცავს. იგი Tiffany-ს მიერ, სპეციალურად შეიქმნა ოდრი ჰეპბერნისთვის. 128 კარატიანი ყვითელი ბრილიანტი ბოლოს სწორედ ოდრის ამშვენებდა "სადილი ტიფანისთან"-ის გადაღებებზე, მას შემდეგ კი პუბლიკისთვის გასაიდუმლოებული იყო მისი მდებარეობა 58 წლის განმავლობაში. ამ მიზეზის გამო, სრულიად მოულოდნელი იყო ლედი გაგას გამოჩენა ამ სამკაულით, რომლის ღირებულებაც 30 მილიონ დოლარს შეადგენს. როგორც გაგამ წითელ ხალიჩაზე ახსენა, სამკაულის მორგება მას თავად ლეგენდარულმა ბრენდმა შესთავაზა.

ბაკა ალავიძე
like
1

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.