ვინ არის მონიკა ბელუჩის ახალი რჩეული მამაკაცი?

6 მარტს პარიზში შანელის პირველი ჩვენება გაიმართა კარლ ლაგერფილდის გარდაცვალების შემდეგ.
ჩვენება საკმაოდ სიმბოლური იყო, ამიტომ პოდიუმის წინა რიგებში ბევრი ნაცნობი სახე გამოჩნდა. შანელის ჩვენებას დაესწრო ცნობილი იტალიელი მსახიობიც, მონიკა ბელუჩი, რომლის გამოჩენამაც ინტერნეტ სივრცე აალაპარაკა. ამის მიზეზი ნიკოლა ლაფებრეა-მონიკას ახალი მეგობარი მამაკაცი.

მონიკასა და ნიკოლას ურთიერთობის შესახებ მედია გასული წლის დეკემბერში ალაპარაკდა, როდესაც წყვილი პარიზის ქუჩებში გამოჩნდა, მაგრამ არაფერი დადასტურებულა. გუშდელი გამოჩენით კი წყვილმა საბოლოოდ დაადასტურა ჭორები.

36 წლის ნიკოლა საფრანგეთში დაიბადა. 18 წლის ასაკში განათლება მიიღო Ecole du
Luvre (ლუვრის სკოლა)-ში. უნივერსიტეტში შეისწავლა ხეზე მუშაობა და ხისგან დეკორაციებისა და ავეჯის შექმნა დაიწყო. მისი შემოქმედება საფრანგეთში საკმაო პოპულარობით სარგებლობს, გასულ წლებში ჰქონდა რამდენიმე გამოფენაც. დღეს მას 6 წლის შვილი ჰყავს, სახელად ანაჰი.

რაც შეეხება მონიკას, 54 წლის მსახიობმა ბოლო ურთიერთობა 2013 წელს დაასრულა, როდესაც მის მეუღლეს, ვინსენტ კასელს დაშორდა. ტაბლოიდები იუწყებიან, რომ ბელუჩი და ნიკოლა უკვე საკმაოდ დიდი ხანია ხვდებიან ერთმანეთს.

ბაკა ალავიძე
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.