მსახიობები, რომლებიც სამოდელო კარიერას გამოემშვიდობნენ

1. ანჯელინა ჯოლი.

სანამ კინოთეატრის ეკრანებზე გამოჩნდებოდა, საზოგადოება ანჯელინა ჯოლის ჟურნალის გვერდებიდან იცნობდა. 16 წლის ასაკში იგი კალიფორნიაში დაფუძვნებულ სამოდელო სააგენტოსთან თანამშრომლობდა და ფოტოსესიებში იღებდა მონაწილეობას.
2. კამერონ დიასი.

ჩარლის ერთ-ერთ ანგელოზს სამსახიობო კარიერა სწორედ სამოდელო სააგენტომ დააწყებინა. 1990 წელს იგი საკმაოდ წარმატებული მოდელი იყო.

„იქამდე ვიქნები მოდელი, სანამ არ დავბერდები და გავჭაღარავდები“

- ამბობს 17 წლის კამერონი ერთ-ერთ ინტერვიუში, მაგრამ მისი გეგმები მალევე შეიცვალა. 1992 წელს მისმა სააგენტომ ფილმის კასტინგზე გაუშვა და დიასმა როლიც მოიპოვა. 1994 წელს ფილმი „ნიღაბი“ გამოვიდა,
რომლის მეშვეობითაც ჯიმ ქერის მეწყვილე მსოფლიომ გაიცნო.
3. ჩანინგ ტატუმი.

თუ ანჯელინა და კამერონი მხოლოდ ფოტოსესიებით შემოიფარგლებოდნენ, ჩანინგ ტატუმს საკმაოდ მრავალფეროვანი და წარმატებული სამოდელო კარიერა ჰქონდა. 2002 წელს, ერთ-ერთმა სააგენტოს წარმომადგენელმა ჩანინგი შენიშნა და კასტინგზე მიიწვია, რასაც მრავალი ფოტოსესია და პოდიუმი მოჰყვა. 2004 წლის ნიუ-იორკის მოდის კვირეულზე, ტატუმმა რამდენიმე ჩვენებაზე გაიარა, მაგრამ ამ სფეროს მალევე შეეშვა და სამსახიობო კარიერაში სცადა ბედი. დღეს ჩანინგის ხილვა ათეულობით ფილმში შეგიძლიათ.
4. იან სომერჰოლდერი.

„ვამპირის დღიურების“ ვარსკვლავს უკვე მთელი მსოფლიო იცნობს, მაგრამ ბევრმა არ იცის, რომ იგი თინეიჯერობის პერიოდში სამოდელო კარიერას მისდევდა. Versace, Guess, Nautica-ეს იმ ბრენდების არასრული ჩამონათვალია, რომლის კამპანიებშიც იანმა მიიღო მონაწილეობა. 2014 წელს მიცემულ ინტერვიუში მსახიობმა აღნიშნა, რომ მოდელობა მისთვის მოსაწყენი პროფესიაა და დიზაინის სფერო უფრო იზიდავს.
5. მონიკა ბელუჩი.

მსოფლიოში ერთ-ერთი ყველაზე ლამაზი ქალი წლების წინ სამოდელო ინდუსტრიის ნაწილიც იყო. 80-იან წლებში იგი ელიტ მენეჯმენტის წევრი გახდა და საკმაოდ დიდი ხანი იღებდა გადაღებებში მონაწილეობას. 90-იან წლებში ბელუჩიDolce & Gabbana-ს კამპანიაში გამოჩნდა, მისი ფოტოები დაიბეჭდა ჟურნალ ELLE-ს გვერდებზეც. აღსანიშნავია, რომ ბელუჩი გასულ წელსაც ვიხილეთ Dolce & Gabbana-ს პოდიუმზე.
6. ეშტონ კაჩერი.

“A Lot Like Love”-ის ვარსკვლავი 1997 წელს ერთ-ერთი სამოდელო კონკურსის ფინალისტი გახდა და ნიუ-იორკში გაემგზავრა შეჯიბრის ბოლო ეტაპისთვის, მაგრამ ვერ გაიმარჯვა. ამ ყველაფერს მისთვის ხელი არ შეუშლია და სამოდელო სააგენტო Next-ის წევრი გახდა. ჰქონდა გადაღებები Calvin Klein-სთვის, გაემგზავრა პარიზსა და მილანში. სამწუხაროდ თუ საბედნიეროდ, ეშტონის სამოდელო კარიერა მხოლოდ ერთი წელი გაგრძელდა, რადგან 1998 წელს იგი სერიალ „That 70’s Show“-ში დაამტკიცეს.

ბაკა ალავიძე

like
0

კომენტარები

Teano 2019-03-12 06:56
მონიკა ბელუჩი არის მსოფლიოში ყველაზე ლამაზი ქალი!
haha 2019-03-11 09:21
დაფუძვვვნებული არა კვატი

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.