სად არიან 90-იანების ტოპ მოდელები ახლა?

თავისუფლად შეგვიძლია ვთქვათ, რომ 90-იანი წლები სამოდელო ინდუსტრიისთვის ოქროს ხანა იყო. ნაომი ქემპბელი, ქეით მოსი, ლინდა ევანჯელისტა - ეს ძალიან მცირე ნაწილია იმ მოდელებისა, რომლებსაც მეოცე საუკუნის მიწურულს ვხედავდით პოდიუმზე. ზოგიერთი მათგანის სამოდელო კარიერა ჯერ კიდევ არ დასრულებულა, მაგრამ სხვა ნაწილმა განსხვავებული პროფესიის დაუფლება გადაწყვიტა. დღევანდელ სტატიაში გაჩვენებთ მათ გარეგნულ ცვლილებასა და ამჟამინდელ მდგომარეობას.

1. ნაომი ქემპბელი

არის საჭირო ნაომის მიღწევებზე საუბარი? უამრავი ჟურნალის გარეკანი, ასობით კამპანიები, ჩვენებები და კიდევ ძალიან ბევრი რამ, რის ჩამოთვლასაც საკმაოდ დიდი დრო დასჭირდება. სამოდელო სამყაროში
16 წლის ასაკში შემოაბიჯა - ჯერ კიდევ მაშინ, როდესაც ფერადკანიან მოდელებს პოდიუმზე ძალიან იშვიათად იხილავდით. დღეს კი ის ლეგენდაა, სხვას ვერაფერს ვერ დავარქმევთ მის კარიერას. ქემპბელი უკვე 48 წლისაა და ჯერ კიდევ საუკეთესოა სამოდელო სამყაროში. გასულ სეზონზე გაიარა ვალენტინოს პოდიუმზე. ამასთან ერთად, 2015 წელს ითამაშა სერიალშიც-American Horror Story: Hotel. ნაომი იღებს მონაწილეობას საქველმოქმედო მოძრაობებშიც.

2. სინდი კროუფორდი

კიდევ ერთი სუპერმოდელი, რომელიც დღეს ძალიან წარმატებულია. ნაომის მსგავსად, სინდიც 16 წლის ასაკში აღმოაჩინეს. მშობლიურ ქალაქში, დეკალბში, ერთ-ერთმა ფოტოგრაფმა შენიშნა და ფოტო გადაუღო, რაც კროუფორდისთვის ცხოვრების შემცვლელი აღმოჩნდა. 1986 წელს VOGUE-ს გარეკანზე დაიბეჭდა, რამაც ტოპ მოდელობისაკენ მიმავალი გზა გაუხსნა. 90-იანების ბოლოს, უკვე სუპერმოდელმა სინდიმ სამოდელო კარიერა დაასრულა, მაგრამ გეგმებში შესვენება არ ჰქონია. ავეჯის რამდენიმე ხაზი, საავტორო წიგნი, კოსმეტიკური ხაზი, ფილმები, ტელე გადაცემები და კიდევ რამდენი რამ, რითაც კროუფორდი დაკავებული იყო გასულ წლებში. ხანდახან პოდიუმზე გამოსვლაზეც არ ამბობს უარს, მაგრამ სამოდელო კარიერა თავის შვილს, კაია გერბერს გადაულოცა.
  • წინა
like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.