Victoria's Secret-ი სტანდარტებს არღვევს - ბარბარა პალვინი ბრენდის ახალი ანგელოზი გახდა

"არ ვიცი საიდან დავიწყო, მაგრამ შევეცდები გამოვხატო ჩემი ემოციები: ვერც კი წარმოვიდგენდი თუ ეს მე გადამხდებოდა და ჩემს მოლოდინებსაც კი გადააჭარბა ამ ამბავმა. ძალიან ამაღელვებელი მომენტია ჩემთვის იმის გაგება, რომ Victoria's Secret-ის ერთ-ერთი ანგელოზი გავხდები. მადლობა, რომ დარწმუნებული ხართ ჩემში. იყო დრო როცა არ მჯეროდა საკუთარი ძალების და ამან უკან დამხია, თუმცა მადლობა მინდა ვუთხრა ჩემს ოჯახს, მეგობრებს, ყველას ვინც გვერდით მედგა ამ დროის მანძილზე. ამაყი ვარ წარვადგინო უნგრეთი და ჩემი ცხოვრების ახალ ქვეთავზე გადავიდე. ძალიან დიდი მადლობა კიდევ ერთხელ"
- განაცხადა მოდელმა თავის ოფიციალურ ინსტაგრამ გვერდზე.

შეგახსენებთ, რომ ბარბარა პალვინი 25 წლისაა და 13 წლიდან მოდელის კარიერაში აქტიურად არის ჩაბმული, იგი თავისი სიმაღლიდან გამომდინარე 1.75სმ, აღიარებულია კომერციულ მოდელად, თუმცა სავარაუდოდ Victoria's Secret-მა გადაწყვიტა სტანდარტები დაარღვიოს და გუნდში აიყვანოს 81-61-94 პარამეტრების მქონე გოგონა და განაახლოს ანგელოზთა შემადგენლობა.

Victoria's Secret-ის ანგელოზთა რიგებში მოდელი არ განიხილებოდა, თუმცა 2012 და 2018 წელს შოუზე მოდელმა უკვე ორჯერ გაიარა. ამ დღეებში კი როგორც გაირკვა მეორე ანგელოზის ვინაობაც გახდება ცნობილი, ჩვენ კი ისღა დაგვრჩენია დაველოდოთ თუ ვინ მოირგებს Victoria's Secret-ის ფრთებს.

ლიდია ამარიანი
like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.