ცნობილი სახეები, რომლებიც პირად ცხოვრებაზე არ საუბრობენ

მილიონობით ადამიანის ყურადღების ცენტრში ყოფნისას, საკმაოდ ძნელია, გაასაიდუმლო პირადი ცხოვრება.

პუბლიკას აინტერესებს, თუ ვის ხვდები, ვის დაშორდი, როგორი ცხოვრება გაქვს და ჟურნალისტებიც სწორედ ამ კითხვებს გისვამენ, მაგრამ ვარსკვლავების გარკვეული ნაწილი მსგავს კითხვებს თავს არიდებს. ამ სტატიაში ვისაუბრებთ იმ სელებრითებზე, რომლებიც პირად ცხოვრებას საზოგადოდ არ განიხილავენ.

1. ქრისტინა აგილერა

მომღერლის ყოველდღიურ ცხოვრებაზე საკმაოდ მცირე ინფორმაცია გვაქვს: იგი იშვიათად საუბრობს თავის მეუღლესა და შვილებზე. ქრისტინა ბოლო წლებში ამერიკული „ახალი ხმის“ ჟიურის წევრი იყო, გასულ წელს ალბომიც გამოუშვა და ხალხის ინტერესი მის მიმართ
კიდევ უფრო გაიზარდა, მაგრამ სოციალურ ქსელებში იგი საკმაოდ პასიურია- იშვიათად დებს ოჯახის ფოტოებსაც.


2. სანდრა ბულოკი

ჰოლივუდის ერთ-ერთ ყველაზე ცნობილ სახეს, პირადი ცხოვრება საკმაოდ დიდ ხანს ჰქონდა გასაიდუმლოებული. სანდრა 2010 წელს მეუღლეს დაშორდა, რაც ძალიან მძიმედ გადაიტანა. მას შემდეგ კი ჟურნალისტებთან მხოლოდ კარიერაზე საუბრობდა. გასულ წლებში მან ორი ბავშვი იშვილა, რის შესახებაც საზოგადოებამ საკმაოდ დიდ ხანს არ იცოდა.


3. ნატალი პორტმანი

ოჯახური ცხოვრების შესახებ არც ნატალი პორტმანი გვიმხელს ინფორმაციას. ოსკაროსანი მსახიობი და მისი მეუღლე, ბენჟამინი, უკვე წლებია პუბლიკის ყურადღების ცენტრში არიან, მაგრამ მათი ურთიერთობის შესახებ საკმაოდ მცირე ინფორმაცია გვაქვს.


4. ადელი

ცნობილ მომღერალს სიურპრიზები ძალიან უყვარს. ადელი ალბომებს 4 წელიწადში ერთხელ უშვებს, ამ პერიოდში კი საკმაოდ იშვიათად ჩნდება პუბლიკის წინაშე. 2012 წელს საზოგადოებამ ადელის ორსულობის შესახებ მაშინ გაიგო, როდესაც მომღერალი 7 თვის ფეხმძიმე იყო. „Someone like you”-ს შემსრულებელი პირად ცხოვრებაზე არც სოციალურ ქსელში არ საუბრობს.


5. ბიონსე და ჯეიზი

ინდუსტრიაში ერთ-ერთი ყველაზე გავლენიანი წყვილის ქორწილი 2008 წელს იყო, მაგრამ ის საკმაოდ გასაიდუმლოებული იყო. მომღერლები არც პირად ცხოვრებაზე არ საუბრობენ ბევრს (თუ არ ჩავთვლით ბიონსეს ბოლო ალბომ „Lemonade”-ს). ბიონსეს ინტერვიუები არ უყვარს, ამიტომ მისი ოჯახური ცხოვრების შესახებ მხოლოდ სოციალური მედიისა და სიმღერების მეშვეობით ვიგებთ.


6. პენელოპა კრუზი 

პენელოპა და მისი მეუღლე, ჰავიერი, ერიდებიან პაპარაცებსა და ჟურნალისტებს. მათ არ უყვართ პირად ცხოვრებაზე ლაპარაკი და განსაკუთრებულად იკავებენ თავს შვილზე საუბრისგან. „როდესაც ჩვენს შვილს ქუჩაში ფოტოებს უღებენ, პენელოპას უნდება, რომ პაპარაცებს რამე ესროლოს“-აცხადებს ჰავიერი ერთ-ერთ ინტერვიუში.


7. ემა უოტსონი.

ერთ-ერთ ინტერვიუში ემამ განაცხადა, რომ იგი ცნობილ ადამიანთან არასდროს არ წავა პაემანზე. როგორც ამბობს, მას არ სურს პირადი ცხოვრების გასაჯაროება. მაგრამ, როდესაც მას საზოგადოებისთვის უცხო შეყვარებულის შესახებ ჰკითხეს, ემამ უპასუხა: „ვფიქრობ, რომ უსამართლოა, როდესაც მისი ინტიმური დეტალები საზოგადოებისთვის ცნობილი ხდება მარტო იმიტომ, რომ მე მხვდება. ნეტავ შემეძლოს მისი დაცვა.“

ბაკა ალავიძე
like
4

კომენტარები

... 2019-03-18 05:48
სელებრითებზე... მო..თ ენა!
vera 2019-03-17 06:39
ბიონსეს და ჯეი ზის ურთიერთობა თუ გასაიდუმლოებულია და რავი...
eka 2019-03-15 12:41
სანდრა ბულოკი კი არა ბალოკი

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.