კანის მოვლის 5 წესი ბელა ჰადიდის კოსმეტოლოგისგან

ვარსკვლავების კოსმეტოლოგი, ბარბარა შტურმი, რომლის კოსმეტიკური ხაზი უკვე რამდენიმე წელია გაყიდვაშია, მსოფლიოში ცნობილ ბევრ ვარსკვლავთან მუშაობს.

მათ შორისაა ტოპ-მოდელი ბელა ჰადიდიც, რომელიც ყოველთვის ძალიან კარგად გამოიყურება - მოდის კვირეულის მარათონის შემდეგაც კი, რომლის განმავლობაში გოგონას დღეში რამდენჯერმე უწევს მაკიაჟის შეცვლა. ამას დაუმატეთ მუდმივი უძილობა და ფრენები - ასეთ გამოცდას ყველაზე ახალგაზრდა და ჯანმრთელი კანიც ვერ გაუძლებს.

მაგრამ ბარბარამ იცის, როგორ უნდა მოიქცეთ - მოცემულია 5 წესი, სადაც გაიგებთ, თუ როგორ შეინარჩუნოთ სილამაზე ექსტრემალურ სიტუაციებშიც კი.

1  დაიცავით დიეტა

აქ საქმე
ზედმეტ კილოგრამებში არ არის. როგორც ბარბარა მიიჩნევს, როცა საქმე ეხება კანის მოვლას, კრემები და სხვადსხვა პროცედურები საკმარისი არ არის. აქ მნიშვნელოვანია სწორი კვება, კარგი ძილი და საკუთარ თავთან ჰარმონიაში ყოფნა. ჩვენს ნაწლავებში სასარგებლო ბაქტერიები რომ იყოს და მიკროფროლა მოწესრიგებული, ექსპერტები გვირჩევენ ვიკვებოთ ბოსტნეულით, ველური თევზითა და ფერმენტირებული პროდუქტებით. შეზღუდეთ რაფინირებული შაქარი, რძის პროდუქტები და გლუტენი.


ნუ გამოიყენებთ თქვენთვის ზედმეტად აგრესიულ ინგრედიენტებს

„რამდენადაც ყველაფერი, რაც კანის ზედაპირზე ხვდება, აუცილებლად ხვდება სხეულის შიგნითაც. დააკვირდით, როგორ მოქმედებს სხვადასხვა ინგრედიენტი კონკრეტულად თქვენზე. ზედმეტად აგრესიული ფორმულები, შესაძლოა, უარყოფითად აისახოს. თქვენი მიზანია გაიუმჯობესოთ კანის მდგომარეობა, არ დაათხელოთ და არ გახადოთ უფრო დაუცველი“.


3  მოარიდეთ კანი ეკრანებს

„ეს იმიტომ, რომ ეკრანული გამოსხივება, მზის დასხივებაზე უფრო მავნეა“. როცა ტელეფონს უყურებთ, მთელი სინათლე კონცენტრირებულია სახისკენ. ყველა დამცავი საშუალება კი ბევრ სინთეთიკურ ინგრედიენტს შეიცავს, რომლებიც არც თუ ისე სასარგებლოა.


4  გამოკვებეთ ქსოვილი შიგნიდან

„კანი ღრმად რომ დაატენიანოთ, იზრუნეთ კანზე არა მხოლოდ გარედან, არამედ შიგნიდანაც და შეარჩიეთ თქვენთვის აუცილებელი ბიოდანამატები“.


5  იპოვეთ ჰარმონია

„ვფიქრობ, ერთ-ერთი უმნიშვნელოვანესია, რომ სტრესი, რომელსაც დღის განმავლობაში განიცდით მხოლოდ პოზიტივი იყოს. რაც უფრო კარგად გრძნობთ თავს, მით უკეთ გამოიყურებით. გიყვარდეთ ის, რასაც აკეთებთ“.

ანა ვერძაძე
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.