ჰიტ ლეჯერი - ჩვენი საყვარელი „ცუდი ბიჭი“

ჰიტ ლეჯერი - ჰოლივუდის ყველა ქალი მსახიობის ქარიშხალი, ნულოვანი წლების მთავარი „ცუდი ბიჭი“, მომხიბვლელი ღიმილის მფლობელი და მისი თაობის მსახიობებს შორის ერთ-ერთი ყველაზე ნიჭიერი და დასამახსოვრებელი სახე.

4 აპრილს ქერათმიანი ავსტრალიელი 40 წლის გახდებოდა, ჩვენ კი, სამწუხაროდ, მხოლოდ მისი საკულტო ფილმების გადახედვაღა შეგვიძლია. ამ ჩამონათვალშია მაგ: ისეთი ფილმები, როგორიცაა ოსკარზე სამჯერ ნომინირებული „პატრიოტი“, ასევე „კუზიანი მთა“, სადაც ჰიტი ჯეიკ ჯილენჰოლთან ერთად თამაშობს, „ბნელი რაინდი“, რომელშიც მეორეხარისხოვანი როლისთვის ცნობილი ოქროს ქანდაკებაც მიიღო, და სხვა ბევრი ნამუშევარი.

შეუძლებელია დავივიწყოთ ყველა თინეიჯერი გოგონას
საყვარელი 1999 წლის ფილმი „ჩემი სიძულვილის 10 მიზეზი“, რომელშიც ჰიტ ლეჯერის გმირი სკოლის სტადიონზე მთავარ გმირს უმღერის ბალადას „Can't Take My Eyes Off You“.

ლეჯერის დაბადების დღის აღსანიშნავად, გთავაზობთ არა მარტო კატარინა სტრეტფორდის როლის მორგებას, არამედ რამდენიმე წუთით 2000-იან წლებში დაბრუნებას.

შევარჩიეთ ჰიტ ლეჯერის იშვიათი ფოტოები, რომლებშიც მსახიობი ზუსტად ისე გამოიყურება, როგორიც ყველა თაყვანისმცემელს დაამახსოვრდა: ცოტათი დაუდევარი მომხიბვლელი ბიჭი, რომელსაც შეუძლია წითელ ხალიჩაზე Vans-ის კედებში ან სანდლებში გამოწყობილი გამოჩნდეს და საყოველთაო ყურადღება მაინც მიიქციოს.

ანა ვერძაძე
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.