10 კითხვა წლის ყველაზე წარმატებულ ქართველ მოდელს - მატილდა გვარლიანი

„ბომონდის“ ახალი რუბრიკის „ბლიც ინტერვიუს“ სტუმარი 15 წლის მოდელი მატილდა გვარლიანია, რომელიც დასამახსოვრებელი სილამაზითა და განსხვავებული ვიზუალით მუდმივად ყურადღების ცენტრშია.

ატილდას ამ დროისთვის წარმატებულ სამოდელო სააგენტოებთან: Look Modéls Managemént (საქართველო),Munich Models (გერმანია) და Uno Models (ესპანეთი) აქვს კონტრაქტი ასევე მონაწილეობა აქვს მიღებული Pull and Bear-ის შემოდგომა-ზამთრის კოლექციის კამპანიაში.



„ბომონდი“ გიზიარებთ ბლიც ინტერვიუს ახალგაზრდა მოდელთან:

პირველი შეგრძნებები პოდიუმზე...

- ჩვენების დღეს ძალიან ვნერვიულობდი, ეს იყო ჩემი პირველი გამოწვევა, რომლისთვისაც თავი ღირსეულად უნ
და გამერთვა. ძალიან ვღელავდი, მაგრამ პოდიუმზე გავლისთანავე ყველანაირი შიში გამიქრა და საკმაოდ კარგად გავართვი თავი.

ყველაზე მნიშვნელოვანი დღე...

- ყველაზე მნიშვნელოვანი დღე, ჩემს ცხოვრებაში ჩემი დის დაბადების დღე იყო, რომელიც ულევი ბედნიერებითა და ენერგიით მავსებს.



მენატრება...

- ზაფხული, ძალიან მიყვარს წელიწადის ეს დრო და ყოველთვის მენატრება, მიყვარს მზე, ზღვა და სითბო.

მეშინია...

- ოპიდიოფობია მაქვს, რაც გველების შიშს ნიშნავს.

თვისება, რომელიც მომწონს ჩემში...

- რაც ყველაზე მეტად მომწონს ჩემში, არის შრომისმოყვარეობა და მიზანდასახულობა, რაც უდაოდ დამეხმარება მომავალში საკუთარი ძლიერი მხარეების გამოვლენასა და წარმატების მიღწევაში.



საოცნებო კონტრაქტი...

- მინდა „Victoria’s Secret“-ის შოუში და “Next Models Worldwide”-ში მოხვედრა, რისთვისაც ჩემი შესაძლებლობების 100%-ს გამოვიყენებ და თავს არ დავზოგავ.

მაბრაზებს...

- რაც ყველაზე მეტ სიბრაზეს იწვევს ჩემში, ეს არის ცხოველებზე მოძალადე ადამიანები.



წარმატებისთვის აუცილებელია...

- უმთავრესია მიზანდასახულობა და შრომისმოყვარეობა.

საყვარელი წიგნი...

- ყველა წიგნი რაღაცას მაძლევს, არ გამოვარჩევ ხოლმე და შესაბამისად გამორჩეულად საყვარელი წიგნიც არ მაქვს, ყველა თავის მხრივ საინტერესო და მრავლისმომცველია.



სტიმულს მაძლევს...

- ყველაზე დიდი სტიმული ჩემთვის ჩემი ოჯახი და სამეგობროა, რომელიც სულ მუდამ გვერდში მიდგას და მათ მხარდაჭერას ვგრძნობ ნებისმიერ წამოწყებაში.


ლიდია ამარიანი
like
3

კომენტარები

წერტილებიან-ს 2019-04-10 08:59
ბავშვია, ეგრე როგორ შეიძლება საუბარი. მოდერატორი რას უყურებდა ეგ კომენტი რომ გაეპარა
ნინა 2019-04-09 14:05
ულამაზესი და უკეთილშობილესი
ნინა 2019-04-09 14:05
ულამაზესი და უკეთილშობილესი
ნუკა 2019-04-09 13:57
ულამაზესი გოგოა და წარმატებებს ვუსურვებ ცხოვრების ნებისმიერ ასპარეზზე, მსურს, რომ მართლაც გახდეს Victoria'sSecretის მოდელი. რაც შეეხება ნაკითხობას, მგონია, რომ ნამდვილად ნაკითხია. არც მგონია სწორად, დაასახელო ერთი ან ორი კონკრეტული წიგნი ან მწერალი.
თამუნას 2019-04-09 12:11
დაიბოღმე? ნამდვილად უამრავი წიგნი აქვს წაკითხული!

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.