ქართული მოდის ახალი სახე, რომელსაც საერთაშორისო ასპარეზზე დიდ წარმატებებს უწინასწარმეტყველებენ

გასულ წელს მან ერთ-ერთ ყველაზე მნიშვნელოვან კონკურსში, Elite Model Look-ში მიიღო მონაწილეობა და საერთაშორისო ფინალშიც გავიდა საქართველოს წარმომადგენლად. დღეს ქართული მოდის ინდუსტრიაში განაგრძობს მუშაობას.



"ბომონდის" სტუმარი წარმატებული ქართველი მოდელი, რეზი კალანდარიშვილია.

- სამოდელო ინდუსტრიით როდის დაინტერესდით? 

- ეს პროფესია დიდი ხანია მიზიდავს, მაგრამ პირველი ნაბიჯი 1 წლის წინ გადავდგი, როდესაც Elite Model Look-ის კასტინგების შესახებ გავიგე და მეგობრების რჩევით მონაწილეობა მივიღე.

IC MODEL MANAGEMENT

- როგორი გამოცდილება იყო ამ კონკურსში მონაწილეობის მიღება თქვენთვის?

- მიუხედავად დიდი კონკურენციისა, საქართველოში გავიმარჯვე, რაც მოულოდნელი

იყო ჩემთვის. ფინალი კანარის კუნძულებზე ჩატარდა, სადაც სამწუხაროდ ვერ მოვახერხე საკუთარი თავის მაქსიმალურად წარმოჩენა. ვფიქრობ, ძალიან კარგი გამოცდილება მივიღე როგორც მოდელმა.


- 17 წლის ხართ, რამდენად ძნელია სამოდელო კარიერისა და 'ყოველდღირიურობის" ერთმანეთთან შეთავსება?

- სიმართლე გითხრათ, ახლა მთავარ ფოკუსირებას სწავლაზე ვახდენ. მეთორმეტე კლასში ვარ და ძნელად მრჩება თავისუფალი დრო, ამიტომ გამოცდების დასრულებას ველოდები, რომ მოდის ინდუსტრიას უფრო დიდი დრო დავუთმო.

PHOTO © OMO GETI
FOR BEAUMONDE

- ოჯახი რამდენად გიწყობს ხელს კარიერულ წინსვლაში?

- შემი მშობლები მაქსიმალურად მიწყობენ ხელს, რომ კარიერულად განვვითარდე. მთავარი გულშემატკივარი ჩემი უმცროსი დაა, ელიტის ფინალში რომ გავედი, ყველაზე მეტად მას გაუხარდა.

- ბევრჯერ გამოსულხართ მოდის ჩვენებებზე და ასევე ბევრჯერ მიგიღიათ მონაწილეობა ფოტოსესიებში. თავად რომელს ამჯობინებ კამერას, თუ პოდიუმს?

- ორივეს განსაკუთრებული დამახასიათებელი ნიშნები აქვს, მაგრამ ჩვენებაზე გამოსვლა ბევრად განსხვავებულ ემოციებთანაა დაკავშირებული. ბევრი ადამიანის გარემოცვაში ყოფნა, მეტი დაბრკოლება და გამოწვევა პოდიუმს ძალიან საინტერესოს ხდის.

- რა არის კარგი "ქეთვოქის" საიდუმლო?

-
აუცილებელია იყო თავდაჯერებული და სამოსში თავს კომფორტულად გრძნობდე.

- საოცნებო ბრენდი, რომლის ჩვენებაზეც გინდა გამოსვლა?

- არმანის ჩვენებაზე გამოვიდოდი პირველ რიგში.

- რა არის სამოდელო კარიერის მთავარი სირთულე?

- ალბათ, კასტინგები. ჩვენების კასტინგებზე სიარული საკმაოდ სტრესული და დამღლელია. დიდი ხნის განმავლობაში გიწევს ერთ ოთახში ჯდომა, სანამ შენი ჯერი მოვა. საბოლოოდ კი ან შეგარჩევენ, ან არა.

PHOTO © OMO GETI 
FOR BEAUMONDE

- რა არის თქვენი მთავარი მოტივაცია?

- ჩემი შესაძლებლობების გამოყენება მაქსიმალურად და თავის წარმოჩენა.

- როგორ ინარჩუნებ ფორმას?

- სიმართლე გითხრათ, მენიუში თავს არ ვიზღუდავ, დიეტის დაცვა არ დამჭირდა. თავისუფალ დროს ვარჯიშს ვუთმობ.

- განტვირთვის საუკეთესო გზა?

- მეგობრებთან ერთად ქალაქგარეთ წასვლა ჩემთვის იდეალური განტვირთვაა. თუ დროში ვართ შეზღუდულები, მაშინ კინოთეატრში ან რომელიმე ბარში მივდივართ.

- სამომავლო გეგმებზე რას გვეტყტვით?

ამჯერად მოდის კვირეულისთვის ვემზადები, პარალელურად სწავლას ვაგრძელებ. ძირითადი გეგმები ისევ განათლებას ეხება, სწორედ მასზეა დამოკიდებული სამოდელო კარიერაც...

ბაკა ალავიძე

like
1

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.