ჩვეულებრივი გოგონები, რომლებიც პლასტიკური ქირურგიის მეშვეობით ჩვენი საყვარელი მეგავარკსვლავები გახდნენ

ეს გოგონები ქუჩაში რომ შეგხვედროდათ, უდაოდ ყველა აუღელვებლად ჩაუვლიდით გვერდს, მეტიც, მათი ვიზუალი ცოტა ადამიანის ყურადღებას იქცევდა მუდამ, დღეს კი ისინი მოდის სამყაროს, კინო ინდუსტრიას, უამრავ სატელევიზიო და რეალითი შოუსა და ლამაზ გარეკანებს ამშვენებენ.

მაშ ასე, „ბომონდი“ გიზიარებთ 5 ყველასათვის ცნობილ ლამაზმანს, რომელიც პლასტიკური ქირურგიის შემდეგ შევიყვარეთ.

კეტრინ ზეტა-ჯონსი

კეტრინმა სამსახიობო კარიერაში მოსვლის დროს სახის ყველა ნაკვთი შეიცვალა, ბლეფეროპლასტიკიდან დაწყებული - რაც თვალის ქვეშ ე.წ „ტომრების“ მოცილებას გულისხმობს, მიმიკური ნაოჭებით დასრულებული. სახეზე არაერთი ოპერაციიდან გამომდინარე, ყველაზე წარმატებულად შეგვიძლია ვაღიაროთ ცხვირის
ოპერაცია, რომელმაც მსახიობს საგრძნობლად შეუცვალა იმიჯი. თუმცა ინტერვიუების დროს, ბრიტანელი მსახიობი, რინოპლასტიკით დაწყებულ ყველა ოპერაციას უარყოფს.


ბლეიკ ლაივლი

ამერიკელი მსახიობი და ფოტომოდელი ბლეიკ ლაივლი, არაერთი პლასტიკური ქირურგიის შედეგად დღეს საკმაოდ მოთხოვნად ფოტომოდელად და საბედისწერო ქალად იქნა მიჩნეული. მისი პირველი პლასტიკური ქირურგია მკერდის ოპერაციით დაიწყო, რისი მეშვეობითაც მან მოცულობა გაიზარდა და დაშვებული ფორმის მკერდი, მკვეთრად აწია. მსახიობს ასევე თვალის ქუთუთოების კორექცია და რინოპლასტიკა აქვს ჩატარებული, ეს უკანასკნელი კი უდაოდ აისახა მისი ვიზუალის ცვლილებაზე და თანაც საკმაოდ წარმატებულად.


ტაირა ბენკსი

აფრიკული წარმომავლობის სუპერმოდელმა პლასტიკურ ქირურგიებამდე საკმაოდ ბევრი ბრენდის დიზაინერის გული მოიგო, მან დროთა განმავლობაში შეიცვალა ვიზუალი.პირველად ჟურნალის ყდისთვის პოზირება 15 წლის ასაკში დაიწყო, ხოლო პოდიუმზე უკვე დაპატარავებული ცხვირით წარსდგა საზოგადოების წინაშე, მან აგრეთვე ლოყებისა და თვალის ჭრილის კორექცია ჩაიტარა, რაც შეიძლება ითქვას საკმაოდ წარმატებულიც გამოდგა მის შემთხვევაში.


მეგან ფოქსი

ბევრი ვარსკვლავისგან განსხვავებით, მეგანი არასოდეს მალავს პლასტიკური ქირურგიის ჩატარებას საკუთარ თავზე, როგორც მოდელი და მსახიობი ამბობს, რინოპლასტიკა სამჯერ ჩაიტარა, ტუჩები უფრო მოცულობითი გახადა, ყბა და ლოყებიც დაიკორექტირა და მკერდი გაიდიდა, მიუხედავად მეტყველი თვალებისა, შეიძლება ითქვას, რომ მისი ვიზუალური ცვლილება იქცა მეგავარსკვლავის მთავარ კოზირად.


ბელა ჰადიდი

ბელამ პლასტიკური ქირურგიით გატაცება ადრეული ასაკიდან დაიწყო, მიუხედავად იმისა, რომ დღესდღეისობით უარყოფს ექიმების ჩარევას, უნდა აღინიშნოს, რომ საკმაოდ დიდი მოცულობის ცხვირი რინოპლასტიკის დამსახურებით, პატარა ზომის გახდა, მან აგრეთვე ჩაიტარა სახის ოვალის ცვლილების ოპერაცია, რითაც უფრო გამოკვეთა ნაკვთები, ჩატარებული აქვს ბლეფეროპლასტიკა, თვალის ჭრილის და ლოყებისკორექცია. პლასტიკური ქირურგიის მეშვეობით შეიძლება ითქვას, რომ 22 წლის ტოპ მოდელი ერთ-ერთი ყველაზე მოთხოვნადი და წარმატებული ახალგაზრდა გოგონაა, რომელთან კონტრაქტს არაერთი ცნობილი მოდის სახლი აფორმებს.

ლიდია ამარიანი


like
6

კომენტარები

ლევანი
gasgebia
2019-04-09 19:34

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.