10 კითხვა წლის ყველაზე ტენდენციურ მოდელს - ლიკუნა ხაჭაპურიძე

„ბომონდის“ რუბრიკის „ბლიც ინტერვიუს“ სტუმარია ქართველი მოდელი ლიკუნა ხაჭაპურიძე, რომელიც სამოდელო კარიერაში მისმა მეგობარმა და სტილისტმა - არტურ ავაკოვმა აღმოაჩინა.

ოგორც ლიკუნამ „ბომონდთან“ ინტერვიუს დროს განაცხადა, განსაკუთრებულს არაფერს გეგმავს, ვინაიდან სწავლა აკადემიაში მოდის დიზაინის განხრით დაიწყო. პროფესიით იურისტი, სამოდელო კარიერის გარდა, სამომავლოდ დიზაინერადაც არ გამორიცხავს მოსინჯოს საკუთარი ძალები.


„ბომონდი“ გიზიარებთ ბლიც ინტერვიუს 23 წლის ქართველ მოდელთან - ლიკუნა ხაჭაპურიძესთან:



მიყვარს...

- როდესაც ჩემს საყვარელ ადამიანებს ბედნიერს ვხედავ, ეს ძალიან მმუხტავს და მოტივაციას მაძლევს, თითქოს გადამდებია დადებითი განწყობა.

ნივთი, რომლის გარეშეც
ვერ ვძლებ...


- რამდენად სამწუხაროც არ უნდა იყოს ეს ტელეფონია, მის გარეშე წარმოუდგენელია არამარტო გადაადგილება, არამედ მეგობრებთან და ნათესავებთან კომუნიკაცია.

ყველაზე მნიშვნელოვანი ადამიანი ჩემს ცხოვრებაში...

- მამაჩემი ყველაზე განსაკუთრებულია ჩემთვის, იმდენად, რომ სამაგალითოც კი არის, ღმერთის მადლობელი ვარ, რომ მისი შვილი ვარ და ის მამაჩემია.



სამი რამ, რაც მომწონს ჩემში...

- ვარ საოცრად მხიარული, მიზანდასახული და გულჩვილი.

რას ვერ ვაპატიებდი საყვარელ ადამიანს...

- საქმე იმაშია, რომ საყვარელი ადამიანისგან ყველაზე მარტივად მწყინს რაღაცეები, იქიდან გამომდინარე, რომ ყველაზე მეტს სწორედ მათგან ველი, თუმცა მგონია გულით მონანიების შემთხვევაში, ყველაფერს ვაპატიებდი.



ინტრავერტი თუ ექსტრავერტი...

- ალბათ ექსტრავერტი ვარ, ამ კითხვაზე ზუსტი პასუხი არ მაქვს, იქიდან გამომდინარე, რომ საკმაოდ ხშირად მეცვლება ხასიათი დღის განმავლობაში, ბევრი მეგობარიც მყავს, სოციალურად გახსნილიც ვარ, ამასთანავე უშუალო, მიყვარს ხალხმრავალ ადგილებში სიარული, მაგრამ არსებობს დღეები, როცა ვიკეტები, ხალხი და ყურადღება მაღიზიანებს, სახლიდან გასვლაც კი არ მინდა, სწორედ მაგ დროს ვუღრმავდები საკუთარ თავს...

რომ არა სამოდელო კარიერა...

- ადვოკატი ვიქნები უდავოდ.



ვნანობ...

- საყვარელ ადამიანებს გულს უნებლიედ რომ ვტკენ ძალიან ვნანობ.

შემთხვევა, რომელმაც შემცვალა...

- ჩემი ახლო მეგობრის გარდაცვალება.

მენატრება...

- მინდა გითხრათ, რომ საკმაოდ ხშირად... ყველა და ყველაფერი...

ლიდია ამარიანი
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.